കെസിഎൽ രണ്ടാം സീസണിൽ കൊല്ലം ജില്ലയെ പ്രതിനിധീകരിക്കുന്നത് 9 പരിചയസമ്പന്നരായ താരങ്ങളാണ്. ഇതിൽ ആറ് പേരും കൊല്ലം ടീമിന് വേണ്ടി തന്നെയാണ് കളിക്കുന്നത്.
കൊല്ലം: കെ സി എൽ രണ്ടാം സീസണിൽ കൊല്ലം ജില്ലയെ പ്രതിനിധികരിക്കുന്നത് പരിചയ സമ്പന്നരായ 9 താരങ്ങളാണ്. ഇതിൽ ആറ് പേരും കൊല്ലം ടീമിന് വേണ്ടിത്തന്നെയാണ് അണി നിരക്കുന്നത്. രാഹുൽ ശർമ്മ, അതുൽജിത്ത് അനു, അമൽ എ.ജി,ആഷിഖ് മുഹമ്മദ്,സച്ചിൻ പി.എസ്,അജയഘോഷ് എൻ.എസ് എന്നിവരാണ് ഏരീസ് കൊല്ലം സെയിലേഴ്സിനാണ് കളിക്കാനിറങ്ങുക.
രാഹുൽ ശർമ്മ, ആഷിഖ് മുഹമ്മദ് എന്നിവരെ ഏരീസ് കൊല്ലം സെയിലേഴ്സ് ലേലത്തിലൂടെ സ്വന്തമാക്കുകയായിരുന്നു.നിർണ്ണായ ഘട്ടത്തിൽ മികച്ച ബാറ്റിംഗ് പ്രകടനം പുറത്തെടുക്കാൻ സാധിക്കുന്ന താരമാണ് രാഹുൽ ശർമ്മ.ആഷിഖ് മുഹമ്മദാകട്ടെ കഴിഞ്ഞ സീസണിൽ ഏരീസ് കൊല്ലം സെയിലേഴ്സിനായി മികച്ച ബൗളിഗ് പ്രകടനവും കഴിച്ചവെച്ചിരുന്നു. കഴിഞ്ഞ തവണ കൊച്ചി ബ്ലൂ ടൈഗേഴ്സ് വേണ്ടി കളിച്ച ഫാസ്റ്റ് ബൗളർ അജയഘോഷിനെ അടിസ്ഥാന വിലയായ 75000 രൂപയ്ക്കാണ് ഏരീസ് കൊല്ലം സെയിലേഴ്സ് സ്വന്തമാക്കിയത്.
Related Articles
ഓൾ റൗണ്ടറായ അക്ഷയ് മനോഹറിനെ തൃശൂർ ടൈറ്റൻസ് ലേലത്തിലൂടെ തിരികെ പിടിക്കുകയായിരുന്നു. മികച്ച ബാറ്റിംഗ് - ബൗളിംഗ് ശരാശരി ഉള്ള ഈ കൊല്ലംകാരനെ 3.50 ലക്ഷം രൂപയ്ക്കാണ് ടൈറ്റൻസ് ടീമിൽ എത്തിച്ചത്.
