മുംബൈ: ഫിഫ റാങ്കിങ്ങില് ബ്രസീല് ഒന്നാം സ്ഥാനം നിലനിര്ത്തി. അര്ജന്റീന രണ്ടാം സ്ഥാനത്തും ജര്മനി മൂന്നാമതുമാണ്. ചിലിയും കൊളംബിയയുമാണ് നാലും അഞ്ചും സ്ഥാനങ്ങളില്.
അതേസമയം, കഴിഞ്ഞ മാസം പുറത്തുവിട്ട റാങ്കിംഗില് 100-ാം സ്ഥാനത്തായിരുന്ന ഇന്ത്യ പുതിയ റാങ്കിംഗിലും 100-ാം സ്ഥാനം നിലനിര്ത്തിയത് നേട്ടമായി. ഇന്ത്യക്കൊപ്പം കസാഖിസ്ഥാനും നിക്കരാഗ്വയും 100-ാം സ്ഥാനത്തുണ്ട്. കഴിഞ്ഞ മാസം രാജ്യാന്തര മത്സരങ്ങളൊന്നും കളിക്കാതെത്തന്നെ നൂറാം സ്ഥാനം നിലനിര്ത്താന് ഇന്ത്യക്കായി.
1996 ഫെബ്രുവിരിയില് നേടിയ 94-ാം സ്ഥാനമാണ് റാങ്കിങ്ങില് ഇതുവരെയുള്ള ഇന്ത്യയുടെ ഏറ്റവും വലിയ നേട്ടം. 2015 മാര്ച്ചില് 173-ാം സ്ഥാനത്തായിരുന്നു ഇന്ത്യ. രണ്ട് വര്ഷത്തിനിടെ 73 സ്ഥാനങ്ങള് കയറിയാണ് ഇന്ത്യ നൂറാം റാങ്കിലെത്തിയത്. 2019ല് നടക്കുന്ന എഎഫ്സി കപ്പിനുള്ള യോഗ്യതാ റൗണ്ടില് ഈ മാസം ആറിന് ഇന്ത്യ നേപ്പാളിനെ നേരിടുന്നുണ്ട്.
