ഹോപ്പിനെതിരെ വിജേന്ദറിന് വിജയം ഉറപ്പെന്ന് മുരളീധരന് രാജ
ദില്ലി: കെറി ഹോപ്പിനെതിരായ പോരാട്ടത്തിൽ വിജേന്ദർ സിംഗിന് വിജയം ഉറപ്പാണെന്ന് ഇന്ത്യൻ ബോക്സിംഗ് കൗൺസിൽ പ്രസിഡന്റ് പി കെ മുരളീധരൻ രാജ. ഇന്ത്യൻ ബോക്സിംഗ് ഫെഡറേഷന്റെ പിടിപ്പുകേടുകാരണമാണ് റിയൊ ഒളിംപിക്സിലെ ബോക്സിംഗ് താരങ്ങളുടെ എണ്ണം മൂന്നായി കുറഞ്ഞതെന്നും മുരളീധരൻ രാജ കുറ്റപ്പെടുത്തി.
അന്താരാഷ്ട്ര ബോക്സിംഗ് അസോസിയേഷനും ഇന്ത്യൻ ബോക്സിംഗ് ഫെഡറേഷനും തമ്മിലുള്ള തമ്മിലുള്ള പടലപ്പിണക്കം റിയൊ സംഘത്തേയും ബാധിച്ചുവെന്നും മുരളീധരന് രാജ പറഞ്ഞു. എങ്കിലും റിയൊ സംഘത്തിൽ ഏറെ പ്രതീക്ഷയുണ്ടെന്നും ലണ്ടൻ ഒളിംപിക്സിൽ ഇന്ത്യൻ സംഘത്തിന്റെ തലവനായി പ്രവർത്തിച്ച മുരളീധരന് രാജ വ്യക്തമാക്കി.