ഇന്ത്യയിലെ ജെൻ സി പ്രീമിയം സ്മാർട്ട്ഫോണുകളിൽ ഐഫോണിന് വലിയ പ്രാധാന്യം നൽകുന്നു. എക്കണോമിക് ടൈംസ്-സ്നാപ്ചാറ്റ് റിപ്പോർട്ട് അനുസരിച്ച്, ഐഫോൺ ജെൻ സിക്ക് ഒരു സാമൂഹിക പദവിയുടെ ഭാഗമാണ്.
പ്രീമിയം ഫോൺ വിപണിയിൽ ഇപ്പോൾ ഒരു വലിയ 'വൈബ് ഷിഫ്റ്റ്' സംഭവിച്ചിരിക്കുന്നു. എക്കണോമിക് ടൈംസും സ്നാപ്ചാറ്റും ചേർന്ന് നടത്തിയ 'Gen Z Index' റിപ്പോർട്ട് പ്രകാരം, ഇന്ത്യയിലെ ജെൻ സി ഇന്ന് തങ്ങളുടെ പ്രിയപ്പെട്ട മൊബൈൽ ബ്രാൻഡായി ഐഫോണിനെയാണ് തിരഞ്ഞെടുക്കുന്നത്. ഇത് വെറും ഒരു ഫോൺ വാങ്ങൽ മാത്രമല്ല, ഒരു ലൈഫ്സ്റ്റൈൽ സ്റ്റേറ്റ്മെൻ്റ് ആകുകയാണ്.
'ആപ്പിൾ ലോഗോ': ഒരു വികാരം
ആപ്പിളിൻ്റെ ഉൽപ്പന്നങ്ങൾ സാധാരണയായി വിലയേറിയതാണ്. എന്നിട്ടും, ജെൻ സി ഈ ബ്രാൻഡിനായി പണം മുടക്കാൻ തയ്യാറാകുന്നത് എന്തുകൊണ്ടാണ്?
- റിപ്പോർട്ട് പറയുന്നത്, വിലയേറിയ ഉൽപ്പന്നങ്ങളിൽ നിക്ഷേപം നടത്താൻ ഈ യുവതലമുറ മടിക്കുന്നില്ല എന്നാണ്. ആപ്പിൾ ഐഫോൺ വിശ്വാസ്യതയുടെയും ഗുണമേന്മയുടെയും പ്രതീകമായി അവർ കാണുന്നു.
- സുഹൃത്തുക്കളുടെ ഇടയിലെ സ്റ്റാറ്റസും സോഷ്യൽ കറൻസിയും നിലനിർത്താൻ ഐഫോൺ സഹായിക്കുന്നു എന്ന് ജെൻ സികൾ വിശ്വസിക്കുന്നു. 'ഐഫോൺ ക്ലബ്ബിൻ്റെ' ഭാഗമാകുന്നത് ഒരു അഭിമാനമായി അവർ കണക്കാക്കുന്നു.
- ക്വാളിറ്റി വിട്ടൊരു കളിയുമില്ല: ഇൻസ്റ്റാഗ്രാം റീൽസുകളുടെയും ഫോട്ടോകളുടെയും വ്ളോഗിൻ്റെയും കാലമാണിത്. മികച്ച ക്യാമറയും, എഡിറ്റിംഗ് ടൂളുകളും, അതിലൂടെ ലഭിക്കുന്ന 'സോഷ്യൽ ക്വാളിറ്റി'യും ഐഫോണിനെ യുവതലമുറയ്ക്കിടയിൽ ഒഴിച്ചുകൂടാനാവാത്ത ഉപകരണമാക്കി മാറ്റുന്നു.
- മെട്രോ വിട്ട് 'ടൗൺ വൈബിലേക്ക്'; ഐഫോണുകളുടെ സ്വാധീനം ഡൽഹി, മുംബൈ പോലുള്ള മെട്രോ നഗരങ്ങളിൽ ഒതുങ്ങിനിൽക്കുന്നില്ല എന്നതാണ് ഏറ്റവും പുതിയ കണ്ടെത്തൽ. ചെറിയ ടൗണുകളിലെ ഉപയോക്താക്കൾക്കിടയിലും ഇതിന് വലിയ ഡിമാൻഡാണ്.
ആരാണ് ഈ 'ഫാൻസ്'?
ഏറ്റവും പ്രായം കുറഞ്ഞ ഉപയോക്താക്കളും, വനിതാ ഉപയോക്താക്കളുമാണ് ആപ്പിളിൻ്റെ വളർച്ചയ്ക്ക് പ്രധാന കാരണം. വ്യക്തിഗത ഐഡൻ്റിറ്റിക്കും സുരക്ഷിതത്വത്തിനും അവർ ഐഫോണിന് മുൻഗണന നൽകുന്നു. പ്രീമിയം ഉൽപ്പന്നങ്ങൾ ഒരു വിഭാഗം ആളുകൾക്ക് മാത്രം ലഭ്യമാകുന്നത് എന്ന ചിന്ത മാറ്റി, 'എല്ലാവർക്കും നേടാൻ കഴിയുന്ന ആഗ്രഹം' എന്നതിലേക്ക് ജെൻ സി കാര്യങ്ങളെ കൊണ്ടെത്തിക്കുന്നു.
Related Articles
സാംസങ് പോലുള്ള ശക്തരായ എതിരാളികൾ ഇപ്പോഴുമുണ്ട്. എന്നാൽ, ടെക്നോളജിയേക്കാൾ ഉപരിയായി, ജീവിതശൈലിയുടെയും സ്വയം പ്രകടനത്തിൻ്റെയും ഭാഗമായി മൊബൈൽ ഫോണിനെ കാണുന്ന പുതിയൊരു യുവ ഇന്ത്യയെയാണ് ഈ റിപ്പോർട്ട് തുറന്നുകാട്ടുന്നത്.
