Asianet News MalayalamAsianet News Malayalam

Royal Enfield Classic 350 price : ഈ മോഡലുകളുടെ വില കൂട്ടി റോയല്‍ എന്‍ഫീല്‍ഡ്

റോയൽ എൻഫീൽഡ് മോട്ടോർസൈക്കിളുകളുടെ വിലയിൽ വര്‍ദ്ധനവ്. ഹിമാലയൻ ശ്രേണിയിലെ ചില മോഡലുകൾക്ക് 4,000 രൂപയില്‍ അധികം കൂടി

Royal Enfield increased the price of these models
Author
Mumbai, First Published Jan 11, 2022, 3:34 PM IST
  • Facebook
  • Twitter
  • Whatsapp

രാജ്യത്തെ ഐക്കണിക്ക് ഇരുചക്ര വാഹന നിർമാതാക്കളായ റോയൽ എൻഫീൽഡ് (Royal Enfield) തങ്ങളുടെ ചില മുൻനിര മോഡലുകൾക്ക് ഇന്ത്യയിൽ വില വർധിപ്പിച്ചു. ക്ലാസിക് 350, മെറ്റിയർ 350, ഹിമാലയൻ മോട്ടോർസൈക്കിളുകൾ തുടങ്ങിയ ജനപ്രിയ മോഡലുകൾക്കും ഈ വില വര്‍ദ്ധനവ് ബാധകമാണ് എന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. പുതുക്കിയ വിലകൾ ജനുവരി മുതൽ പ്രാബല്യത്തിൽ വരും.  

വരുന്നത് ബുള്ളറ്റ് പെരുമഴ, പുതുവര്‍ഷത്തില്‍ വെടിക്കെട്ടുമായി റോയൽ എൻഫീൽഡ്!

ഏറ്റവും പുതിയ വർദ്ധനകൾ അനുസരിച്ച്, ബ്രാൻഡിൽ നിന്ന് ഏറ്റവും കൂടുതൽ വിറ്റഴിക്കപ്പെടുന്ന മോട്ടോർസൈക്കിളായ ക്ലാസിക് 350 മോഡലിന് അതിന്റെ ശ്രേണിയിലുടനീളം ഏറ്റവും കുറഞ്ഞ വർദ്ധനവ് ലഭിച്ചു. ഏറ്റവും വലിയ വർദ്ധനവ്, അതായത് 4,000 രൂപയിൽ കൂടുതൽ ഉള്ള വര്‍ദ്ധനവ് ലഭിക്കുന്നത് കമ്പനിയുടെ, ഹിമാലയൻ ശ്രേണിയിലുള്ള ബൈക്കുകള്‍ക്കാണെന്നാണ് റിപ്പോര്‍ട്ടുകള്‍. 

റോയൽ എൻഫീൽഡ് മെറ്റിയർ 350 ഫയർബോൾ ശ്രേണിയുടെ വില 2,511 രൂപ വർധിപ്പിച്ചു. ഈ ബൈക്കുകളുടെ വില ഇപ്പോൾ 2.01 ലക്ഷം (എക്സ്-ഷോറൂം) മുതൽ 2.03 ലക്ഷം (എക്സ്-ഷോറൂം) വരെയാണ്. മെറ്റിയോര്‍ 350 ലൈനപ്പിലെ സ്റ്റെല്ലാർ ശ്രേണിയിലുള്ള ബൈക്കുകൾക്ക് ഓരോ വേരിയന്റിലും 2.601 രൂപയുടെ വർദ്ധനവ് ലഭിച്ചു. മെറ്റിയോര് 350-ന്റെ സ്റ്റെല്ലാർ ശ്രേണിയുടെ വില ഇപ്പോൾ 2.07 ലക്ഷം (എക്സ്-ഷോറൂം) മുതൽ 2.09 ലക്ഷം (എക്സ്-ഷോറൂം) വരെ ഉയരുന്നു.

നാലു മാസം, ഒരുലക്ഷം യൂണിറ്റുകള്‍, കുതിച്ചുപാഞ്ഞ് ക്ലാസിക് 350

മെറ്റിയർ 350 നിരയിലെ ഏറ്റവും മികച്ച മോഡലായ സൂപ്പർനോവയ്ക്ക് ഏറ്റവും വലിയ വർദ്ധനവ് ലഭിച്ചു. ഓരോ വേരിയന്റിനും 2,752 രൂപയുടെ വർദ്ധനവിന് ശേഷം, ഈ ശ്രേണിയുടെ വില ഇപ്പോൾ  2.17 ലക്ഷം രൂപയിൽ നിന്ന് ആരംഭിച്ച്  2.19 ലക്ഷം രൂപ വരെ (എക്സ്-ഷോറൂം)  ഉയരുന്നു. ക്ലാസിക് 350 ശ്രേണിയിലുള്ള ബൈക്കുകൾക്ക് വേരിയന്റുകൾ അനുസരിച്ച് 2,872 രൂപ മുതൽ 3,332 രൂപ വരെ വില വർദ്ധന ലഭിച്ചു. എൻട്രി ലെവൽ റെഡിച്ച് ക്ലാസിക്ക് 350 ന് ഇപ്പോൾ 1.87 ലക്ഷം രൂപ എക്സ്-ഷോറൂം വില വരും. ടോപ്പ്-സ്പെക്ക് മോഡലായ ക്രോം ക്ലാസിക്ക് 350 ന് 2.18 ലക്ഷം രൂപ എക്സ്-ഷോറൂം വില വരും.

റോയൽ എൻഫീൽഡ് ഹിമാലയൻ ശ്രേണിയിലെ എല്ലാ ബൈക്കുകൾക്കും 4,000 രൂപയിലധികം വില വർധിച്ചിട്ടുണ്ട്. സിൽവർ, ഗ്രേ ഹിമാലയൻ വില ഇപ്പോൾ 2.14 ലക്ഷം (എക്സ്-ഷോറൂം) മുതൽ ആരംഭിക്കും. കറുപ്പും പച്ചയും ഉള്ള ഹിമാലയൻ എക്സ്-ഷോറൂം വില 2.22 ലക്ഷം രൂപയാണ് ഇപ്പോള്‍.  ഈ മൂന്ന് മോട്ടോർസൈക്കിളുകൾക്ക് പുറമെ, ഇന്റർസെപ്റ്റർ, കോണ്ടിനെന്റൽ ജിടി, ബുള്ളറ്റ് എന്നിവ ഉൾപ്പെടുന്ന മറ്റ് മൂന്ന് മോഡലുകളും റോയൽ എൻഫീൽഡ് വിൽക്കുന്നുണ്ട്. എന്നിരുന്നാലും, ഈ മോട്ടോർസൈക്കിളുകളുടെ വിലയിൽ മാറ്റമില്ല എന്നാണ് റിപ്പോര്‍ട്ടുകള്‍.

'കൊമ്പന്‍റെ വമ്പിന് ഇടിവ്'; റോയൽ എൻഫീൽഡിന് പണി കൊടുത്തത് 'ചിപ്പ്'

അതേസമയം കമ്പനിയുടെ നിലവിലെ വില്‍പ്പന കണക്കുകള്‍ പരിശോധിക്കുയാണെങ്കില്‍, 2021 ഡിസംബറിൽ മൊത്തം 73,739 യൂണിറ്റുകൾ കമ്പനി വിറ്റു.  2020-ലെ ഇതേ മാസത്തിലെ 68,995 യൂണിറ്റുകളിൽ നിന്ന് വില്‍പ്പന കൂടി. എന്നാല്‍ ആഭ്യന്തര വിൽപ്പന നേരിയ തോതിൽ കുറഞ്ഞു. 0.47 ശതമാനമാണ് ഇടിവ്. അതേസമയം കയറ്റുമതിയിൽ വൻ കുതിച്ചുചാട്ടം ഉണ്ടായി.  ജപ്പാനിലും തെക്കുകിഴക്കൻ ഏഷ്യൻ രാജ്യങ്ങളിലും ഉൾപ്പെടെ നിരവധി പ്രധാന ആഗോള വിപണികളിൽ റോയൽ എൻഫീൽഡ് മുന്നേറിക്കൊണ്ടിരിക്കുകയാണ്. 2020 ഡിസംബറിൽ വിദേശ വിപണികളിലേക്ക് അയച്ച 3,503 യൂണിറ്റുമായി താരതമ്യപ്പെടുത്തുമ്പോൾ 144.13 ശതമാനം വർധിച്ച് 8.552 യൂണിറ്റായിരുന്നു കഴിഞ്ഞ മാസത്തെ കയറ്റുമതി.

2020 ഡിസംബര്‍ മുതല്‍ 2021 വരെയുള്ള രണ്ട് ഡിസംബർ മാസങ്ങൾക്കിടയിൽ ആഭ്യന്തര വിൽപ്പനയിൽ നേരിയ കുറവുണ്ടായെങ്കിലും റോയൽ എൻഫീൽഡ് 2021 നവംബർ മുതൽ ഡിസംബർ വരെയുള്ള കഴിഞ്ഞ വര്‍ഷത്തെ കാലയളവിൽ ആഭ്യന്തര വിൽപ്പന കണക്കുകളിൽ ഏകദേശം 45 ശതമാനം തുടർച്ചയായ വളർച്ച ചൂണ്ടിക്കാണിച്ചു. 2021 ലെ രണ്ടാം പാദത്തിലെ വിൽപ്പന 1,04,677 യൂണിറ്റുകളായി റിപ്പോർട്ട് ചെയ്യപ്പെട്ടിട്ടുണ്ട്. 2021 ലെ മൊത്തം ആഭ്യന്തര വിൽപ്പന 2,29,545 യൂണിറ്റിൽ നിന്ന് 2,94,336 യൂണിറ്റായി ഉയർന്നു. 2021ലെ മൂന്നാം പാദത്തിലെ വിൽപ്പന 1,05,593 യൂണിറ്റായി റിപ്പോർട്ട് ചെയ്യപ്പെട്ടു. Q4 2021 ലെ വിൽപ്പന 1,50,628 യൂണിറ്റുകളായി കുറഞ്ഞു, 1,87,434 യൂണിറ്റുകളിൽ നിന്ന് 20 ശതമാനത്തിൽ താഴെ ഇടിവ്.

പുതിയ ക്ലാസിക്​ 350​യുടെ യഥാർഥ മൈലേജ് എത്ര?

രാജ്യത്ത് ഉയർന്ന വിൽപ്പനയുള്ള നിരവധി മോഡലുകൾ റോയൽ എൻഫീൽഡ് വാഗ്ദാനം ചെയ്യുന്നു. ക്ലാസിക് 350, ബുള്ളറ്റ് 350, ഹിമാലയൻ, തണ്ടർബേർഡ് 350X, മെറ്റിയോർ എന്നിവ ഉള്‍പ്പെടെയുള്ള വിവിധ മോഡലുകള്‍ ഈ പട്ടികയിൽ ഉൾപ്പെടുന്നു. അടുത്തിടെ, കമ്പനിയുടെ ലിമിറ്റഡ് എഡിഷൻ ആനിവേഴ്‌സറി എഡിഷൻ ട്വിൻസ് മോട്ടോർസൈക്കിളുകളുടെ 120 യൂണിറ്റുകളും രണ്ട് മിനിറ്റിനുള്ളിൽ റെക്കോർഡ് സമയത്തിനുള്ളിൽ വിൽക്കാൻ കഴിഞ്ഞു എന്നാണ് കണക്കുകള്‍. 

Follow Us:
Download App:
  • android
  • ios