കർണാടക മുഖ്യമന്ത്രി ഡി കെ ശിവകുമാർ താൻ കടിച്ച ആപ്പിൾ അണികൾക്ക് നേരെ എറിഞ്ഞുകൊടുത്തത് വിവാദമായി. ഇത് കോൺഗ്രസിന്റെ ധാർഷ്ട്യവും ജനങ്ങളെ അവഹേളിക്കലുമാണെന്ന് ബിജെപി. സോഷ്യൽ മീഡിയയിലും ശിവകുമാറിനെതിരെ വ്യാപക വിമർശനം
ബെംഗളൂരു: കർണാടക മുഖ്യമന്ത്രി ഡി കെ ശിവകുമാർ താൻ കടിച്ച ആപ്പിൾ അണികൾക്ക് നേരെ എറിഞ്ഞുകൊടുത്ത സംഭവത്തിൽ വിവാദം കനക്കുന്നു. ഡി കെ ശിവകുമാറിനെതിരെ രൂക്ഷ വിമർശനവുമായി ബി ജെ പി രംഗത്തെത്തി. കോൺഗ്രസിന്റെ യഥാർത്ഥ മാനസികാവസ്ഥയാണ് മുഖ്യമന്ത്രിയുടെ പ്രവൃത്തിയിലൂടെ വ്യക്തമാകുന്നതെന്നാണ് ബി ജെ പി വിമർശിച്ചത്. ഡി കെ ശിവകുമാറിന്റെ ഈ പ്രവർത്തി ജനങ്ങളെ ആകെ അവഹേളിക്കുന്നതിന് തുല്യമാണെന്നും ഇത്തരം ധാർഷ്ട്യങ്ങളോട് ജനങ്ങൾ വരുംദിവസങ്ങളിൽ ശക്തമായി പ്രതികരിക്കുമെന്നും ബി ജെ പി മുന്നറിയിപ്പ് നൽകി. ബി ജെ പിയുടെ ഔദ്യോഗിക എക്സ് ഹാൻഡിലിലൂടെ ഈ സംഭവത്തിന്റെ ദൃശ്യങ്ങൾ സഹിതം പങ്കുവെച്ചുകൊണ്ടാണ് കോൺഗ്രസ് നേതൃത്വത്തിനെതിരെ രൂക്ഷ വിമർശനം അഴിച്ചുവിട്ടിരിക്കുന്നത്. വീഡിയോ പുറത്തുവന്നതിന് പിന്നാലെ സോഷ്യൽ മീഡിയയിലും ഡി കെ ശിവകുമാറിനെതിരെ വിർശനം ശക്തമാണ്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
