പുത്തന്‍ മഹീന്ദ്ര സ്കോർപിയോ എൻ, ഇതാ മികച്ച 10 സവിശേഷതകൾ
പുതിയ തലമുറ സ്കോർപിയോയിൽ ചേർക്കുമെന്ന് പ്രതീക്ഷിക്കുന്ന ചില പ്രധാന സവിശേഷതകൾ ഇതാ.
2022 ജൂൺ 27 ന് പുതിയ തലമുറ സ്കോർപിയോ ഇന്ത്യൻ വിപണിയിൽ അവതരിപ്പിക്കുമെന്ന് മഹീന്ദ്ര കഴിഞ്ഞ ദിവസമാണ് അറിയിച്ചത്. Z101 എന്ന രഹസ്യനാമമുള്ള പുതിയ എസ്‌യുവിയെ 'സ്കോർപ്പിയോ എൻ' എന്ന് വിളിക്കും. നിലവിലുള്ള മോഡൽ 'സ്കോർപ്പിയോ ക്ലാസിക്' ആയി തുടരും. Z101 എന്ന കോഡുനാമത്തിലുള്ള പുതിയ എസ്‌യുവി നിർമ്മിച്ചിരിക്കുന്നത് ഒരു പുതിയ ബോഡി-ഓൺ-ഫ്രെയിം പ്ലാറ്റ്‌ഫോമിലാണ്. കൂടാതെ നിലവിലുള്ള മോഡലിനെക്കാള്‍ വ്യത്യസ്‍തമായ സ്വഭാവം നൽകുന്ന പുതിയ ഫീച്ചറുകളുടെ ഒരു ശ്രേണി മുന്നോട്ട് കൊണ്ടുവരും. പുതിയ തലമുറ സ്കോർപിയോയിൽ ചേർക്കുമെന്ന് പ്രതീക്ഷിക്കുന്ന ചില പ്രധാന സവിശേഷതകൾ ഇതാ.
പുത്തന്‍ സ്‍കോര്‍പിയോയുടെ പ്ലാന്‍റില്‍ നിന്നുള്ള ചിത്രങ്ങള്‍ പുറത്ത്
4X4:
പുതിയ സ്കോർപ്പിയോ-എൻ 4X4 ഫംഗ്ഷനോട് കൂടിയതായിരിക്കുമെന്ന് കമ്പനി ഔദ്യോഗികമായി സ്ഥിരീകരിച്ചു. ഇത് ഒരു ഓപ്ഷനായി ചേർക്കാനാണ് സാധ്യത. ഓഫ്-റോഡ്-സൗഹൃദ വാഹനമായി സ്കോർപിയോ-എൻ വേറിട്ടുനിൽക്കുമെന്ന വസ്തുത കണക്കിലെടുക്കുമ്പോൾ, അതിന്റെ 4X4 ഓപ്ഷൻ ഉപയോഗപ്രദമാകും.
പുതിയ ലോഗോ:
കമ്പനിയുടെ എസ്‌യുവി ബ്രാൻഡിംഗ് സ്വീകരിക്കുന്ന മഹീന്ദ്രയുടെ (XUV700 ന് ശേഷം) നിരയിലെ രണ്ടാമത്തെ വാഹനമായി സ്കോർപിയോ-എൻ മാറും.
മഹീന്ദ്ര സ്കോര്‍പിയോ പഴയതും പുതിയതും തമ്മില്‍; എന്താണ് മാറുക, എന്ത് മാറില്ല?
ഡ്യുവൽ എൽഇഡി പ്രൊജക്ടർ യൂണിറ്റുകൾ:
ഏറ്റവും പുതിയ ഔദ്യോഗിക ചിത്രങ്ങൾ ഈ സവിശേഷത സ്ഥിരീകരിച്ചു. പുതിയ മോഡലിന് സ്‌റ്റൈലിഷ് ലുക്ക് ഡ്യുവൽ എൽഇഡി പ്രൊജക്ടർ യൂണിറ്റുകൾ സ്പോർട് ചെയ്യും. അത് വളരെ സ്‌പോർട്ടിവും ആധുനികവുമായ രൂപം നൽകും.
ഡൈനാമിക് ടേൺ ഇൻഡിക്കേറ്ററുകൾ:
കാറിന്റെ ഏറ്റവും പുതിയ ടീസർ വീഡിയോ സ്ഥിരീകരിച്ച മറ്റൊരു സവിശേഷതയാണിത്.
ബസിലിടിച്ച് തകര്‍ന്ന് തരിപ്പണമായി XUV700, സുരക്ഷിതരായി യാത്രികര്‍, മഹീന്ദ്രയ്ക്ക് കയ്യടിച്ച് ജനം!
വലിയ ലംബമായ ടച്ച്‌സ്‌ക്രീൻ:
കാറിന്റെ പുനർനിർമ്മിച്ച ഡാഷ്‌ബോർഡിൽ, പൂർണ്ണമായും പുതിയ വലിയ വലിപ്പത്തിലുള്ള ലംബമായി പൊസിഷനുള്ള ടച്ച്‌സ്‌ക്രീൻ സിസ്റ്റത്തിന്റെ സാനിധ്യം സ്പൈ ചിത്രങ്ങൾ സ്ഥിരീകരിക്കുന്നു.
പൂർണ്ണമായി ഡിജിറ്റൽ ഡ്രൈവർ ഡിസ്‌പ്ലേ:
പുതിയ സ്കോർപിയോ-N-ലെ ഇൻസ്ട്രുമെന്റ് കൺസോൾ, മുമ്പത്തെ സ്പൈ ചിത്രങ്ങളിൽ സ്ഥിരീകരിച്ചത് പോലെ പൂർണ്ണമായും ഡിജിറ്റൽ ആയിരിക്കും. നിലവിലുള്ള യൂണിറ്റിൽ നിന്ന് വലിയൊരു ചുവടുവയ്പ്പായിരിക്കും ഇത്.
ഓട്ടോമാറ്റിക് ട്രാൻസ്മിഷൻ:
ആറ് സ്പീഡ് മാനുവൽ കൂടാതെ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷൻ യൂണിറ്റിനൊപ്പം മഹീന്ദ്ര പുതിയ സ്കോർപിയോ-എൻ സജ്ജീകരിക്കും.
ഡ്രൈവിംഗ് മോഡുകൾ:
പുതിയ സ്കോർപിയോ-എൻ നിരവധി ഡ്രൈവിംഗ് മോഡുകൾ അവതരിപ്പിക്കും എന്നാണ് അതിന്റെ ക്യാബിൻ സ്പൈ ചിത്രങ്ങൾ സൂചിപ്പിക്കുന്നത്. പുതിയ മോഡുകൾ ഉൾപ്പെടുത്തുന്നത് പുതിയ കാറിന്റെ ക്യാബിനിനുള്ളിൽ ആധുനികതയുടെ സ്‍പർശം നൽകും.
ഇന്ത്യയില്‍ 130 ശതമാനം വളര്‍ച്ചയുമായി ജീപ്പ്, അമ്പരന്ന് വാഹനലോകം!
മൾട്ടിഫംഗ്ഷൻ സ്റ്റിയറിംഗ്:
2022 സ്കോർപ്പിയോ-എൻ സ്പോർടി-ലുക്ക് ഫ്ലാറ്റ്-ബോട്ടം സ്റ്റിയറിംഗ് സ്പോർട് ചെയ്യും, അത് കാറിലെ ഇൻഫോടെയ്ൻമെന്റ് സിസ്റ്റം ക്രമീകരണങ്ങൾ നിയന്ത്രിക്കുന്നതിന് നിരവധി ബട്ടണുകളാൽ പൂർണ്ണമായി കിറ്റ് ചെയ്തിരിക്കും.
പാലത്തില്‍ നിന്ന് മറിഞ്ഞ് നെക്സോണ്‍, പോറലുപോലുമില്ലാതെ കുടുംബം, മാസ്സാണ് ടാറ്റയെന്ന് ഉടമ!
സൺറൂഫ്:
അടുത്തിടെ പുറത്തിറക്കിയ കാറിന്റെ ഔദ്യോഗിക ഡിസൈൻ വെളിപ്പെടുത്തൽ ചിത്രങ്ങൾ ഈ സവിശേഷത സ്ഥിരീകരിക്കുന്നു. അതായത്, 360-ഡിഗ്രി ക്യാമറ പ്രവർത്തനക്ഷമതയോടെ കാർ വരുമെന്ന് പ്രതീക്ഷിക്കാം. ഡ്യുവൽ-സോൺ ക്ലൈമറ്റ് കൺട്രോൾ, കണക്റ്റഡ് കാർ ടെക്‌നോളജി, ക്രൂയിസ് കൺട്രോൾ, പുതിയ കാറിനുള്ളിൽ പ്രീമിയം സറൗണ്ട് സിസ്റ്റം തുടങ്ങിയ മറ്റ് ഫീച്ചറുകളും പ്രതീക്ഷിക്കാം. എങ്കിലും ഇവ ഔദ്യോഗികമായി സ്ഥിരീകരിച്ചിട്ടില്ല.
Source : HT Auto
Vehicle Scrappage : ഇനി വണ്ടി പൊളിക്കാനും മാരുതി, ഇതാ ആ പൊളിക്കലിനെപ്പറ്റി അറിയേണ്ടതെല്ലാം!
