കരടി നല്ല അക്ഷമനാണ് എന്നും ലോലിപ്പോപ്പിനോട് കൊതിയുണ്ട് എന്നുമാണ് വീഡിയോയിൽ നിന്നും മനസിലാവുന്നത്. പിന്നീട് കരടി തന്നെ അത് കയ്യിൽ പിടിച്ചുകൊണ്ട് ആസ്വദിച്ച് കഴിക്കുന്നതും കാണാം.
പൊടുന്നനെ കൺമുന്നിൽ ഒരു കരടി വന്നു നിന്നാലെന്തുണ്ടാവും? ഭൂരിഭാഗം പേരും ഉറപ്പായും പേടിക്കും. ചിലപ്പോൾ ജീവൻ തന്നെ പോകുന്നത്രയും പേടിക്കും. കാരണം, കരടി ഒരു വന്യമൃഗമാണ്. അത് അക്രമിക്കാൻ എല്ലാവിധ സാധ്യതകളും ഉണ്ട്. എന്നാൽ, കരടിക്ക് ലോലിപ്പോപ്പ് കൊടുത്ത് മയക്കിയെടുക്കുന്ന ഒരാളെ കാണണോ?
സോഷ്യൽ മീഡിയയിലാണ് അങ്ങനെ ഒരു വീഡിയോ ഷെയർ ചെയ്തിരിക്കുന്നത്. ആൻ്റൺ ഖാർസെങ്കോ ആണ് കരടിക്ക് കോലുമുട്ടായി കൊടുക്കുന്ന വീഡിയോ സോഷ്യൽ മീഡിയയിൽ പങ്കുവച്ചിരിക്കുന്നത്. എന്നാൽ, ഈ കരടി ഇയാളുടെ പെറ്റ് ആനിമലാണ് എന്നാണ് വീഡിയോയിൽ നിന്നും ഇയാളുടെ പ്രൊഫൈലിൽ നിന്നും മനസിലാവുന്നത്. അതിന്റെ പേര് ടോം എന്നാണ്. വീഡിയോയിൽ കാണുന്നത്, ഇയാൾ ഒരു ലോലിപ്പോപ്പുമായി വരുന്നതാണ്. പിന്നീട് അതിന്റെ കവർ പൊളിച്ച ശേഷം അത് കരടിയുടെ വായിലേക്ക് വച്ചു കൊടുക്കുന്നു.
കടലാസ് പൊളിച്ചു മാറ്റുമ്പോൾ തന്നെ കരടി വേഗം താ എന്ന മട്ടിൽ ഇയാളെ നോക്കുന്നതും വീഡിയോയിൽ വ്യക്തമാണ്. കരടി നല്ല അക്ഷമനാണ് എന്നും ലോലിപ്പോപ്പിനോട് കൊതിയുണ്ട് എന്നുമാണ് വീഡിയോയിൽ നിന്നും മനസിലാവുന്നത്. പിന്നീട് കരടി തന്നെ അത് കയ്യിൽ പിടിച്ചുകൊണ്ട് ആസ്വദിച്ച് കഴിക്കുന്നതും കാണാം. അതിനിടയിൽ ആന്റൺ കരടിയുടെ തലയിലും മറ്റും തലോടുന്നുണ്ട്. ഇരുവരും നല്ല അടുപ്പത്തിലാണ് എന്നാണ് വീഡിയോ കാണുമ്പോൾ മനസിലാവുന്നത്.
നെറ്റിസൺസിനെ ഈ വ്യത്യസ്തമായ കാഴ്ച വല്ലാതെ ആകർഷിച്ചു. ഒരാൾ പറഞ്ഞിരിക്കുന്നത് 'റഷ്യക്കാർ എന്തിനെയും വളർത്തുമൃഗങ്ങളാക്കി മാറ്റും' എന്നാണ്. വേറൊരാൾ പറഞ്ഞിരിക്കുന്നത്, 'അവൻ നിങ്ങളുടെ കൂടെ ഹാപ്പിയാണ് എന്ന് തോന്നുന്നു, പക്ഷേ സംഗതി ഇങ്ങനെയൊക്കെ ആണെങ്കിലും കരടി ഒരു വന്യമൃഗമാണ് എന്ന് മറക്കരുത്' എന്നാണ്.
ഏഷ്യാനെറ്റ് ന്യൂസ് ലൈവ് കാണാം:
