സാമൂഹിക പ്രവര്‍ത്തകന്‍ സൗദിയില്‍ അന്തരിച്ചു
നോമ്പ് തുറന്ന ശേഷം ശാരീരികാസ്വാസ്ഥ്യം അനുഭവപ്പെടുകയായിരുന്നു. ഉടന്‍ ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.
റിയാദ്: സാമൂഹിക പ്രവര്‍ത്തകന്‍ റിയാദില്‍ അന്തരിച്ചു. റിയാദ് കെഎംസിസി ഉദുമ മണ്ഡലം കമ്മിറ്റി പ്രസിഡന്റ് ഉദുമ മാങ്ങാട് സ്വദേശി സി എ മൊയ്തീന്‍കുഞ്ഞി (57) ആണ് തിങ്കളാഴ്ച വൈകിട്ട് മരിച്ചത്.
നോമ്പ് തുറന്ന ശേഷം ശാരീരികാസ്വാസ്ഥ്യം അനുഭവപ്പെടുകയായിരുന്നു. ഉടന്‍ ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല. 28 വര്‍ഷമായി റിയാദിലുള്ള ഇദ്ദേഹം അറേബ്യന്‍ ഫുഡ് സപ്ലൈസ് കമ്പനിയില്‍ അക്കൗണ്ടന്റായിരുന്നു. ഭാര്യ: ബീഫാത്തിമ. മക്കള്‍: തസ്നീം, തഫ്ഹീമ, തന്‍സീല, തഹ്മീല. മരുമക്കള്‍: ബാസിത്, റഷാദ്. മൃതദേഹം റിയാദില്‍ ഖബറടക്കുന്നതിന് ഒഐസിസി സെന്‍ട്രല്‍ കമ്മിറ്റി പ്രസിഡന്റ് കുഞ്ഞി കുമ്പള, കെഎംസിസി സെന്‍ട്രല്‍ കമ്മിറ്റി വെല്‍ഫയര്‍ വിങ് ചെയര്‍മാന്‍ സിദ്ദീഖ് തുവ്വൂര്‍ എന്നിവര്‍ രംഗത്തുണ്ട്.
കൊവിഡ് ബാധിച്ച് ഗള്‍ഫില്‍ മൂന്ന് മലയാളികള്‍ കൂടെ മരിച്ചു
