Asianet News MalayalamAsianet News Malayalam

'പ്രായം വീണ്ടും റിവേഴ്സ് ​ഗിയര്‍'; സുൽഫത്തിനൊപ്പം ചുള്ളനായി മമ്മൂട്ടി- വീഡിയോ

ഭ്രമയു​ഗം എന്ന ചിത്രമാണ് മമ്മൂട്ടിയുടേതായി റിലീസിന് ഒരുങ്ങുന്നത്.

actor mammootty attend wedding ceremony at dubai with wife sulfath, Bramayugam nrn
Author
First Published Jan 29, 2024, 9:14 AM IST

സിനിമാ താരങ്ങളുടെ പുത്തൻ ഫോട്ടോകളും വീഡിയോകളും ഞൊടിയിട കൊണ്ട് വൈറലാകാറുണ്ട്. പ്രത്യേകിച്ച് സൂപ്പർ താരങ്ങളുടേത്. അത്തരത്തിൽ മമ്മൂട്ടി ഒരു ആഘോഷത്തിൽ പങ്കെടുത്ത ഫോട്ടോകളും വീഡിയോകളും ഇപ്പോൾ സോഷ്യൽ മീഡിയയിൽ ട്രെന്റിം​ഗ് ആയിരിക്കുകയാണ്. നിലവിൽ ദുബൈയിൽ ആണ് മമ്മൂട്ടി ഉള്ളത്. 

ദുബൈയിൽ ഒരു സുഹൃത്തിന്റെ വിവാഹത്തിൽ പങ്കെടുക്കാൻ എത്തിയതായിരുന്നു മമ്മൂട്ടി. ഒപ്പം ഭാര്യ സുൽഫത്തും ഉണ്ട്. എം എ യുസഫ് അലിയും പങ്കെടുത്ത വിവാഹ വിരുന്നിൽ നല്ല സ്റ്റൈലൻ ലുക്കിലാണ് മമ്മൂട്ടി എത്തിയത്. പാന്റും വൈറ്റ് ഷർട്ടിനും ഒപ്പം സിൽവർ ചെയിനും ധരിച്ചെത്തിയ മമ്മൂട്ടിയുടെ കണ്ട് അമ്പരന്നിരിക്കുകയാണ് ആരാധകർ. 'പ്രായം വീണ്ടും റിവേഴ്സ് ​ഗിയറാണല്ലോ', എന്നാണ് ഇവർ പറയുന്നത്. സാരി ആയിരുന്നു സുൽഫത്തിന്റെ വേഷം. 

അതേസമയം, ഭ്രമയു​ഗം എന്ന ചിത്രമാണ് മമ്മൂട്ടിയുടേതായി റിലീസിന് ഒരുങ്ങുന്നത്. രാഹുൽ സദാശിവൻ സംവിധാനം ചെയ്യുന്ന ചിത്രത്തിൽ നെ​ഗറ്റീവ് ഷെഡുള്ള കഥാപാത്രത്തെയാണ് മമ്മൂട്ടി അവതരിപ്പിക്കുക എന്നാണ് വിവരം. ഹെറർ ത്രില്ലർ ജോണറിൽ ഒരുങ്ങുന്ന ചിത്രത്തിൽ സിദ്ധാർത്ഥ് ഭ​രതനും അർജുൻ അശോകനും പ്രധാന വേഷത്തിൽ എത്തുന്നുണ്ട്. ചിത്രം ഫെബ്രുവരി 15ന് തിയറ്ററുകളിൽ എത്തും. 

ടര്‍ബോ എന്ന ചിത്രത്തിലാണ് നിലവില്‍ മമ്മൂട്ടി അഭിനയിച്ചു കൊണ്ടിരിക്കുന്നത്. വൈശാഖ് സംവിധാനം ചെയ്യുന്ന ചിത്രത്തിന്‍റെ തിരക്കഥ ഒരുക്കിയിരിക്കുന്നത് മിഥുന്‍ മാനുവല്‍ തോമസ് ആണ്. ആക്ഷന്‍-കോമഡി വിഭാഗത്തില്‍പ്പെട്ട ചിത്രത്തില്‍ രാജ് ബി ഷെട്ടിയും അഭിനയിക്കുന്നുണ്ട്. വിദേശ ഫൈറ്റേഴ്സുമായുള്ള സ്റ്റണ്ടുകളും സിനിമയില്‍ ഉള്‍കൊള്ളിച്ചിട്ടുണ്ട്. മധുര രാജയ്ക്ക് ശേഷം മമ്മൂട്ടിയും വൈശാഖും ഒന്നിക്കുന്ന ചിത്രം കൂടിയാണ് ടര്‍ബോ. 

പുതുമുഖങ്ങളെ..മേക്കപ്പില്ലാത്ത ഫോട്ടോകൾ അയക്കൂ; സുരേഷ് ​ഗോപി- നവ്യ നായർ ചിത്രത്തിൽ ഭാ​ഗമാകാം !

ഓസ്ലര്‍ ആണ് മമ്മൂട്ടിയുടേതായി അടുത്തിടെ റിലീസ് ചെയ്തത്. ജയറാം നായകനായി എത്തിയ ചിത്രത്തില്‍ അതിഥി വേഷത്തില്‍ ആയിരുന്നു മമ്മൂട്ടി എത്തിയത്. മിഥുന്‍ മാനുവല്‍ തോമസ് ആയിരുന്നു ചിത്രത്തിന്‍റെ സംവിധാനം. അഞ്ചാം പാതിരയ്ക്ക് ശേഷം മിഥുന്‍ സംവിധാനം ചെയ്ത ചിത്രമാണിത്. 

Follow Us:
Download App:
  • android
  • ios