ജൈവ ഉൽപ്പന്നങ്ങൾ തെരഞ്ഞെടുക്കുന്നതിൽ കർശനമായ മാനദണ്ഡങ്ങൾ യൂണിയൻ കോപ് നടപ്പിലാക്കുന്നുണ്ട്.
ജൈവ ഉൽപ്പന്നങ്ങൾക്ക് യൂണിയൻ കോപ് ശാഖകളിൽ കൂടുതൽ സ്ഥലം അനുവദിക്കുമെന്ന് സി.ഇ.ഒ മുഹമ്മദ് അൽ ഹഷെമി.
റീട്ടെയിൽ മേഖലയിൽ ഏറ്റവും അധികം വളർച്ച കൈവരിച്ച വിഭാഗങ്ങളിൽ ഒന്നാണ് ജൈവ ഉൽപ്പന്നങ്ങളെന്നും അദ്ദേഹം പറഞ്ഞു. ആരോഗ്യകരമായ ജീവിതശൈലിയെക്കുറിച്ചുള്ള അവബോധം ഉപയോക്താക്കളിൽ വർധിച്ചതാണ് വളർച്ചയ്ക്ക് കാരണമെന്നും അദ്ദേഹം പറഞ്ഞു.
ജൈവ ഉൽപ്പന്നങ്ങൾ തെരഞ്ഞെടുക്കുന്നതിൽ കർശനമായ മാനദണ്ഡങ്ങൾ യൂണിയൻ കോപ് നടപ്പിലാക്കുന്നുണ്ട്. യു.എ.ഇയിലും ജി.സി.സിയിലും അംഗീകാരമുള്ള അക്രഡിറ്റഷേൻ സർട്ടിഫിക്കറ്റുകൾ ഉൽപ്പന്നങ്ങൾക്ക് നിർബന്ധമാണ്. ഇത് വിതരണശൃംഖല, സ്ഥിരമായ സപ്ലൈ, ഗുണമേന്മ മാനദണ്ഡങ്ങൾ എന്നിവ ഉറപ്പാക്കും – യൂണിയൻ കോപ് സി.ഇ.ഒ പറഞ്ഞു.
ജൈവ ഉൽപ്പന്നങ്ങളുടെ ഗുണമേന്മ ഉറപ്പാക്കാൻ നിരീക്ഷണ സംവിധാനവും നടപ്പിലാക്കിയിട്ടുണ്ട്. കൃത്യമായ കാലയളവിന് ശേഷം വിതരണക്കാരുടെ രജിസ്ട്രേഷൻ പുതുക്കും – യൂണിയൻ കോപ് വാർത്താക്കുറിപ്പിൽ അറിയിച്ചു.
