ആഭ്യന്തര മന്ത്രാലയത്തിലെ ഓപ്പറേഷന്സ് റൂമില് വിവരം ലഭിച്ചതിന്റെ അടിസ്ഥാനത്തില് പരാമെഡിക്കല്, പൊലീസ് സംഘങ്ങള് സ്ഥലത്തെത്തി.
കുവൈത്ത് സിറ്റി: കുവൈത്തില് സ്വദേശി യുവാവിനെ തൂങ്ങിമരിച്ച നിലയില് കണ്ടെത്തി. ജഹ്റയിലെ വീടിനുള്ളിലാണ് ഇയാളെ മരിച്ച നിലയില് കണ്ടെത്തിയത്. ആഭ്യന്തര മന്ത്രാലയത്തിലെ ഓപ്പറേഷന്സ് റൂമില് വിവരം ലഭിച്ചതിന്റെ അടിസ്ഥാനത്തില് പരാമെഡിക്കല്, പൊലീസ് സംഘങ്ങള് സ്ഥലത്തെത്തി. ഉടന് തന്നെ ആശുപത്രിയില് എത്തിച്ചെങ്കിലും അതിന് മുമ്പ് തന്നെ മരണം സംഭവിച്ചിരുന്നതായി സ്ഥിരീകരിക്കുകയായിരുന്നു. തുടര്പരിശോധനകള്ക്കായി മൃതദേഹം ഫോറന്സിക് വിഭാഗത്തിന് കൈമാറി. ആത്മഹത്യയിലേക്ക് നയിച്ച കാരണങ്ങള് കണ്ടെത്താന് പൊലീസ് അന്വേഷണം തുടങ്ങിയിട്ടുണ്ട്.
