Asianet News MalayalamAsianet News Malayalam

DRDO Recruitment 2021| ഡിആർഡിഒയിൽ അപ്രന്റീസ് ഒഴിവുകൾ; അപേക്ഷിക്കേണ്ട അവസാന തീയതി ഡിസംബർ 10

2021 ഡിസംബർ 10 ആണ് അപേക്ഷ സമർപ്പിക്കാനുള്ള അവസാന തീയതി. 34 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.

Apprentice vacancies in DRDO
Author
Delhi, First Published Nov 18, 2021, 3:32 PM IST
  • Facebook
  • Twitter
  • Whatsapp


ദില്ലി: കേന്ദ്ര സർക്കാർ സ്ഥാപനമായ ഡിഫൻസ് റിസർച്ച് ആൻഡ് ഡവലപ്മെന്റ് ഓർഗനൈസേഷനിലെ (Defence Research and Development Organisation)  (ഡിആർഡിഒ)  സെന്റർ ഫോർ ആർട്ടിഫിഷ്യൽ ഇന്റലിജൻസ് ആന്റ് റോബോട്ടിക്സിൽ (Apprentice Vacancy)  അപ്രന്റീസ് ഒഴിവുകളിലേക്ക് അപേക്ഷ ക്ഷണിച്ചു. താത്പര്യമുള്ള ഉദ്യോ​ഗാർത്ഥികൾക്ക് drdo.gov.in. എന്ന വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാം. 2021 ഡിസംബർ 10 ആണ് അപേക്ഷ സമർപ്പിക്കാനുള്ള അവസാന തീയതി. 34 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ഉദ്യോ​ഗാർത്ഥികൾ മാനവ വിഭവ ശേഷി മന്ത്രാലയത്തിന്റെ പോർട്ടലായ mhrdnats.gov.in ൽ ആദ്യം രജിസ്റ്റർ ചെയ്യണം. ​ഗ്രാജ്വേറ്റ് അപ്രന്റീസ് ട്രെയിനി- 33 ഒഴിവുകൾ, ടെക്നീഷ്യൻ (ഡിപ്ലോമ) അപ്രന്റീസ്ഷിപ്പ് ട്രെയിനി- 1 ഒഴിവ് എന്നിങ്ങനെയാണ് ഒഴിവുകൾ. ​ ഒരു വർഷമായിരിക്കും ഗ്രാജ്വേറ്റ്/ഡിപ്ലോമ അപ്രന്റീസ്ഷിപ്പ് ട്രെയിനിം​ഗ് കാലാവധി. 

അം​ഗീകൃത സർവ്വകലാശാലയിൽ നിന്ന് എഞ്ചിനീയറിം​ഗ് ബിരുദമോ തത്തുല്യമോ യോ​ഗ്യതയുള്ളവർക്ക് ഗ്രാജ്വേറ്റ് അപ്രന്റീസ് ട്രെയിനി തസ്തികയിലേക്ക് അപേക്ഷിക്കാം. എഞ്ചിനീയറിം​ഗ്ഡിപ്ലോമയുളളവർക്ക് ടെക്നീഷ്യൻ അപ്രന്റീസ് ട്രെയിനി പോസ്റ്റിലേക്കും അപേക്ഷിക്കാം.  രണ്ട് തസ്തികകളിലേക്കും യോ​ഗ്യത പരീക്ഷയിൽ ലഭിക്കുന്ന മാർക്കിന്റെ അടിസ്ഥാനത്തിലായിരിക്കും തെരഞ്ഞെടുപ്പ് പ്രക്രിയ. തെരഞ്ഞെടുക്കപ്പെട്ടവരുടെ ചുരുക്കപ്പട്ടിക ഡിആർഡിഒ വെബ്സൈറ്റിൽ പ്രസിദ്ധീകരിക്കും. അപ്ഡേറ്റുകൾക്കായി അപേക്ഷാർത്ഥികള്‌ വെബ്സൈറ്റ് പരിശോധിക്കേണ്ടതാണ്. ബയോഡേറ്റയിൽ നൽകിയിരിക്കുന്ന മെയിൽ ഐഡി വഴിയും അപ്ഡേഷൻസ് അറിയിക്കും. 

UPSC notification| യുപിഎസ് സി വിജ്ഞാപനം 2021; പ്രൊഫസർ, അസോസിയേറ്റ് പ്രൊഫസർ തസ്തികകളിലേക്ക് അപേക്ഷ ക്ഷണിച്ചു

ISRO Vacancy|ഐഎസ്ആർ ഒയിൽ ജൂനിയർ ട്രാൻസ്‍ലേഷൻ ഓഫീസർ 6 ഒഴിവുകൾ; അവസാന തീയതി നവംബർ 20
 

BSF Recruitment 2021| ബോർഡർ സെക്യൂരിറ്റി ഫോഴ്സിൽ 72 ഒഴിവുകൾ; ശമ്പളം 29200 - 92300
 

UPSC CSE| രോ​ഗിയായ അച്ഛനെ പരിചരിച്ചു, ഒപ്പം യുപിഎസ്‍സി തയ്യാറെടുപ്പും; പ്രചോദനമാണ് റിതിക ജിൻഡാൽ ഐഎഎസ്


 

Follow Us:
Download App:
  • android
  • ios