കൊറിയന് ഓപ്പണ്; സൈനയ്ക്ക് നിരാശയോടെ മടക്കം
ഒന്നിനെതിരെ രണ്ട് സെറ്റുകള്ക്കായിരുന്നു സൈനയുടെ തോല്വി. ആദ്യ സെറ്റ് നേടിയ ശേഷമായിരുന്നു ഇന്ത്യന് താരത്തിന്റെ വീഴ്ച. ആദ്യ സെറ്റ് 21-15 എന്ന സ്കോറിന് സൈന സ്വന്തമാക്കിയപ്പോള് രണ്ടാം സെറ്റില് ശക്തമായി തിരിച്ചുവന്ന ഒക്കുഹര 15-21 എന്ന നിലയില് വിജയിച്ചു
സിയൂൾ: ഇന്ത്യന് ബാഡ്മിന്റണ് സൂപ്പര്താരം സൈന നെഹ്വാളിന് കൊറിയ ഓപ്പണില് നിരാശ. സെമി പോലും കാണാനാകാതെയാണ് അഞ്ചാം സീഡായ സൈന നാട്ടിലേക്ക് മടങ്ങുന്നത്. ക്വാര്ട്ടറില് ജപ്പാന്റെ നസോമി ഒക്കുഹാരയാണ് സൈനയെ തകര്ത്തത്.
ഒന്നിനെതിരെ രണ്ട് സെറ്റുകള്ക്കായിരുന്നു സൈനയുടെ തോല്വി. ആദ്യ സെറ്റ് നേടിയ ശേഷമായിരുന്നു ഇന്ത്യന് താരത്തിന്റെ വീഴ്ച. ആദ്യ സെറ്റ് 21-15 എന്ന സ്കോറിന് സൈന സ്വന്തമാക്കിയപ്പോള് രണ്ടാം സെറ്റില് ശക്തമായി തിരിച്ചുവന്ന ഒക്കുഹര 15-21 എന്ന നിലയില് വിജയിച്ചു.
നിര്ണായകമായ അവസാന സെറ്റില് വാശിയേറിയ പോരാട്ടം പുറത്തെടുത്തെങ്കിലും സൈനയ്ക്ക് വിജയിക്കാനായില്ല. സൈനയുടെ പോരാട്ടത്തെ 20-22 എന്ന സ്കോറിന് തകര്ത്താണ് ഒക്കുഹറ സെമിയിലേക്ക് മാര്ച്ച് ചെയ്തത്.