കൊല്ക്കത്ത: കൊല്ക്കത്ത ക്രിക്കറ്റ് ടെസ്റ്റില് ഇന്ത്യക്കെതിരെ ടോസ് നേടിയ ശ്രീലങ്ക ബൗളിംഗ് തെരഞ്ഞെടുത്തു. ടോസിനുശേഷം മഴ എത്തിയതിനാല് മത്സരം ഇനിയും ആരംഭിക്കാനായിട്ടില്ല. പേസ് ബൗളര്മാര്ക്ക് ആനുകൂല്യം ലഭിക്കുമെന്ന് കരുതുന്ന പിച്ചില് മൂന്ന് പേസര്മാരുമായാണ് ഇന്ത്യ ഇറങ്ങുന്നത്. മുഹമ്മദ് ഷാമി, ഉമേഷ് യാദവ് എന്നിവര്ക്ക് പുറമെ ഭുവനേശ്വര് കുമാറും ടീമിലെത്തി.
ജഡേജയും അശ്വിനുമാണ് സ്പിന്നര്മാര്. രാഹുലും ധവാനും ഓപ്പണര്മാരായപ്പോള് മുരളി വിജയ് പുറത്തായി. 1969നുശേഷം ഇത് രണ്ടാം തവണ മാത്രമാണ് ഈഡനില് ടോസ് നേടുന്ന ടീം ഫീല്ഡിംഗ് തെരഞ്ഞെടുക്കുന്നത്.
പൊതുവെ സ്പിന്നിനെ തുണക്കാറുള്ള കൊല്ക്കത്തയില് ഇത്തവണ പേസിനെ തുണയ്ക്കുന്ന പിച്ചാണ് ഒരുക്കിയിരിക്കുന്നത്.
