ഐശ്വര്യ റാംസായ് (Aishwarya ramsai) എന്ന പേരിനേക്കാളും 'കല്യാണി'യെ ആയിരിക്കും മലയാളികൾ കൂടുതൽ അറിയുകയും സ്നേഹിക്കുകയും ചെയ്യുന്നത്.
ഐശ്വര്യ റാംസായ് (Aishwarya ramsai) എന്ന പേരിനേക്കാളും 'കല്യാണി'യെ ആയിരിക്കും മലയാളികൾ കൂടുതൽ അറിയുകയും സ്നേഹിക്കുകയും ചെയ്യുന്നത്. 'മൗനരാഗം' എന്ന ഏഷ്യാനെറ്റ് പരമ്പരയിൽ ഊമയായ കല്യാണിയെന്ന പെൺകുട്ടിയെ അവതരിപ്പിച്ചുകൊണ്ടാണ് ടെലിവിഷൻ പ്രേക്ഷകരിലേക്ക് ഐശ്വര്യ ചുവടുവച്ചതും, പ്രിയപ്പെട്ടവളായതും. അന്യഭാഷ താരമാണെങ്കിലും മലയാള മിനി സ്ക്രീൻ രംഗത്ത് തന്റേതായ ഇടം നേടിയെടുക്കാൻ ഐശ്വര്യക്ക് ഇതിനോടകം സാധിച്ചിട്ടുണ്ട്.
സംസാരശേഷിയില്ലാത്ത നായികാ കഥാപാത്രമായ 'കല്യാണി'യുടെ വിവാഹവും അതിന് ശേഷം നടക്കുന്ന ആശങ്കകളും പ്രതിസന്ധികളുമൊക്കെയാണ് 'മൗനരാഗ'ത്തിന്റെ കഥാഗതി. 'കല്യാണി'യായി ഐശ്വര്യ എത്തുമ്പോൾ തമിഴ് താരമായ നലീഫാണ് പരമ്പരയിൽ നായക വേഷത്തിലെത്തുന്നത്. പരമ്പരയിലെ 'കല്യാണി'യെ അവതരിപ്പിക്കുന്ന ഐശ്വര്യയെ മാത്രമല്ല, എല്ലാ താരങ്ങളും സോഷ്യൽ മീഡിയയിൽ സജീവമാണ്.
വലിയൊരു സന്തോഷമാണ് അടുത്തിടെ ഐശ്വര്യ പങ്കുവച്ചത്. ഇക്കഴിഞ്ഞ ജൂൺ 11ന് പിറന്നാൾ ആഘോഷിച്ചതിന്റെ ചിത്രങ്ങളും വീഡിയോയും കഴിഞ്ഞ ദിവസം ഐശ്വര്യ പങ്കുവച്ചിരുന്നു. ഈ ചിത്രങ്ങളും വീഡിയോകളും ഏറ്റെടുത്തിരിക്കുകയാണ്. ആരാധകരിപ്പോൾ. 23-ാം പിറന്നാൾ ദിനത്തിൽ ഒരു കൂറ്റൻ കേക്ക് കടിച്ച് തിന്നുന്നതാണ് വീഡിയോയിൽ. ഇതിന്റെ ചിത്രങ്ങളും താരം പങ്കുവച്ചിരുന്നു. 23-കാരിയാണെന്ന് കണ്ടാൽ പറയില്ല. ഇത്ര വലിയ കേക്ക് ഒറ്റയ്ക്ക് കഴിക്കുകയാണോ തുടങ്ങിയ കമന്റുകളാണ് ആരാധകർ പങ്കുവയ്ക്കുന്നത്.
പ്രദീപ് പണിക്കരുടെ രചനയിൽ മനു സുധാകരന് സംവിധാനം ചെയ്യുന്ന പരമ്പരയാണ് 'മൗനരാഗം'. 'ഭാര്യ' എന്ന പരമ്പരയ്ക്കു ശേഷമാണ് പുതിയ പരമ്പരയുമായി മനു സുധാകരന് എത്തിയത്. ഏഷ്യാനെറ്റിനായി നിരവധി സൂപ്പർ ഹിറ്റ് സീരിയലുകളിൽ പ്രവര്ത്തിച്ചയാളാണ് പ്രദീപ് പണിക്കര്. പ്രദീപ് പണിക്കരാണ് ഐശ്വര്യയെ ആദ്യമായി മലയാളത്തിൽ അവതരിപ്പിച്ചത്. ഐശ്വര്യയ്ക്കൊപ്പം നായക വേഷത്തിലെത്തുന്ന നലീഫും തമിഴ് താരമാണ്. ഇരുവരും മലയാളം സംസാരിക്കും.
