മോഹന്ലാല്, മമ്മൂട്ടി, ഖുഷ്ബു, ദിലീപ്; വിവാഹത്തിനെത്തിയ താരനിരയെ കണ്ട് ആവേശത്തില് ആരാധകര്: വീഡിയോ
മാവേലിക്കര സ്വദേശിയും ബിസിനസുകാരനുമായ ശ്രേയസ് മോഹന് ആണ് ഭാഗ്യയുടെ വരന്
![suresh gopi daughter bhagya suresh wedding day live mohanlal mammootty dileep khushboo reached guruvayur video nsn suresh gopi daughter bhagya suresh wedding day live mohanlal mammootty dileep khushboo reached guruvayur video nsn](https://static-ai.asianetnews.com/images/01hmap2pmke35z3n9r54qdde65/befunky-collage--8-_363x203xt.jpg)
സുരേഷ് ഗോപിയുടെ മകള് ഭാഗ്യ സുരേഷിന്റെ വിവാഹം ഗുരുവായൂര് ക്ഷേത്രത്തില് ഇന്ന് രാവിലെ 8.45 നാണ്. പ്രധാനമന്ത്രി നരേന്ദ്ര മോദി ഉള്പ്പെടെ പങ്കെടുക്കുന്ന വിവാഹമായതിനാല് അതീവ സുരക്ഷയാണ് സ്ഥലത്ത്. സുരേഷ് ഗോപിയുടെ അടുത്ത സുഹൃത്തുക്കളായ സിനിമയിലെ വന് താരനിരയും വിവാഹത്തിന് എത്തുന്നുണ്ട്. മലയാള സിനിമയിലെ മുന്നിരക്കാരെ ഒരുമിച്ച് കാണാന് കഴിയുന്നതിന്റെ ആവേശം സിനിമാപ്രേമികളെ സംബന്ധിച്ച് ഉണ്ട്. ഗുരുവായൂര് ക്ഷേത്ര പരിസരത്തുനിന്നുള്ള നിരവധി വീഡിയോകള് ഇതിനകം വൈറല് ആയിട്ടുണ്ട്.
മോഹന്ലാല്, മമ്മൂട്ടി, ദിലീപ്, ഖുഷ്ബു എന്നിവരൊക്കെ നേരത്തേതന്നെ ചടങ്ങില് സംബന്ധിക്കാന് എത്തിയിട്ടുണ്ട്. വിവാഹത്തിന് തലേ രാത്രി തന്നെ മോഹന്ലാലും മമ്മൂട്ടിയും കുടുംബസമേതം എത്തിയിരുന്നു. സുരേഷ് ഗോപിയുടെ ഭാര്യ രാധിക ഇതിന്റെ ചിത്രങ്ങള് സോഷ്യല് മീഡിയയിലൂടെ പങ്കുവച്ചിരുന്നു. അതേസമയം വിവാഹത്തില് പങ്കെടുക്കാന് ഇന്ന് രാവിലെ കാറില് വന്നിറങ്ങിയ മോഹന്ലാല് അടക്കമുള്ള താരനിര ആരാധകര്ക്ക് വലിയ ആവേശമാണ് ഉണ്ടാക്കിയിട്ടുള്ളത്.
മാവേലിക്കര സ്വദേശിയും ബിസിനസുകാരനുമായ ശ്രേയസ് മോഹന് ആണ് ഭാഗ്യയുടെ വരന്. ജൂലൈയില് ആയിരുന്നു ഇരുവരുടെയും വിവാഹനിശ്ചയം. വിവാഹത്തില് പങ്കെടുക്കാന് പ്രധാനമന്ത്രി നരേന്ദ്ര മോദി അടക്കമുള്ള പ്രമുഖരുടെ നീണ്ട നിരയുണ്ട്. സിനിമാലോകത്തുനിന്ന് ദുല്ഖര് സല്മാന്, ടൊവിനോ തോമസ്, കുഞ്ചാക്കോ ബോബന് അടക്കമുള്ള താരങ്ങള് എത്തുമെന്നാണ് വിവരം. വിവാഹത്തിന് ശേഷം 19 ന് കൊച്ചിയിലും 20 ന് തിരുവനന്തപുരത്തും വിരുന്ന് സംഘടിപ്പിച്ചിട്ടുണ്ട്. സിനിമ, രാഷ്ട്രീയ മേഖലകളില് നിന്നുള്ള പ്രമുഖര് കൊച്ചിയിലെ വിരുന്നില് പങ്കെടുക്കും. ബന്ധുക്കള്ക്കും നാട്ടുകാര്ക്കും സുഹൃത്തുക്കള്ക്കുമാണ് തിരുവനന്തപുരത്തെ വിരുന്നിലേക്ക് ക്ഷണം. ഭാഗ്യയുടെയും ഗോകുല് സുരേഷിന്റെയും അടുത്ത സുഹൃത്ത് ആയിരുന്നു ശ്രേയസ്. ആ പരിചയവും സൗഹൃദവുമാണ് വിവാഹത്തിലേക്ക് എത്തിയത്.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം