'അതൊരു മധുരതരമായ നിമിഷമായിരുന്നു! നിങ്ങൾ ഒരു ക്വിയർ വ്യക്തി ആണെങ്കിൽ, പുരോഹിതന്റെ നിങ്ങളോടുള്ള ഈ ചോദ്യത്തിന് എങ്ങനെയാവും മറുപടി നൽകുക' എന്ന ക്യാപ്ഷനോടെയാണ് ചടങ്ങുകളുടെ വീഡിയോ സുഭിക്ഷ ഇൻസ്റ്റഗ്രാമിൽ പങ്കുവച്ചിരിക്കുന്നത്.
തന്റെ പങ്കാളിയെ എങ്ങനെയാണ് വീട്ടുകാർ ഇരുകൈകളും നീട്ടി സ്വീകരിച്ചതെന്ന് വെളിപ്പെടുത്തുന്ന ഹൃദയസ്പർശിയായ പോസ്റ്റ് പങ്കുവച്ച് ഇന്ത്യൻ ക്വീർ യുവതി. കാനഡയിൽ കഴിയുന്ന സുഭിക്ഷ സുബ്രഹ്മണി എന്ന യുവതിയാണ് എങ്ങനെയാണ് തന്റെ സ്വവർഗപങ്കാളിയെ വീട്ടുകാർ തുറന്ന മനസ്സോടെ സ്വീകരിച്ചത് എന്ന് വ്യക്തമാക്കുന്ന പോസ്റ്റ് തന്റെ സോഷ്യൽ മീഡിയാ അക്കൗണ്ടിൽ പങ്കുവച്ചിരിക്കുന്നത്.
കാനഡയിലെ സുഭിക്ഷയുടെ വീട്ടിൽ നടന്ന പരമ്പരാഗത ഗൃഹപ്രവേശന ചടങ്ങിന്റെ ഭാഗമായി നടന്ന പൂജയ്ക്കിടെ നടന്ന സംഭവമാണ് സുഭിക്ഷ പങ്കുവയ്ക്കുന്നത്. തന്റെ പങ്കാളിയായ ടീനയെ വീട്ടുകാർ അംഗീകരിച്ചതിനെ കുറിച്ചാണ് സുഭിക്ഷ പറയുന്നത്. സുഭിക്ഷയുടെ ഗൃഹപ്രവേശന ചടങ്ങിന് നാട്ടിൽ നിന്നും ഒരു പുരോഹിതൻ എത്തിയിരുന്നു. അവളുടെ മാതാപിതാക്കളും ചടങ്ങിലുണ്ടായിരുന്നു.
ചടങ്ങ് നടക്കുന്നതിനിടെ പുരോഹിതൻ സാധാരണ എല്ലാവരും ചോദിക്കാറുള്ള ആ ചോദ്യം ചോദിച്ചു. 'നിങ്ങൾ വിവാഹിതയാണോ? നിങ്ങളുടെ ഭർത്താവ് എവിടെ?' ഒരു നിമിഷം പോലും സങ്കോചിച്ച് നിൽക്കാതെ, 'തങ്ങളുടെ മകൾ വിവാഹം കഴിച്ചിരിക്കുന്നത് ടീനയെയാണ്' എന്ന് അവളുടെ മാതാപിതാക്കൾ മറുപടി നൽകുകയായിരുന്നു.
Related Articles
'തനിക്ക് ഏറെ അഭിമാനം തോന്നിയ നിമിഷമായിരുന്നു അത്' എന്നാണ് സുഭിക്ഷ ഈ നിമിഷത്തെ കുറിച്ച് പറയുന്നത്. ഒരിക്കൽ പോലും തന്റെ മാതാപിതാക്കൾ ടീനയെ മരുമകളായി സ്വീകരിക്കാൻ മടിച്ചിരുന്നില്ല എന്നും സുഭിക്ഷ വ്യക്തമാക്കുന്നു.
'അതൊരു മധുരതരമായ നിമിഷമായിരുന്നു! നിങ്ങൾ ഒരു ക്വിയർ വ്യക്തി ആണെങ്കിൽ, പുരോഹിതന്റെ നിങ്ങളോടുള്ള ഈ ചോദ്യത്തിന് എങ്ങനെയാവും മറുപടി നൽകുക' എന്ന ക്യാപ്ഷനോടെയാണ് ചടങ്ങുകളുടെ വീഡിയോ സുഭിക്ഷ ഇൻസ്റ്റഗ്രാമിൽ പങ്കുവച്ചിരിക്കുന്നത്.
അനേകങ്ങളാണ് സുഭിക്ഷ പങ്കുവച്ചിരിക്കുന്ന ഈ വീഡിയോ കണ്ടിരിക്കുന്നതും അതിന് കമന്റ് നൽകിയിരിക്കുന്നതും. ഒരു യൂസർ കമന്റ് നൽകിയിരിക്കുന്നത്, 'എത്ര മനോഹരമായ നിമിഷം, ഇങ്ങനെ സമാധാനവും അംഗീകാരവുമാണ് നാം ഓരോരുത്തരും ആഗ്രഹിക്കുന്നത്' എന്നാണ്.
