കൊല്ക്കത്ത: കൊല്ക്കത്ത ക്രിക്കറ്റ് ടെസ്റ്റില് ഇന്ത്യയ്ക്കെതിരെ ന്യൂസിലന്ഡിന് 376 റണ്സ് വിജയലക്ഷ്യം. 227/8 എന്ന സ്കോറില് നാലാം ദിനം ക്രീസിലിറങ്ങിയ ഇന്ത്യയുടെ രണ്ടാം ഇന്നിംഗ്സ് 263 റണ്സിന് അവസാനിച്ചു.
58 റണ്സുമായി വൃദ്ധിമാന് സാഹ പുറത്താവാതെ നിന്നപ്പോള് 23 റണ്സെടുത്ത ഭുവനേശ്വര് കുമാറിനെ വാഗ്നറും ഒരു റണ്ണെടുത്ത ഷാമിയെ ബൗള്ട്ടും വീഴ്ത്തി. ന്യൂസിലന്ഡിനായി ബൗള്ട്ടും സാന്റ്നറും ഹെന്റിയും മൂന്ന് വിക്കറ്റ് വീതം വീഴ്ത്തി. രണ്ടാം ഇന്നിംഗ്സില് രോഹിത് ശര്മയ(82), ക്യാപ്റ്റന് വിരാട് കൊഹ്ലി(45) എന്നിവരാണ് സാഹയ്ക്ക് പുറമെ ഇന്ത്യന് നിരയില് തിളങ്ങിയത്.
