പുതിയ മോഡലിന്‍റെ വില കുറയ്ക്കാന്‍ പുതിയ തന്ത്രവുമായി ഹ്യുണ്ടായി

വില കുറയ്ക്കുന്നതിന്റെ ഭാഗമായി ഘടകങ്ങളായി ഇറക്കുമതി ചെയ്ത് ഇന്ത്യയിൽ അസംബിൾ ചെയ്‍തു വിൽക്കും എന്നാണ് ഓട്ടോ കാര് ഇന്ത്യയെ ഉദ്ദരിച്ച് ടീം ബിഎച്ച്‍പി റിപ്പോര്‍ട്ട് ചെയ്യുന്നത്. 

Hyundai Ioniq 5

ഹ്യുണ്ടായുടെ ഇന്ത്യയിലെ രണ്ടാമത്തെ ഓൾ-ഇലക്‌ട്രിക് മോഡലായിരിക്കും അയോണിക് 5. ഈ വർഷാവസാനം ഇത് പുറത്തിറക്കുമെന്ന് പ്രതീക്ഷിക്കുന്നു. നേരത്തെ വാഹനത്തെ പൂർണമായും ഇറക്കുമതി ചെയ്യാനായിരുന്നു കമ്പനിയുടെ പദ്ധതി. എന്നാല്‍ ഇപ്പോള്‍ പുറത്തുവരുന്ന റിപ്പോര്‍ട്ടുകള്‍ അനുസരിച്ച് അയോണിക് 5 നെ ഇന്ത്യയിൽ അസംബിൾ ചെയ്‍ത് വിപണിയിലെത്തിക്കാനാണ് ഹ്യുണ്ടായിയുടെ പുതിയ നീക്കം. വില കുറയ്ക്കുന്നതിന്റെ ഭാഗമായി ഘടകങ്ങളായി ഇറക്കുമതി ചെയ്ത് ഇന്ത്യയിൽ അസംബിൾ ചെയ്‍തു വിൽക്കും എന്നാണ് ഓട്ടോ കാര് ഇന്ത്യയെ ഉദ്ദരിച്ച് ടീം ബിഎച്ച്‍പി റിപ്പോര്‍ട്ട് ചെയ്യുന്നത്. 

അമ്പതുലക്ഷത്തിൽ താഴെയായിരിക്കും ഈ ഹ്യുണ്ടേയ്‌ ഇലക്ട്രിക് കാറിന്റെ വില. ബിയോൺഡ് മൊബിലിറ്റി സ്ട്രാറ്റജിയുടെ ഭാഗമായി ഹ്യുണ്ടേയ് പുറത്തിറക്കുന്ന ആദ്യവാഹനമാണ് അയോണിക് 5. ആറ് ഇലക്ട്രിക് മോഡലുകള്‍ 2028 നുള്ളിൽ ഇന്ത്യൻ വിപണിയിലെത്തിക്കാനാണ് ബിയോൺഡ് മൊബിലിറ്റി സ്ട്രാറ്റജി എന്ന പദ്ധതി ഹ്യുണ്ടായിയ് ആവിഷ്കരിച്ചത്. 2022 ലെ വേൾഡ് കാർ ഓഫ് ദി ഇയർ പുരസ്കാരം നേടിയ കാറാണ് അയോണിക് 5. കിയ ഇവി 6 വിപണിയിൽ എത്തിച്ചത് ശേഷമായിരിക്കും അയോണിക് 5 എത്തുക. 

ഹ്യുണ്ടായിയുടെ ഇലക്‌ട്രിക്-ഗ്ലോബൽ മോഡുലാർ പ്ലാറ്റ്‌ഫോം (ഇ-ജിഎംപി) അടിസ്ഥാനമാക്കിയാണ് അയോണിക് 5 നിർമ്മിച്ചിരിക്കുന്നത്. ആഗോളതലത്തിൽ, കാറിന് രണ്ട് ബാറ്ററി ഓപ്ഷനുകളുണ്ട്. 58 kWh, 72.6 kWh, 480 കിലോമീറ്റർ വരെ റേഞ്ച് (WLTP സൈക്കിൾ) വാഗ്ദാനം ചെയ്യുന്നു. 165 ബിഎച്ച്‌പിയും 350 എൻഎം ഉൽപ്പാദനവുമുള്ള ഒരൊറ്റ ഇലക്ട്രിക് മോട്ടോറാണ് അടിസ്ഥാന പതിപ്പിന് കരുത്ത് പകരുന്നത്. ഡ്യുവൽ-മോട്ടോർ പതിപ്പ് 298 ബിഎച്ച്പിയും 605 എൻഎമ്മും പായ്ക്ക് ചെയ്യുന്നു, വെറും 5.2 സെക്കൻഡിനുള്ളിൽ മണിക്കൂറിൽ 0-100 കിലോമീറ്റർ വേഗത കൈവരിക്കുമെന്ന് പറയപ്പെടുന്നു.

റേഞ്ച് കുറഞ്ഞ മോഡലിന് 58 കിലോവാട്ട് ബാറ്ററിയും കൂടിയ റേഞ്ചുള്ള മോഡലിന് 77.4 കിലോവാട്ട് ബാറ്ററിയുമാണ്. ഒറ്റ ചാർജിൽ യഥാക്രമം 358 കിലോമീറ്ററും 502 കിലോമീറ്ററും വാഹനം സഞ്ചരിക്കും. അയോണിക് 5 ലെ 800 വി ബാറ്ററി സാങ്കേതിക വിദ്യ അതിവേഗ ചാർജിങ് ഉറപ്പുവരുത്തുന്നു എന്നാണ് ഹ്യുണ്ടേയ് പറയുന്നത്. 220 കിലോവാട്ട് ഡിസി ചാർജർ ഘടിപ്പിച്ചാൽ‍ 10 ൽ നിന്ന് 80 ശതമാനം ചാർജിലേക്ക് എത്താൻ വാഹനത്തിന് വെറും 18 മിനിറ്റ് മതി. എന്നാൽ ഈ രണ്ടു മോഡലുകളിൽ 58 കിലോവാട്ട് ബാറ്ററി പാക്കുള്ള വാഹനമാണ് ഇന്ത്യയിൽ എത്തുക.

ഫ്യുച്ചറിസ്റ്റിക് ഡിസൈനാണ് അയോണിക്കിന്റെ ഏറ്റവും വലിയ പ്രത്യേകത. മനോഹരമായ മുൻഭാഗവും അലോയ് വീലുകളും പിൻഭാഗവുമുണ്ട് കാറിന്. ലാളിത്യമാണ് ഡിസൈനിന്റെ മുഖമുദ്ര. ഹ്യുണ്ടേയ്‌യുടെ സ്കേറ്റ്ബോർഡ് പ്ലാറ്റ്ഫോമായ ഇ–ജിഎംപിമ്മിലാണ് (ഇലക്ട്രിക് ഗ്ലോബൽ മോഡുലാർ പ്ലാറ്റ്ഫോം) നിർമാണം. ബാറ്ററിയെയും ഇലക്ട്രിക് മോട്ടറിനെയും അടിസ്ഥാനപ്പെടുത്തി രൂപകൽപന ചെയ്ത ഹ്യുണ്ടേയ്‌യുടെ ആദ്യ മോഡലാണ് അയോണിക് 5.

ഹ്യുണ്ടായി അയോണിക്ക് 5 ലോഞ്ച് വിശദാംശങ്ങൾ ഔദ്യോഗികമായി വെളിപ്പെടുത്തി

2022 ന്‍റെ രണ്ടാം പകുതിയിൽ അയോണിക്ക് (Ioniq 5) ഇലക്ട്രിക് ക്രോസ്ഓവർ അവതരിപ്പിക്കും എന്ന് ഹ്യുണ്ടായ് ഇന്ത്യ സ്ഥിരീകരിച്ചതായി റിപ്പോര്‍ട്ട്. പുരോഗമനപരവും സുസ്ഥിരവുമായ ഭാവിക്കായി തങ്ങളുടെ ബിസിനസുകളിലും ഉൽപ്പന്ന ശ്രേണിയിലും ഇലക്ട്രിക് മൊബിലിറ്റി വിപുലീകരിക്കുന്നതിൽ കമ്പനി ശ്രദ്ധ കേന്ദ്രീകരിക്കുകയാണെന്ന് ഹ്യുണ്ടായ് മോട്ടോർ ഇന്ത്യ എംഡിയും സിഇഒയുമായ അൻസൂ കിം വെളിപ്പെടുത്തിയതായി ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു. ഈ മോഡലിന് ഈയടുത്ത് 2022 വേൾഡ് കാർ ഓഫ് ദ ഇയർ (WCOTY) അവാർഡ് ലഭിച്ചിരുന്നു. ദക്ഷിണ കൊറിയൻ വാഹന നിർമ്മാതാവ് 2028-ഓടെ 6 പുതിയ BEV (ബാറ്ററി ഇലക്ട്രിക് വാഹനം) 6 മോഡലുകൾ അവതരിപ്പിക്കാൻ പദ്ധതിയിടുന്നു.

വരാനിരിക്കുന്ന ഹ്യുണ്ടായ് അയോണിക് 5, ഒന്നിലധികം ബോഡി ശൈലികളെ പിന്തുണയ്ക്കുന്ന ഇ-ജിഎംപി പ്ലാറ്റ്‌ഫോമിലാണ് (ഇലക്‌ട്രിക് ഗ്ലോബൽ മോഡുലാർ പ്ലാറ്റ്‌ഫോം) രൂപകൽപ്പന ചെയ്‌തിരിക്കുന്നത്. ഇത് മോഡുലാറൈസ്‍ഡ് ബാറ്ററി സംവിധാനവും കുറഞ്ഞ ഗുരുത്വാകർഷണ കേന്ദ്രവും വാഗ്ദാനം ചെയ്യുന്നു. ഇവിടെ, പുതിയ ഹ്യുണ്ടായ് ഇലക്ട്രിക് ക്രോസ്ഓവർ CBU റൂട്ട് വഴി കൊണ്ടുവരുകയും ഒരു പ്രധാന വിഭാഗത്തെ പരിപാലിക്കുകയും ചെയ്യും. ഇലക്ട്രിക് മൊബിലിറ്റിയിൽ ബ്രാൻഡിന്റെ വൈദഗ്ധ്യം പ്രിവ്യൂ ചെയ്യുന്ന ഒരു മുൻനിര ഇവിയായി ഇത് സ്ഥാപിക്കും.

ആഗോളതലത്തിൽ, അയോണിക്ക് 5-ന് രണ്ട് പവർട്രെയിൻ ഓപ്ഷനുകളുണ്ട്. സിംഗിള്‍ മോട്ടോർ സജ്ജീകരണവും ഡ്യുവൽ മോട്ടോർ, AWD കോൺഫിഗറേഷനും ആണവ. ആദ്യത്തേത് 169 ബിഎച്ച്പിയും 350 എൻഎം ടോർക്കും ഉൽപ്പാദിപ്പിക്കുമ്പോൾ, രണ്ടാമത്തേത് 306 ബിഎച്ച്പിക്കും 605 എൻഎം ടോര്ക്കും സൃഷ്‍ടിക്കുന്നു. സിംഗിൾ മോട്ടോർ സെറ്റപ്പ് അടിസ്ഥാന വേരിയന്റിൽ ലഭ്യമാണ്, ഇതിന് 8.5 സെക്കൻഡിൽ പൂജ്യം മുതൽ 1000 കിലോമീറ്റർ വേഗത കൈവരിക്കാനാകും. ഇരട്ട മോട്ടോർ പതിപ്പിന് 5.2 സെക്കൻഡിൽ 0 മുതൽ 100 ​​കിലോമീറ്റർ വേഗത കൈവരിക്കാൻ കഴിയും. മണിക്കൂറിൽ 185 കിലോമീറ്റർ വേഗത കൈവരിക്കാനും ഇതിന് കഴിയും. നിലവിൽ, ഇന്ത്യയ്ക്കായുള്ള അയോണിക്ക് 5-ന്റെ പവർട്രെയിൻ വിശദാംശങ്ങളെക്കുറിച്ച് ഔദ്യോഗികമായി ഒന്നും പറഞ്ഞിട്ടില്ല.

72.6kWh, 58kWh എന്നീ രണ്ട് ബാറ്ററി പായ്ക്കുകളോട് കൂടിയ ഇലക്ട്രിക് ക്രോസ്ഓവർ ലഭ്യമാണ് - യഥാക്രമം 481km, 385km (WLTP സൈക്കിളിൽ) പരമാവധി റേഞ്ച് നൽകുന്നു. 220kW DC ചാർജർ വഴി വെറും 18 മിനിറ്റിനുള്ളിൽ ബാറ്ററികൾ 10% മുതൽ 80% വരെ ചാർജ് ചെയ്യാൻ അനുവദിക്കുന്ന 800V ബാറ്ററി സാങ്കേതികവിദ്യയാണ് ഹ്യുണ്ടായി അയോണിക്ക് 5-ന് ഉള്ളത്. ഇൻഫോടെയ്ൻമെന്റ് സിസ്റ്റത്തിനും ഇൻസ്ട്രുമെന്റ് ക്ലസ്റ്ററിനും വേണ്ടിയുള്ള 12 ഇഞ്ച് ഡിസ്‌പ്ലേ, ഹെഡ്-അപ്പ് ഡിസ്‌പ്ലേ (HUD) യൂണിറ്റ്, ഹ്യുണ്ടായിയുടെ ബ്ലൂലിങ്ക് കണക്റ്റഡ് കാർ സ്യൂട്ട്, അഡ്വാൻസ്‍ഡ് ഡ്രൈവർ അസിസ്റ്റൻസ് ഫീച്ചറുകൾ, റിയർ വ്യൂ മിറർ ഡിസ്‌പ്ലേയ്ക്കുള്ള ഡിജിറ്റൽ സ്‌ക്രീനുകൾ തുടങ്ങിയവയും ഉൾപ്പെടുന്നു.