ഇടിമിന്നല്‍ ഭൂമിയില്‍ നിന്നുള്ള സുപരിചിതമായ കാഴ്ചയാണ്. സാധാരണ ഒരു മനുഷ്യന് അന്യമല്ല ഈ പ്രകൃതി പ്രതിഭാസത്തിന്‍റെ കാഴ്ച. എന്നാല്‍ അത്തരത്തില്‍ ഒരു കാഴ്ച ശൂന്യാകാശത്ത് നിന്നും എങ്ങനെയുണ്ടാകും. അത് പങ്കുവച്ചിരിക്കുകയാണ് നാസയുടെ ബഹിരാകാശ യാത്രികനായ ബോബ് ബെന്‍കെന്‍. 

നിലവില്‍ അന്താരാഷ്ട്ര ബഹിരാകാശ നിലയത്തിലുള്ള ഇദ്ദേഹം അവിടെ നിന്നുള്ള വീഡിയോയാണ് ട്വിറ്ററില്‍ പങ്കു വച്ചിരിക്കുന്നത്. മുകളില്‍ നിന്നുള്ള ഇടിമിന്നല്‍ കാഴ്ച, ഈ വയലറ്റ് ഫ്രിഞ്ചുകൾ മാസ്മരികമാണ്, എന്ന അടിക്കുറിപ്പോടെ പങ്കുവച്ച വീഡിയോ ശ്രദ്ധേയമാവുകയാണ്.