സെല്‍റ്റോസിന്‍റെ സുരക്ഷ കൂട്ടി കിയ; വിലയും കൂടും
വാഹനങ്ങളില്‍ ആറ് എയര്‍ബാഗുകള്‍ നിര്‍ബന്ധമായും സ്റ്റാന്‍ഡേര്‍ഡ് ഫീച്ചറായി നല്‍കാനുള്ള കേന്ദ്ര സര്‍ക്കാരിന്‍റെ തീരുമാനത്തോടെയാണ് സെല്‍റ്റോസില്‍ ആറ് എയര്‍ബാഗുകള്‍ നല്‍കാന്‍ കിയ തീരുമാനിക്കുന്നത്.
ദക്ഷിണ കൊറിയന്‍ വാഹന നിര്‍മ്മാതാക്കളായ കിയയുടെ ഇന്ത്യയിലെ ജനപ്രിയ മോഡലാണ് സെല്‍റ്റോസ് കോംപാക്ട് എസ്യുവി. ഈ മാസം മുതൽ, കിയ ഇന്ത്യ സെല്‍റ്റോസിന്‍റെ എല്ലാ വേരിയന്റുകളിലും ആറ് എയർബാഗുകൾ സ്റ്റാൻഡേർഡായി വാഗ്ദാനം ചെയ്യും എന്നാണ് പുതിയ റിപ്പോര്‍ട്ട്. മാത്രമല്ല സെല്‍റ്റിസിന്‍റെ എല്ലാ ചക്രങ്ങളിലും ഡിസ്ക് ബ്രേക്കുകളും കമ്പനി അവതരിപ്പിച്ചു.
ഇന്നോവയെ 'സ്‍കെച്ച്' ചെയ്‍ത് അവന്‍ റോഡിലേക്ക്, ഇനി സംഭവിക്കുന്നത് കണ്ടറിയണം കോശീ..!
അതേസമയം സെൽറ്റോസിൽ എയർബാഗുകളും ഡിസ്ക് ബ്രേക്കുകളും ചേർത്തതും എസ്യുവിയുടെ വിലവർദ്ധനവിന് കാരണമായി. ഏറ്റവും പുതിയ പരിഷ്‍കരണത്തിന് ശേഷം ഓഗസ്റ്റ് മുതൽ സെൽറ്റോസ് എസ്യുവിയുടെ പുതിയ വില പട്ടിക കിയ ഇന്ത്യ പ്രഖ്യാപിച്ചു. കിയ സെൽറ്റോസ് ഇപ്പോൾ പ്രാരംഭ എക്സ്-ഷോറൂം വില 10.49 ലക്ഷം മുതൽ 18.65 ലക്ഷം രൂപ എക്സ്-ഷോറൂം വില വരെ ലഭിക്കും. വില വിവരങ്ങള്‍ വിശദമാക്കുകയാണെങ്കില്‍, പെട്രോൾ വകഭേദങ്ങൾക്ക് (HTE, HTK, HTX, GTX, X-Line) 10.49 ലക്ഷം ആണ് പ്രാരംഭ എക്സ് ഷോറൂം വില. അത് 18.29 ലക്ഷം എക്സ് ഷോറൂം വരെ ഉയരും. ഡീസൽ വകഭേദങ്ങൾ (HTE, HTK, HTX, GTX, X-Line) 11.39 ലക്ഷം മുതല്‍ 18.65 ലക്ഷം രൂപ വരെയാണ് എക്സ് ഷോറൂം വില.
വാഹനങ്ങളില്‍ ആറ് എയര്‍ബാഗുകള്‍ നിര്‍ബന്ധമായും സ്റ്റാന്‍ഡേര്‍ഡ് ഫീച്ചറായി നല്‍കാനുള്ള കേന്ദ്ര സര്‍ക്കാരിന്‍റെ തീരുമാനം നിലവില്‍ വന്ന് മാസങ്ങള്‍ക്ക് അകമാണ് സെല്‍റ്റോസില്‍ ആറ് എയര്‍ബാഗുകള്‍ നല്‍കാന്‍ കിയ തീരുമാനിക്കുന്നത്. ഒക്ടോബർ ഒന്ന് മുതൽ എല്ലാ പുതിയ കാറുകളിലും ആറ് എയർബാഗുകൾ നിര്‍ബന്ധമായും സ്റ്റാന്‍ഡേര്‍ഡായി ഘടിപ്പിക്കണം എന്നാണ് കേന്ദ്ര സർക്കാർ വിജ്ഞാപനം പുറപ്പെടുവിച്ചത്. നേരത്തെ നാല് എയർബാഗുകളുമായാണ് സെൽറ്റോസ് എസ്യുവി എത്തിയിരുന്നത്. 2020-ൽ നടന്ന ഗ്ലോബൽ എൻസിഎപി ക്രാഷ് ടെസ്റ്റിൽ രണ്ട് എയർബാഗുകൾ മാത്രമുള്ളപ്പോൾ ഇതിന് ത്രീ-സ്റ്റാർ സുരക്ഷാ റേറ്റിംഗ് ലഭിച്ചിരുന്നു.
വാങ്ങി ഒമ്പത് മാസം, മൂന്നുമാസവും വര്‍ക്ക് ഷോപ്പില്‍, ഒടുവില്‍ തീയും; ഒരു കിയ ഉടമയുടെ കദനകഥ!
ഈ രണ്ട് അപ്‌ഡേറ്റുകൾ കൂടാതെ, സെൽറ്റോസ് എസ്‌യുവിയിൽ കിയ മറ്റ് സുരക്ഷാ സവിശേഷതകളും വാഗ്ദാനം ചെയ്യുന്നു. ഇഎസ്‍സി, വിഎസ്എം, ബ്രേക്ക് അസിസ്റ്റ്, ഹിൽ അസിസ്റ്റ്, ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്), പിൻ പാർക്കിംഗ് സെൻസറുകൾ തുടങ്ങിയവ ഇതിൽ ഉൾപ്പെടുന്നു.
പെട്രോൾ, ഡീസൽ പവർട്രെയിനുകളിൽ മൂന്ന് എഞ്ചിൻ ഓപ്ഷനുകളുള്ള സെൽറ്റോസ് എസ്യുവി കിയ ഇന്ത്യയിൽ വാഗ്ദാനം ചെയ്യുന്നു. സെൽറ്റോസ് പെട്രോൾ പതിപ്പുകൾക്ക് 1.5 ലിറ്റർ ഡീസൽ എഞ്ചിൻ കൂടാതെ 1.5 ലിറ്റർ, 1.4 ലിറ്റർ ടർബോ യൂണിറ്റും ലഭിക്കും. ആറ് സ്പീഡ് മാനുവൽ, ആറ് സ്പീഡ് ഓട്ടോമാറ്റിക് അല്ലെങ്കിൽ iMT ഗിയർബോക്‌സ് ഓപ്ഷനുകളിലാണ് എഞ്ചിനുകൾ ജോടിയാക്കിയിരിക്കുന്നത്.
ഹ്യുണ്ടായി ക്രെറ്റ, കിയ സെൽറ്റോസ് സ്‌കോഡ കുഷാക്ക് , ഫോക്‌സ്‌വാഗൺ ടൈഗൺ , എംജി ആസ്റ്റർ തുടങ്ങിയ മോഡലുകളാണ് ഇന്ത്യയിൽ കിയ സെല്‍റ്റോസിന്‍റെ എതിരാളികള്‍. വൈകാതെ, മാരുതി സുസുക്കി ഗ്രാൻഡ് വിറ്റാര, ടൊയോട്ട അർബൻ ക്രൂയിസർ ഹൈറൈഡർ തുടങ്ങിയ കോംപാക്റ്റ് എസ്യുവി വിഭാഗത്തിൽ വരാനിരിക്കുന്ന രണ്ട് മോഡലുകളുടെ വെല്ലുവിളികളെയം സെൽറ്റോസിന് നേരിടേണ്ടിവരും.
ഡെലിവറി ദിവസം തന്നെ ഉടമ പെരുവഴിയില്‍, വീണ്ടുമൊരു കിയ കദനകഥ!
സുരക്ഷിത യാത്ര, കേന്ദ്രനീക്കം ഇങ്ങനെ
ഒക്ടോബർ ഒന്നിന് ശേഷം നിർമിക്കുന്ന എം1 കാറ്റഗറിയില്‍പ്പെട്ട എട്ട് യാത്രക്കാർക്ക് ഇരിക്കാവുന്നതും 3.5 ടണ്ണിൽ താഴെ ഭാരവുമുള്ള വാഹനങ്ങളിൽ രണ്ട് മുൻവശത്തെ എയർബാഗുകളും രണ്ട് കർട്ടൻ എയർബാഗുകളും ഘടിപ്പിക്കണമെന്ന് കരട് വിജ്ഞാപനത്തിൽ പറയുന്നു. ഡ്രൈവർ സീറ്റിന് പുറമെ എട്ട് സീറ്റിൽ കൂടാത്ത, യാത്രക്കാരുടെ വണ്ടിക്ക് ഉപയോഗിക്കുന്ന മോട്ടോർ വാഹനം എന്നാണ് M1 കാറ്റഗറിയുടെ നിർവചനം.
യാത്രക്കാർക്കായി ഇന്ത്യൻ കാറുകളുടെ സുരക്ഷാ മാനദണ്ഡങ്ങൾ വർധിപ്പിക്കുന്നതിനും റോഡപകടത്തിൽ ഉൾപ്പെട്ട വാഹനങ്ങളിലെ യാത്രക്കാർ സുരക്ഷിതരാണെന്ന് ഉറപ്പാക്കാനും ഈ നീക്കം ലക്ഷ്യമിടുന്നു. 2019-ലാണ് നാലുചക്ര വാഹനങ്ങളിലെ ഡ്രൈവർക്ക് എയർബാഗ് നിർബന്ധമാക്കുന്നത്. പീന്നിട് ഡ്രൈവറുടെ അരികിലുള്ള സീറ്റിനും എയർബാഗ് നിർബന്ധമാക്കുകയായിരുന്നു. 8 യാത്രക്കാർക്ക് സഞ്ചരിക്കാവുന്ന വാഹനങ്ങളിൽ 6 എയർബാഗുകൾ നിർബന്ധമാക്കണമെന്ന് കേന്ദ്രത്തിന്‍റെ പുതിയ കരട് വിജ്ഞാപനത്തിൽ പറയുന്നുണ്ട്.
ബാറ്ററിക്ക് കാറിനേക്കാൾ വില, വില്‍ക്കാമെന്ന് വച്ചപ്പോള്‍ ആക്രിവില; സ്‍തംഭിച്ച് കുടുംബം!
എയർബാഗുകൾ എത്ര പ്രധാനമാണ്?
ലോകമെമ്പാടും, സീറ്റ് ബെൽറ്റുകളും എയർബാഗുകളും ഒരു കാറിൽ അപകടമുണ്ടായാൽ യാത്രക്കാർക്ക് ഏറ്റവും മികച്ച സംരക്ഷണമായി കണക്കാക്കപ്പെടുന്നു. യുഎസിലെ നാഷണൽ ഹൈവേ ട്രാഫിക് സേഫ്റ്റി അഡ്‌മിനിസ്‌ട്രേഷന്റെ കണക്കുകൾ പ്രകാരം, 1998-നും 2017-നും ഇടയിൽ മുൻവശത്തെ എയർബാഗുകൾ മാത്രം രാജ്യത്ത് 50,457 പേരുടെ ജീവൻ രക്ഷിച്ചു. ഒരു കാറിലെ എല്ലാ എയർബാഗുകളും കണക്കിലെടുത്താൽ ഈ എണ്ണം കൂടുതലായിരിക്കും. ശരിയായ എയർബാഗ് വിന്യാസം ഗുരുതരമായ, ഇടയ്ക്കിടെ, മാരകമായ പരിക്കുകൾ തടയാൻ കഴിയും. അപകടമുണ്ടായാൽ ശരീരത്തിന്റെ മുകൾഭാഗമോ തലയോ വാഹനത്തിന്റെ ഇന്റീരിയറുമായി ഇടിക്കുന്നുവെന്ന് ഉറപ്പാക്കാൻ എയർബാഗുകൾ വളരെയധികം സഹായിക്കുന്നു.
ലോകമെമ്പാടുമുള്ള ഗ്ലോബൽ എൻസിഎപി നടത്തുന്ന എല്ലാ സുരക്ഷാ ക്രാഷ് ടെസ്റ്റുകളിലും, എയർബാഗ് ഇല്ലാത്ത വാഹനങ്ങളെ അപേക്ഷിച്ച്, അകത്തുള്ള ഡമ്മി മോഡലുകൾക്ക് സംരക്ഷണം നൽകുന്ന കാര്യത്തിൽ എയർബാഗുള്ള വാഹനങ്ങൾ വളരെ മികച്ചതാണ്. സൈഡ്, കർട്ടൻ എയർബാഗുകൾ ഉള്ള കാറുകൾ കൂടുതൽ മികച്ചതാണ്, പ്രത്യേകിച്ച് സൈഡ് ഇംപാക്ടിന്റെ കാര്യത്തിൽ.
എങ്ങനെയാണ് ഒരു എയർബാഗ് വിന്യസിക്കുന്നത്?
മിതമായതോ ഗുരുതരമായതോ ആയ ക്രാഷിന്റെ കാര്യത്തിൽ, എയർബാഗ് സിസ്റ്റത്തിന്റെ ഇസിയു എയർബാഗ് മൊഡ്യൂളിനുള്ളിലെ ഇൻഫ്ലേറ്ററിലേക്ക് ഒരു സിഗ്നൽ അയയ്ക്കുന്നു. ഇത് എയർബാഗ് തുറക്കുന്നതിന് കാരണമാകുന്നു. ഇതെല്ലാം സംഭവിക്കുന്നത് ഏതാനും സെക്കന്‍ഡുകള്‍ക്ക് ഉള്ളിലാണ്. പ്രത്യക്ഷമായും, ആഘാതത്തിന്റെ തീവ്രത വിന്യാസത്തിന് നിർണായകമാണ്.
രാജ്യത്തെ നിരവധി ഹൈ-എൻഡ് വാഹനങ്ങൾ ഇതിനകം തന്നെ ഉപഭോക്താക്കൾക്ക് ഒന്നിലധികം എയർബാഗ് ഓപ്ഷനുകൾ വാഗ്ദാനം ചെയ്യുന്നു. ചില മോഡലുകൾക്ക് ഒന്നിലധികം എയർബാഗുകൾ സ്റ്റാൻഡേർഡായി ഉണ്ട്. എയർബാഗിന്റെ വിന്യാസം മുൻ യാത്രക്കാരന് ഡാഷ്‌ബോർഡിൽ നിന്നും ഡ്രൈവർക്ക് സ്റ്റിയറിംഗ് വീലിൽ നിന്നും നടക്കുന്നു. വിന്യാസം സാധാരണയായി പിൻവശത്തുള്ള യാത്രക്കാർക്കായി സൈഡ് വാതിലുകളിൽ നിന്നാണ് നടക്കുന്നത്, എന്നിരുന്നാലും ഏറ്റവും പുതിയ സാങ്കേതികവിദ്യ ഇപ്പോൾ മുൻ സീറ്റുകളുടെ താഴെയുള്ള കാൽമുട്ടുകൾക്കും എയർബാഗുകൾ നൽകുന്നു.
എഞ്ചിനിലെ വിചിത്ര ശബ്ദം, എണ്ണയുടെ കുഴപ്പമെന്ന് കിയ; അതേ എണ്ണ ഇന്നോവയില്‍ ഒഴിച്ച ഉടമ ഞെട്ടി!
ഒരു എയർബാഗ് തകരാറിലാകുമോ?
അടുത്ത കാലത്തായി തകാറ്റ എയർബാഗുകളെ ചുറ്റിപ്പറ്റി വലിയ വിവാദങ്ങൾ ഉണ്ടായിട്ടുണ്ട്. ലോകമെമ്പാടുമുള്ള കാറുകളിൽ ഏറ്റവും കൂടുതൽ എയർബാഗുകൾ നിർമ്മിക്കുന്ന ഒരു ജാപ്പനീസ് കമ്പനിയാണ് തകാറ്റ. ഈ എയര്‍ബാഗുകളുടെ തകരാറിനെക്കുറിച്ചുള്ള റിപ്പോർട്ടുകൾ ലോകമെമ്പാടുമുള്ള ദശലക്ഷക്കണക്കിന് കാറുകൾ തിരിച്ചുവിളിക്കാൻ പ്രേരിപ്പിച്ചു. ചില സന്ദർഭങ്ങളിൽ, വിന്യസിച്ചാൽ, ഷാർപ്പനലുകൾ യാത്രക്കാർക്ക് ദോഷം ചെയ്യുന്നതായി കണ്ടെത്തിയിട്ടുണ്ട് എന്നതാണ് ഈ തിരിച്ചുവളിക്കലിനുള്ള പ്രധാന കാരണം.
എയർബാഗ് ശരിയായി പ്രവർത്തിക്കുന്ന സന്ദർഭങ്ങളിൽപ്പോലും, ഡ്രൈവറോ യാത്രക്കാരനോ സ്റ്റിയറിങ്ങിനോ ഡാഷ്‌ബോർഡിനോ വളരെ അടുത്താണെങ്കിൽ ചില ചെറിയ പരിക്കുകൾ ഉണ്ടാകാനുള്ള സാധ്യതയുണ്ട്. എന്നാൽ മൊത്തത്തിൽ, എയർബാഗ് സംരക്ഷണത്തിന്‍റെ നേട്ടങ്ങളുമായി താരതമ്യം ചെയ്യുമ്പോൾ ഈ കുറവുകള്‍ താരതമ്യേന ചെറുതാണ്.
ഇന്നോവയെ കരയിപ്പിച്ച് കിയ ചിരിക്കുന്നു, വാഹനലോകം അമ്പരന്ന് നില്‍ക്കുന്നു!
