'ആറു ബോളില് ആറ് സിക്സ് വീണ്ടും അടിക്കും'
മൊഹാലി: ആറു ബോളില് ആറു സിക്സ്, ലോക ക്രിക്കറ്റില് അസാധ്യമാണെന്ന് തോന്നുന്ന കാര്യം നടത്തിയ ആളാണ് യുവരാജ് സിംഗ്. 2007 പ്രഥമ ട്വന്റി20 ലോകക്കപ്പിലായിരുന്നു യുവരാജിന്റെ മാന്ത്രിക പ്രകടനം അതിന് ശേഷം കൊല്ലം 9 കഴിഞ്ഞു, വീണ്ടും യുവരാജ് പറയുന്നു, അത് ആവര്ത്തിക്കാന് ഇനിയും കഴിയും.
കിംഗ്സ് ഇലവന് പഞ്ചാബിനെ ഏഴു വിക്കറ്റിന് തോല്പ്പിച്ച ശേഷം ക്യാന്സര് വിമുക്തരായ ഒരു കൂട്ടം കുട്ടികളുമായി നടത്തിയ മുഖാമുഖത്തിലാണ് യുവരാജിന്റെ പ്രതികരണം
നിങ്ങള് പ്രാര്ത്ഥിച്ചാല് ഞാന് വീണ്ടും അത് ആവര്ത്തിക്കും- 34 വയസുകാരനായ യുവരാജ് പറഞ്ഞു.
പല വര്ഷങ്ങള് അതിന് ശേഷം കഴിഞ്ഞിട്ടുണ്ട് എന്ന് കൂട്ടിച്ചേര്ത്ത അദ്ദേഹം, ക്യാന്സറില് നിന്നും രക്ഷപ്പെട്ടതാണ് ജീവിതത്തിലെ വലിയ കാര്യമെന്നും യുവരാജ് കൂട്ടിച്ചേര്ത്തു.