ജൂലൈ 20ന് ഹിജ്റ പുതുവര്ഷാരംഭം പ്രമാണിച്ച് അവധി ആയിരിക്കുമെന്ന് മാനവവിഭവശേഷി വകുപ്പ് അറിയിച്ചു.
ഷാര്ജ: ഹിജ്റ പുതുവര്ഷാരംഭത്തിന്റെ ഭാഗമായി ഷാര്ജയില് നാല് ദിവസത്തെ അവധി പ്രഖ്യാപിച്ചു. പൊതുമേഖലാ ജീവനക്കാര്ക്കുള്ള അവധിയാണ് പ്രഖ്യാപിച്ചത്. ജൂലൈ 20ന് വ്യാഴാഴ്ചയാണ് എമിറേറ്റില് പൊതു അവധി പ്രഖ്യാപിച്ചിരിക്കുന്നത്. ജൂലൈ 20ന് ഹിജ്റ പുതുവര്ഷാരംഭം പ്രമാണിച്ച് അവധി ആയിരിക്കുമെന്ന് മാനവവിഭവശേഷി വകുപ്പ് അറിയിച്ചു. ജൂലൈ 24 തിങ്കളാഴ്ചയാണ് അവധിക്ക് ശേഷം പ്രവൃത്തി ദിവസം പുനരാരംഭിക്കുകയെന്നും അധികൃതര് വ്യക്തമാക്കി.
Read Also - സ്വദേശിവത്കരണം കൂടുതല് മേഖലകളിലേക്ക് വ്യാപിപ്പിക്കുന്നു; പ്രഖ്യാപനവുമായി യുഎഇ
ഹിജ്റ പുതുവര്ഷാരംഭത്തോട് അനുബന്ധിച്ച് കുവൈത്തിലും ഒമാനിലും പൊതു അവധി പ്രഖ്യാപിച്ചിട്ടുണ്ട്. ജൂലൈ 19നാണ് രാജ്യത്ത് പൊതു അവധി പ്രഖ്യാപിച്ചിരിക്കുന്നത്. മന്ത്രാലയങ്ങള്, സര്ക്കാര് സ്ഥാപനങ്ങള്, ഏജന്സികള് എന്നിവിടങ്ങളില് ജോലി ചെയ്യുന്നവര്ക്ക് 20ന് വിശ്രമദിനമായും പ്രഖ്യാപിച്ചു. തിങ്കളാഴ്ച ചേര്ന്ന മന്ത്രിസഭാ യോഗത്തിലാണ് തീരുമാനം. വാരാന്ത്യ അവധി ദിവസങ്ങളായ വെള്ളിയും ശനിയും കഴിഞ്ഞ ജൂലൈ 23 ഞായറാഴ്ചയാകും ഇനി മന്ത്രാലയങ്ങള്, സര്ക്കാര് സ്ഥാപനങ്ങള്, ഏജന്സികള് എന്നിവ തുറന്നു പ്രവര്ത്തിക്കുക. അതേസമയം ഹിജ്റ പുതുവര്ഷാരംഭത്തിന്റെ ഭാഗമായി ഒമാനില് ഔദ്യോഗിക അവധി പ്രഖ്യാപിച്ചിരുന്നു. ജൂലൈ 20 വ്യാഴാഴ്ച പൊതു അവധി ആയിരിക്കുമെന്ന് ഒമാന് ന്യൂസ് ഏജന്സി പ്രസ്താവനയില് അറിയിച്ചു. പൊതു, സ്വകാര്യ മേഖലകള്ക്ക് അവധി ബാധകമായിരിക്കും. വാരാന്ത്യ ദിനങ്ങളടക്കം മൂന്നു ദിവസം അവധി ലഭിക്കും.
Read Also - സ്വദേശികളെ അവഹേളിക്കുന്ന വീഡിയോ; അറബ് വേഷത്തില് ആഢംബര കാര് ഷോറൂമിലെത്തിയ പ്രവാസി പിടിയില്
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം..
