പഠനം വിജയകരമായി പൂർത്തിയാക്കുന്നവർക്ക് പ്രായോഗിക പരിശീലനം നേടുന്നതിനായി മുൻനിര ഐടി കമ്പനികളിൽ ഒരു മാസത്തെ ഇന്റേൺഷിപ്പും നൽകും.
തിരുവനന്തപുരം: മാറ്റത്തിന് വിധേയമാകുന്ന ഐടി രംഗത്ത് മികച്ച കരിയർ സ്വന്തമാക്കാൻ ഉദ്യോഗാർത്ഥികളെ പ്രാപ്തമാക്കുന്ന ഇൻസസ്ട്രി റെലവന്റ് പ്രോഗ്രാമുകളുമായി, ഐ.ടി.ഇൻഡസ്ട്രിയുമായിസഹകരിച്ച് കേന്ദ്ര-സംസ്ഥാന സർക്കാരുകൾ സ്ഥാപിച്ച സാമൂഹിക സംരംഭമായ ഐസിടാക് (ഐ.സി.ടി. അക്കാദമി ഓഫ് കേരള). മികച്ച ശമ്പളത്തോടെ വൻകിട കമ്പനികളിൽ തൊഴിൽ നേടാൻ ഗുണകരമായ ഡാറ്റാ സയൻസ് ആൻഡ് അനലിറ്റിക്സ്, ഫുൾസ്റ്റാക്ക് ഡെവലപ്മെന്റ് (MERN), എ.ഐ. ആൻഡ് മെഷീൻ ലേണിങ്, സൈബർ സെക്യൂരിറ്റി, SDET (സോഫ്റ്റ്വെയർ ഡെവലപ്മെന്റ് എൻജിനിയർ ഇൻ ടെസ്റ്റ്) എന്നീ പ്രോഗ്രാമുകളിലേക്കാണ് ഇപ്പോൾ പ്രവേശനം ആരംഭിച്ചിരിക്കുന്നത്. നാല് മാസം ദൈർഘ്യമുള്ള പ്രോഗ്രാമുകൾ ഐസിടാക്കിന്റെ തിരുവനന്തപുരം ടെക്നോപാർക്ക്, കൊരട്ടി ഇൻഫോപാർക്ക്, കോഴിക്കോട് സൈബർ പാർക്ക് എന്നിവടങ്ങളിലെ ക്യാമ്പസുകളിലാണ് നടക്കുന്നത്.
പഠനം വിജയകരമായി പൂർത്തിയാക്കുന്നവർക്ക് പ്രായോഗിക പരിശീലനം നേടുന്നതിനായി മുൻനിര ഐടി കമ്പനികളിൽ ഒരു മാസത്തെ ഇന്റേൺഷിപ്പും നൽകും. ഐടി രംഗത്തെ മാറ്റങ്ങൾക്കനുസൃതമായുള്ള പാഠ്യപദ്ധതിയാണ് ഐസിടാക് പ്രോഗ്രാമുകളുടെ പ്രത്യേകത. ഐടി വ്യവസായ വിദഗ്ദ്ധർ രൂപകൽപ്പന ചെയ്ത പാഠ്യപദ്ധതി, കൂടാതെ പ്രൊഫഷണൽ ജീവിതത്തിൽ വിജയിക്കാൻ ആവശ്യമായ ലൈഫ് സ്കിൽസ്, എന്നിവ ഈ പ്രോഗ്രാമിന്റെ പ്രധാന ആകർഷണമാണ്. കൂടാതെ, എല്ലാ വിദ്യാർത്ഥികൾക്കും വ്യവസായ വിദഗ്ദ്ധരുടെ മാസ്റ്റർ ക്ലാസ്സുകൾ, വിജയകരമായ അഭിമുഖങ്ങൾക്ക് വേണ്ടിയുള്ള പരിശീലനം തുടങ്ങിയ ആനുകൂല്യങ്ങളും ലഭിക്കും.
ഐസിടാക് പ്രോഗ്രാമിന്റെ ഭാഗമാകുന്ന എല്ലാവർക്കും ലിങ്ക്ഡ്ഇൻ ലേണിംഗ്, അല്ലെങ്കിൽ അൺസ്റ്റോപ്പ് പ്രീമിയം പോലുള്ള മുൻനിര ലേണിംഗ് പ്ലാറ്റ്ഫോമുകളിൽ സൗജന്യ സബ്സ്ക്രിപ്ഷൻ ലഭിക്കുന്നതാണ്. 100 ശതമാനം പ്ലേസ്മെന്റ് അസിസ്റ്റൻസും ഐസിടാക് എല്ലാ ഉദ്യോഗാർത്ഥികൾക്ക് ഉറപ്പു നൽകുന്നുണ്ട്. എൻജിനീയറിങ്-സയൻസ് ബിരുദധാരികൾ, മൂന്നു വർഷ എൻജിനീയറിങ് ഡിപ്ലോമയുള്ളർ, പരീക്ഷയെഴുതി ഫലം കാത്തിരിക്കുന്ന അവസാന വർഷ ബിരുദ വിദ്യാർത്ഥികൾ എന്നിവർക്ക് അപേക്ഷിക്കാം. ഗണിതത്തിലും കംപ്യൂട്ടറിലും അടിസ്ഥാന പരിജ്ഞാനം അഭികാമ്യം. യോഗ്യരായ വിദ്യാർത്ഥികൾക്ക് സ്കോളർഷിപ്പും ക്യാഷ് ബ്യാക്കും ലഭിക്കും. താത്പര്യമുള്ളവർ മെയ് 25ന് മുമ്പ് https://ictkerala.org/interest എന്ന ലിങ്കിലൂടെ അപേക്ഷ സമർപ്പിക്കണം. 2025-ൽ ബിരുദം പൂർത്തിയാക്കുന്ന വിദ്യാർത്ഥികൾക്ക് പ്രത്യേകമായി 20% ഡിസ്ക്കൗണ്ട് ഓഫർ! കൂടുതൽ വിവരങ്ങൾക്ക് +91 75 940 51437 എന്ന നമ്പറുമായി ബന്ധപ്പെടാം.
