Asianet News MalayalamAsianet News Malayalam

പുതിയ കാര്‍ കിടിലനായിരിക്കുമെന്ന് ഒല മുതലാളി, ആദ്യം നിങ്ങളുടെ സ്‍കൂട്ടര്‍ ശരിയാക്കെന്ന് ജനം!

ഒല ഇലക്ട്രിക്കിന്‍റെ പുതിയ ഇലക്ട്രിക്ക് കാര്‍ എക്കാലത്തെയും സ്പോര്‍ട്ടി മോഡലായിരിക്കും എന്ന് അവകാശപ്പെട്ട കമ്പനി സിഇഒയെ പരിഹസിച്ച് സോഷ്യല്‍ മീഡിയ

CEO says Ola electric car will be the sportiest car ever but social media says first fix your scooter
Author
Mumbai, First Published Jul 17, 2022, 8:31 AM IST

ന്ത്യൻ വിപണിയിൽ ഒരു ഇലക്ട്രിക് സ്‌പോർട്‌സ് കാർ വികസിപ്പിക്കുന്നതിനെക്കുറിച്ച് മുമ്പ് തന്നെ ഓല ഇലക്ട്രിക് സൂചന നൽകിയിരുന്നു, ഇപ്പോൾ വരാനിരിക്കുന്ന ബാറ്ററിയിൽ പ്രവർത്തിക്കുന്ന കാറിനെക്കുറിച്ച് കമ്പനി സിഇഒ ഭവിഷ് അഗർവാൾ വീണ്ടും സ്ഥിരീകരണം നടത്തിയിരിക്കുകയാണെന്നാണ് പുതിയ റിപ്പോര്‍ട്ടുകള്‍. ട്വിറ്റര്‍ പോസ്റ്റിലൂടെയാണ് ഭവീഷ് അഗര്‍വാള്‍ ഒലയുടെ പുതിയ ഇലക്ട്രിക്ക് കാറിനെക്കുറിച്ചുള്ള വിശേഷങ്ങള്‍ പങ്കുവച്ചത് എന്ന് എച്ച്ടി ഓട്ടോ റിപ്പോര്‍ട്ട് ചെയ്യുന്നു. കമ്പനി യഥാർത്ഥത്തിൽ ഒരു ഇലക്ട്രിക് മോഡലിൽ പ്രവർത്തിക്കുന്നുണ്ടെന്ന് അഗർവാളിന്റെ ഏറ്റവും പുതിയ ട്വീറ്റ് സ്ഥിരീകരിക്കുന്നു. ഈ ഇലക്ട്രിക് കാർ ഇന്ത്യയിലെ ഏറ്റവും സ്‌പോർട്ടിയായിരിക്കുമെന്നും ഭവീഷ് അഗര്‍വാള്‍ ട്വീറ്റില്‍ അവകാശപ്പെടുന്നു. 

വില കുറയ്ക്കാന്‍ തല്ലിപ്പൊളി ബാറ്ററി; ഈ സ്‍കൂട്ടറുകളിലെ തീയുടെ കാരണങ്ങള്‍ ഇതൊക്കെ!

"ഇന്ത്യയിൽ ഇതുവരെ നിർമ്മിച്ചതിൽ വെച്ച് ഏറ്റവും സ്‌പോർട്ടിയായ കാർ ഞങ്ങൾ നിർമ്മിക്കാൻ പോകുന്നു!", കാറിന്റെ സിൽഹൗറ്റിനെ ടീസ് ചെയ്‍തുകൊണ്ട് അഗർവാൾ തന്റെ ട്വീറ്റിൽ പറഞ്ഞു. ട്വീറ്റ് ചെയ്‍ത വീഡിയോയ്ക്ക് മൈക്രോബ്ലോഗിംഗ് സൈറ്റിൽ ഇതുവരെ 40,000 ത്തിലധികം കാഴ്‍ചകൾ ലഭിച്ചു. അതേസമയം ഈ ട്വീറ്റ് സോഷ്യൽ മീഡിയ ഉപയോക്താക്കൾക്കിടയിൽ ഒരു വലിയ ചർച്ചയ്ക്ക് തുടക്കമിട്ടു. ഒലയെ അനുകൂലിച്ചും പരിഹസിച്ചും നിരവധി പേരാണ് രംഗത്തെത്തിയിരിക്കുന്നത് എന്നാണ് റിപ്പോര്‍ട്ടുകള്‍. 

ഓല ഇലക്ട്രിക് ഇന്ത്യയിൽ ഒരു ഇവി വിപ്ലവം കൊണ്ടുവരുന്നു എന്ന് ഒരു ഉപയോക്താവ് എഴുതിയപ്പോൾ ഇത് എക്കാലത്തെയും വലിയ വാർത്തയായിരിക്കും എന്നാണ് മറ്റൊരാള്‍ അഭിപ്രായപ്പെട്ടത്. അതേസമയം ചിലര്‍ ആദ്യം നിങ്ങളുടെ സ്‍കൂട്ടർ ശരിയാക്കൂ എന്ന് പറഞ്ഞുകൊണ്ട് ട്വീറ്റില്‍ പരിഹാസവും രേഖപ്പെടുത്തിയതായും എച്ച്ടി ഓട്ടോ റിപ്പോര്‍ട്ട് ചെയ്യുന്നു. അടുത്തകാലത്തായി സോഫ്റ്റ്‌വെയര്‍ പ്രശ്‌നം, തീപിടിത്തം തുടങ്ങി ഒല ഇലക്ട്രിക്കിന്റെ എസ്1 പ്രോ സ്‍കൂട്ടറുമായി ബന്ധപ്പെട്ട് നിരവധി പ്രശ്‍നങ്ങൾ റിപ്പോർട്ട് ചെയ്‍തിരുന്നു. ഇതിനെ പരിഹസിച്ചായിരുന്നു ഈ കമന്‍റുകള്‍.

"ശിക്ഷിക്കാതിരിക്കാന്‍ കാരണമുണ്ടെങ്കില്‍ പറയണം.." തീപിടിത്തത്തില്‍ ഈ വണ്ടിക്കമ്പനികളോട് കേന്ദ്രസര്‍ക്കാര്‍

ഒലയുടെ വരാനിരിക്കുന്ന ഇലക്‌ട്രിക് കാർ കൂപ്പേ പോലെയുള്ള റൂഫ്‌ലൈനോടുകൂടിയ ലോ-സ്ലംഗ് വീതിയുള്ള കാറായിരിക്കുമെന്ന് ഏറ്റവും പുതിയ ടീസർ സൂചിപ്പിക്കുന്നു. എങ്കിലും ഇത് രണ്ട് ഡോർ സ്‌പോർട്‌സ് കാറായിരിക്കില്ല. നാല് ഡോർ സെഡാൻ, ദീർഘദൂര റേഞ്ചിനായി ഒരു വലിയ ബാറ്ററി സെറ്റ് ഫീച്ചർ ചെയ്യുന്നു. 

ഈ വര്‍ഷം ആദ്യം ഒലയുടെ മേധാവിയായ ഭവീഷ് അഗര്‍വാള്‍ ഇലക്ട്രിക് കാറിന്റെ മാതൃക ചിത്രം വെളിപ്പെടുത്തിയിരുന്നു. കാറിന്‍റെ പ്രോട്ടോടൈപ്പ് ഓഗസ്റ്റ് 15-ന് വെളിപ്പെടുത്തുമെന്നാണ് പ്രതീക്ഷിക്കുന്നത്. ഇലക്ട്രിക് കാറുകള്‍ എപ്പോള്‍ നിരത്തുകളില്‍ എത്തുമെന്ന് ഒല അറിയിച്ചിട്ടില്ലെങ്കിലും 2023-ന്റെ തുടക്കത്തില്‍ നിര്‍മാണം ആരംഭിച്ചേക്കുമെന്നാണ് പ്രതീക്ഷ. തമിഴ്‌നാട്ടില്‍ ഒല ഒരുക്കിയിട്ടുള്ള വാഹന നിര്‍മാണ പ്ലാന്റിലായിരിക്കും ഇലക്ട്രിക് കാറുകളും നിര്‍മിക്കുക.

കമ്പനി ഇലക്‌ട്രിക് ഫോർ വീലർ, ബാറ്ററി സെല്ലുകളുടെ പ്ലാന്റ് സ്ഥാപിക്കുന്നതിനുള്ള അടിത്തറ തേടുന്നതായി മെയ് മാസത്തിൽ റിപ്പോർട്ടുകള്‍ പുറത്തു വന്നിരുന്നു. ഇവി ഫോർ വീലർ ഫാക്ടറിക്ക് ഏകദേശം 1,000 ഏക്കർ ഭൂമി ആവശ്യമാണ്. ഇത് നിലവിൽ എസ് 1 പ്രോ ഇലക്ട്രിക് സ്കൂട്ടറുകൾ നിർമ്മിക്കുന്ന ഫ്യൂച്ചർ ഫാക്ടറിയുടെ ഇരട്ടിയാണ്. ഒല ഇലക്ട്രിക്കിന്റെ വരാനിരിക്കുന്ന പ്രോജക്റ്റിനെക്കുറിച്ചുള്ള വിശദാംശങ്ങൾ ഇപ്പോൾ വിരളമാണെങ്കിലും, ഈ കാർ കമ്പനിയുടെ തമിഴ്‌നാട്ടിലെ വരാനിരിക്കുന്ന ഫാക്ടറിയിൽ നിർമ്മിക്കും എന്നാണ് റിപ്പോര്‍ട്ടുകള്‍.

മൂന്ന് പുതിയ ഇലക്ട്രിക് കാറുകളുമായി ഒല

കമ്പനി നിലവിൽ ഇന്ത്യയിൽ S1, S1 പ്രോ ഇലക്ട്രിക് സ്‍കൂട്ടറുകൾ വില്‍ക്കുന്നു. ഈ രണ്ട് ഇരുചക്രവാഹനങ്ങളും കമ്പനിയുടെ ഫ്യൂച്ചർ ഫാക്ടറിയിലാണ് നിർമ്മിച്ചിരിക്കുന്നത്.  തുടക്കത്തില്‍ ഈ ഇരുചക്രവാഹനങ്ങൾക്കുള്ള ഡിമാൻഡ് വളരെ വലുതായിരുന്നു.  എന്നാൽ കഴിഞ്ഞ കുറച്ച് മാസങ്ങളായി ഇത് കുത്തനെ കുറഞ്ഞുവരികയാണ്. 

ഒല ഇലക്ട്രിക് സ്‍കൂട്ടർ പ്രശ്‍നങ്ങൾ
ഇന്ത്യന്‍ വാഹന വിപണിയില്‍ വലിയ വിപ്ലവത്തിന്റെ തുടക്കമായാണ് ഒലയുടെ ഇലക്ട്രിക് സ്‌കൂട്ടറിന്‍റെ വരവിനെ പലരും വിശേഷിപ്പിച്ചിരുന്നത്. ലക്ഷകണക്കിന് ബുക്കിംഗുകള്‍ മണിക്കൂറുകള്‍ക്കുള്ളില്‍ നേടി വാഹനം തരംഗമായിരുന്നു. എന്നാല്‍, നിരത്തിലെത്തിയതോടെ ഒല അതുവരെ ഉണ്ടാക്കിയെടുത്ത എല്ലാ ജനപ്രീതിയും തകിടം മറിയുന്നതായാണ് റിപ്പോര്‍ട്ടുകള്‍. സോഫ്റ്റ്‌വെയര്‍ പ്രശ്‌നം, തീപിടിത്തം തുടങ്ങി ഒല ഇലക്ട്രിക്കിന്റെ എസ്1 പ്രോ സ്‍കൂട്ടറുമായി ബന്ധപ്പെട്ട് നിരവധി പ്രശ്‍നങ്ങൾ റിപ്പോർട്ട് ചെയ്‍തിട്ടുണ്ട്.  ബോഡി വർക്കിലെ വലിയ പാനൽ വിടവുകൾ, അലറുന്ന ശബ്‍ദങ്ങൾ, ഹെഡ്‌ലാമ്പ് പ്രശ്‌നങ്ങൾ, പൊരുത്തമില്ലാത്ത റൈഡിംഗ് റേഞ്ച് മുതലായവ ഉപഭോക്താക്കൾ റിപ്പോർട്ട് ചെയ്‍തിട്ടുണ്ട്.

"നെഞ്ചിനുള്ളില്‍ തീയാണ്.." ഈ സ്‍കൂട്ടര്‍ ഉടമകള്‍ ശ്രദ്ധിക്കേണ്ട ചില കാര്യങ്ങള്‍!

ഫോർവേഡ് മോഡിൽ ആയിരുന്നിട്ടും സ്‌കൂട്ടർ തനിയെ റിവേഴ്‍സ് ഓടിയതും വാര്‍ത്തയായിരുന്നു. ഈ പ്രശ്നത്തെ തുടർന്ന് ഒരാൾക്കും പരിക്കേറ്റു. സാധാരണയായി, റിവേഴ്സ് മോഡ് ഒരു നിശ്ചിത വേഗതയിൽ പരിമിതപ്പെടുത്തിയിരിക്കുന്നു. എന്നാൽ സ്‍കൂട്ടർ ആ വേഗ പരിധിയും ലംഘിച്ചു. ചക്രം പിന്നിലേക്ക് കറങ്ങുമ്പോൾ സ്‍കൂട്ടർ മണിക്കൂറിൽ 100 ​​കിലോമീറ്ററിലധികം വേഗത്തിലാകുന്നതായി റിപ്പോർട്ടുകളുണ്ട്. പൂനെയിലെ ലോഹെഗാവിലും ഒരു ഒല സ്‍കൂട്ടറിന് തീപിടിച്ചിരുന്നു. റോഡരികിൽ നിർത്തിയിട്ടിരുന്ന ഓലയുടെ സ്‍കൂട്ടറാണ് കത്തിയത്. എന്തുകൊണ്ടാണ് ഇത് സംഭവിച്ചതെന്ന് കണ്ടെത്താൻ ഒല ഇലക്ട്രിക് അന്വേഷണം ആരംഭിച്ചിട്ടുണ്ട്.

ഓല ഇലക്ട്രിക്കിന്‍റെ തിരിച്ചുവിളി
അടുത്തിടെ, ഒല ഇലക്ട്രിക് 1,441 യൂണിറ്റ് എസ് 1 പ്രോ ഇലക്ട്രിക് സ്‌കൂട്ടറുകൾ തിരികെ വിളിക്കുന്നതായി കമ്പനി പ്രഖ്യാപിച്ചിരുന്നു. സ്‌കൂട്ടറിന് തീപിടിച്ച അതേ ബാച്ചിലുള്ള വാഹനങ്ങളാണ് തിരിച്ചുവിളിക്കുന്നത്. വിശദമായ പരിശോധനയുടെ ഭാഗമായ ഒരു മുൻകൂർ നടപടിയാണിത് എന്നാണ് ഒല പറയുന്നത്.

'ഈ തട്ടിപ്പ് കമ്പനിയെ സൂക്ഷിക്കുക'; ബോര്‍ഡും തൂക്കി സ്‍കൂട്ടര്‍ കഴുതയെക്കൊണ്ട് വലിപ്പിച്ച് ഉടമ!

Follow Us:
Download App:
  • android
  • ios