ഇന്ത്യ-ന്യൂസിലാന്ഡ് മൂന്നാം ഏകദിനത്തിനിടെയാണ് ടിവി അവതാരകയും ക്രിക്കറ്റര് സ്റ്റുവര്ട്ട് ബിന്നിയുടെ ഭാര്യയുമായ മായന്തിര ലാങറിന് ട്വിറ്ററില് പണികിട്ടിയത്. ടിവി അവതാരകയായി, കാണ്പുര് സ്റ്റേഡിയത്തിലെത്തിയ മായന്തിക്ക് സുരേഷ് റെയ്ന എന്ന പേരിലുള്ള വൈ-ഫൈ സിഗ്നല് മൊബൈലില് ലഭിച്ചു. എന്നാല് പാസ്വേഡ് അറിയാത്തതിനാല് അത് ഉപയോഗിക്കാന് പറ്റിയില്ല. പിന്നീട് അന്വേഷിച്ചപ്പോള്, ഉത്തര്പ്രദേശ് ക്രിക്കറ്റ് അസോസിയേഷന് സ്റ്റേഡിയത്തില് മാധ്യമപ്രവര്ത്തകര്ക്കും മറ്റു വിഐപികള്ക്കും ഉപയോഗിക്കേണ്ട വൈ-ഫൈ നെറ്റ്വര്ക്കിന് സുരേഷ് റെയ്ന എന്ന യൂസര് നെയിം കൊടുക്കുകയായിരുന്നു. പാസ്വേഡ്, അതിഥികള്ക്ക് സ്റ്റേഡിയത്തിലെത്തുമ്പോള് മെസേജായി അയച്ചുകൊടുക്കുമായിരുന്നു. ഇതറിഞ്ഞ മായന്തി ഒരു തമാശ ഒപ്പിച്ചു. ട്വിറ്ററില് സുരേഷ് റെയ്നയെ മെന്ഷന് ചെയ്തുകൊണ്ട്, വൈ-ഫൈയുടെ പാസ്വേഡ് തരുമോ എന്നു ചോദിച്ചു. എന്നാല് ആ സമയം രഞ്ജി ട്രോഫി മല്സരം കളിച്ചുകൊണ്ടിരുന്ന റെയ്ന, ട്വിറ്ററിലെ സന്ദേശം കണ്ടിരുന്നില്ല. കുറേനേരമായിട്ടും റെയ്നയുടെ പ്രതികരണമില്ല. ഈ സമയത്താണ് ആരാധകര് പണി തുടങ്ങിയത്. പാസ്വേഡ് അന്വേഷിച്ചുകൊണ്ടുള്ള മായന്തിയുടെ ട്വീറ്റിനെ കളിയാക്കിക്കൊണ്ടായിരുന്നു ആരാധകര് രംഗപ്രവേശം ചെയ്തത്. എംഎസ്ഡി എന്ന് ശ്രമിച്ചുനോക്കൂ എന്നായിരുന്നു ഒരാളുടെ റിട്വീറ്റ് ചെയ്തത്. ജിയോ ധന് ധനാ ധന് എന്ന് മറുപടി നല്കിയവരുമുണ്ട്. ബാന് യോ-യോ പ്ലീസ് എന്ന് മറുപടി നല്കിയിവരുമുണ്ട്. അടുത്തിടെ നടത്തിയ യോയോ ടെസ്റ്റില് പരാജയപ്പെട്ടതോടെയാണ് റെയ്ന ഇന്ത്യന് ടീമില്നിന്ന് പുറത്തായത്.
സുരേഷ് റെയ്നയുടെ വൈ-ഫൈ പാസ്വേഡ് അന്വേഷിച്ച മായന്തിക്ക് സംഭവിച്ചത്
Scroll to load tweet…
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
