'മരണ ബൗണ്‍സര്‍'; രഹാനെയെ പുറത്താക്കി സ്റ്റാര്‍ക്കിന്‍റെ വെടിയുണ്ട- വീഡിയോ
സിഡ്‌നിയില്‍ രഹാനെയെ പുറത്താക്കി സ്റ്റാര്‍ക്കിന്‍റെ മരണ ബൗണ്‍സര്‍. ഏത് ലോകോത്തര ബാറ്റ്സ്‌മാനും ഈ പന്തിനുമുന്നില്‍ ഒന്ന് മുട്ടിടിക്കും...
സിഡ്നി: ഇന്ത്യ- ഓസീസ് നാലാം ടെസ്റ്റിന്റെ ആദ്യ ദിനം തീ തുപ്പി പേസര്‍ മിച്ചല്‍ സ്റ്റാര്‍ക്കിന്‍റെ പന്തുകള്‍. സിഡ്നി ക്രിക്കറ്റ് ഗ്രൗണ്ടില്‍ 145 കി.മിയിലേറെ വേഗതയില്‍ മിന്നല്‍ ബൗണ്‍സറുകള്‍ ചീറിപ്പായുകയായിരുന്നു. ഇത്തരമൊരു പന്തിലാണ് ഇന്ത്യന്‍ മധ്യനിരയിലെ കരുത്തനായ അജിങ്ക്യ രഹാനെ പുറത്തായത്.
75-ാം ഓവറിലെ രണ്ടാം പന്തിലാണ് സ്റ്റാര്‍ക്ക് തൊടുത്ത വെടിയുണ്ട രഹാനെയെ പവലിയനിലെത്തിച്ചത്. അപ്രതീക്ഷിത ബൗണ്‍സര്‍ മുഖത്ത് കൊള്ളാതിരിക്കാന്‍ വില്ലുപോലെ രഹാനെ പിന്നോട്ടുവളഞ്ഞു. എന്നാല്‍ ഗ്ലൗസില്‍ തട്ടി പന്ത് വിക്കറ്റ് കീപ്പര്‍ ടീം പെയ്‌നിന്‍റെ കൈകളില്‍ സുരക്ഷിതമായി അവസാനിക്കുകയായിരുന്നു.
WICKET: Rahane goes for 18.
— Fox Cricket (@FoxCricket) January 3, 2019
📺 Watch LIVE on Fox Cricket & 📰 join our match centre: https://t.co/PCdhco0cuw #AUSvIND #FoxCricket pic.twitter.com/J1QC7Y5LmH
രഹാനെ 55 പന്തില്‍ 18 റണ്‍സുമായി നിലയുറപ്പിക്കാന്‍ ശ്രമിക്കവെയാണ് സ്റ്റാര്‍ക്ക് വില്ലനായത്. ഇന്ത്യയുടെ ഒന്നാം ഇന്നിംഗ്‌സില്‍ നാലാമനായാണ് രഹാനെ പുറത്തായത്.
