മോശം തുടക്കമാണ് അഫ്ഗാന് ലഭിച്ചത്. 38 റണ്സിനിടെ റഹ്മാനുള്ള ഗുര്ബാസിനെ (21) അഫ്ഗാന് നഷ്ടമായി. ജോഷ് ഹേസല്വുഡിന്റെ പന്തില് മിച്ചല് സ്റ്റാര്ക്കിന് ക്യാച്ച്. എന്നാല് മൂന്നാം വിക്കറ്റില് റഹ്മത്ത് ഷാ (30) - സദ്രാന് സഖ്യം 121 റണ്സ് കൂട്ടിചേര്ത്തു.
മുംബൈ: ഏകദിന ലോകകപ്പില് ഓസ്ട്രേലിയക്കെതിരെ അഫ്ഗാനിസ്ഥാന് മികച്ച സ്കോര്. മുംബൈ, വാംഖഡെ സ്റ്റേഡിയത്തില് ടോസ് നേടി ബാറ്റിംഗ് തിരഞ്ഞെടുത്ത ഓസീസിന് ഇബ്രാഹിം സദ്രാന്റെ (143 പന്തില് 129) സെഞ്ചുറി കരുത്തില് അഞ്ച് വിക്കറ്റ് നഷ്ടത്തില് 291 റണ്സാണ് നേടിയത്. ജോഷ് ഹേസല്വുഡ് രണ്ട് വിക്കറ്റ് വീഴ്ത്തി. നേരത്തെ നാല് സ്പിന്നര്മാരുമായിട്ടാണ് അഫ്ഗാന് ഇറങ്ങിയത്. ഓസീസ് രണ്ട് മാറ്റം വരുത്തി സ്റ്റീവന് സ്മിത്ത്, കാമറൂണ് ഗ്രീന് പുറത്തായി. മിച്ചല് മാര്ഷ്, ഗ്ലെന് മാക്സ്വെല് ടീമിലെത്തി.
മോശം തുടക്കമാണ് അഫ്ഗാന് ലഭിച്ചത്. 38 റണ്സിനിടെ റഹ്മാനുള്ള ഗുര്ബാസിനെ (21) അഫ്ഗാന് നഷ്ടമായി. ജോഷ് ഹേസല്വുഡിന്റെ പന്തില് മിച്ചല് സ്റ്റാര്ക്കിന് ക്യാച്ച്. എന്നാല് മൂന്നാം വിക്കറ്റില് റഹ്മത്ത് ഷാ (30) - സദ്രാന് സഖ്യം 121 റണ്സ് കൂട്ടിചേര്ത്തു. നല്ല രീതിയില് കൂട്ടുകെട്ട് മുന്നോട്ട് പോകുമ്പോള് റഹ്മത്ത് മടങ്ങി. ഗ്ലെന് മാക്സ്വെല്ലിനായിരുന്നു വിക്കറ്റ്. വിക്കറ്റ് പോയെന്ന് മാത്രമല്ല, വേണ്ടത്ര വേഗത്തില് റണ്സ് കണ്ടെത്താന് അഫ്ഗാന് താരങ്ങള്ക്കായില്ല. ക്യാപ്റ്റന് ഹഷ്മതുള്ള ഷഹീദി (26), അസ്മതുള്ള ഒമര്സായ് (22), മുഹമ്മദ് നബി (12) എന്നിവര്ക്ക് തിളങ്ങാനായില്ല.
നബി മടങ്ങുമ്പോള് 45.3 ഓവറില് അഞ്ചിന് 233 എന്ന നിലയിലായിരുന്നു അഫ്ഗാന്. അവസാന 27 പന്തില് 58 റണ്സണ് അഫ്ഗാന് അടിച്ചെടുത്തത്. ഇതില് 18 പന്തുകള് നേരിട്ട റാഷിദ് ഖാന് പുറത്താവാതെ 35 റണ്സ് നേടി. മൂന്ന് സിക്സും രണ്ട് ഫോറും റാഷിദിന്റെ ഇന്നിംഗ്സിലുണ്ടായിരുന്നു. ഇതിനിടെ സദ്രാന് സെഞ്ചുറി പൂര്ത്തിയാക്കി. 143 പന്തുകള് നേരിട്ട താരം മൂന്ന് സിക്സിന്റേയും എട്ട് ഫോറിന്റേയും അകമ്പടിയോടെയാണ് താരം 129 റണ്സെടുത്തത്. റാഷിദ് - സദ്രാന് സഖ്യം 58 റണ്സ് നേടി.
ഹേസല്വുഡിന് പുറമെ മിച്ചല് സ്റ്റാര്ക്ക്, ഗ്ലെന് മാക്സ്വെല്, പാറ്റ് കമ്മിന്സ് എന്നിവര് ഓരോ വിക്കറ്റ് വീഴ്ത്തി.
