Asianet News MalayalamAsianet News Malayalam

ജെറാര്‍ഡ് ഇനി സ്കോട്ടിഷ് ലീഗില്‍

  • റേഞ്ചേഴ്‌സ് എഫ്‌സിയാണ് തങ്ങളുടെ പരിശീലകനായി  ജെറാര്‍ഡിനെ നിയമിച്ചത്.
rangers named steven gerrard as their new manager

ലണ്ടന്‍: ലിവര്‍പൂള്‍ ഇതിഹാസതാരം സ്റ്റീവന്‍ ജെറാര്‍ഡ് സ്‌കോട്ടിഷ് ലീഗിലേക്ക്. ഇത്തവണ പരീശീലകന്റെ വേഷത്തിലാണ് മുന്‍ ഇംഗ്ലിഷ് താരം. റേഞ്ചേഴ്‌സ് എഫ്‌സിയാണ് തങ്ങളുടെ പരിശീലകനായി  ജെറാര്‍ഡിനെ നിയമിച്ചത്. നാല് വര്‍ഷത്തെ കരാറിലാണ് ജെറാര്‍ഡ് ഒപ്പിട്ടത്. 

ലിവര്‍പൂള്‍ ഇംഗ്ലണ്ട് നായകനായിരുന്ന ജെറാര്‍ഡ് നിലവില്‍ ആന്‍ഫീല്‍ഡില്‍ യൂത്ത് കോച്ചായി പ്രവര്‍ത്തിച്ച് വരികയായിരുന്നു. കഴിഞ്ഞ ഒക്ടോബറില്‍ റേഞ്ചേഴ്‌സ് മാനേജര്‍ പെഡ്രോ കൈസിംഗയെ പുറത്താക്കിയിരുന്നു. തുടര്‍ന്ന്  ഗ്രെയിം മാര്‍ട്ടി താല്‍കാലിക പരിശീലക സ്ഥാനം വഹിച്ചിരുന്നു. ആ സ്ഥാനത്തേക്കാണ് ജെറാര്‍ഡെത്തുക. 

ലിവര്‍പൂളിനായി 19 വര്‍ഷത്തോളം ജെറാര്‍ഡ് ബൂട്ടുക്കെട്ടി. 700ല്‍ അധികം മത്സരങ്ങള്‍ കളിച്ചു. 114 തവണ ഇംഗ്ലിഷ് ടീമിന് വേണ്ടിയും കളിച്ചു. മേജര്‍ സോക്കര്‍ ലീഗില്‍ എല്‍.എ. ഗ്യാലക്‌സിക്ക് വേണ്ടിയാണ് അവസാനമായി കളിച്ചത്.
 

Follow Us:
Download App:
  • android
  • ios