ദുലീപ് ട്രോഫി: ഇന്ത്യ ബിയെ ഒറ്റയ്ക്ക് തോളിലേറ്റി മുഷീര് ഖാന്, സെഞ്ചുറി! ഇന്ത്യ ഡി 164ന് പുറത്ത്
ബംഗളൂരു ചിന്നസ്വാമി സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ ബിക്ക് മോശം തുടക്കമായിരുന്നു.
 )
ബംഗളൂരു: ദുലീപ് ട്രോഫിയില് ഇന്ത്യ ബിക്ക് വേണ്ടി കളിക്കുന്ന മുഷീര് ഖാന് സെഞ്ചുറി. ഇന്ത്യ എയ്ക്കെതിരെയാണ് 19കാരനായ മുഷീര് സെഞ്ചുറി നേടുന്നത്. 105 റണ്സുമായി പുറത്താവാതെ ക്രീസിലുണ്ട് താരം. മുഷീറിന്റെ കരുത്തില് ഒന്നാം ദിനം കളി നിര്ത്തുമ്പോള് ഇന്ത്യ ബി ഏഴ് വിക്കറ്റ് നഷ്ടത്തില് 202 റണ്സെടുത്തിട്ടുണ്ട്. മുഷീറിന്റെ സഹോദരന് സര്ഫറാസ് ഖാന് 9 റണ്സെടുത്ത് പുറത്തായി. മറ്റു ഇന്ത്യന് താരങ്ങളായ യശസ്വി ജയ്സ്വാള് (30), റിഷഭ് പന്ത് (7) എന്നിവര് നിരാശപ്പെടുത്തി. മുഷീറിനൊപ്പം നവ്ദീപ് സയ്നി (29) ക്രീസിലുണ്ട്.
ബംഗളൂരു ചിന്നസ്വാമി സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ ബിക്ക് മോശം തുടക്കമായിരുന്നു. ജയ്സ്വാളിനൊപ്പം ഓപ്പണാറായെത്തിയ അഭിമന്യൂ ഈശ്വരനും (13) തിളങ്ങാന് സാധിച്ചിരുന്നില്ല. സ്കോര്ബോര്ഡില് 53 റണ്സുള്ളപ്പോള് ഇരുവരും മടങ്ങി. പിന്നീട് മധ്യനിര പാടേ തകര്ന്നു. സര്ഫറാസിനും പന്തിനും പുറമെ നിതീഷ് റെഡ്ഡി (0), വാഷിംഗ്ടണ് സുന്ദര് (0), സായ് കിഷോര് (1) എന്നിവരും പുറത്തായി. ഇതോടെ ഏഴിന് 94 എന്ന നിലയിലായി ഇന്ത്യ ബി. എന്നാല് ഒരറ്റത്ത് മുഷീര് ചെറുത്ത് നിന്നതോടെ സ്കോര് 200 കടന്നു. സയ്നി മറുഭാഗത്ത് നിന്ന് പിന്തുണയും നല്കി. ഇതുവരെ 227 പന്തുകള് നേരിട്ട മുഷീര് രണ്ട് സിക്സും 10 ഫോറും നേടി. സയ്നിയുടെ അക്കൗണ്ടില് ഒരു സിക്സും നാല് ഫോറുമുണ്ട്. ഇന്ത്യ എയ്ക്ക് വേണ്ടി ഖലീല് അഹമ്മദ്, അകാശ് ദീപ്, ആവേശ് ഖാന് എന്നിവര് രണ്ട് വിക്കറ്റ് വീതം വീഴ്ത്തി.
അതേസമയം, ഇന്ത്യ സിക്കെതിരെ ഇന്ത്യ ഡി 164ന് പുറത്തായി. 86 റണ്സെടുത്ത അക്സര് പട്ടേല് മാത്രമാണ് പിടിച്ചുനിന്നത്. ശ്രേയസ് അയ്യര് (9), ശ്രീകര് ഭരത് (13), ദേവ്ദത്ത് പടിക്കല് (0) എന്നിവരെല്ലാം നിരാശപ്പെടുത്തി. വിജയകുമാര് വൈശാഖ് മൂന്ന് വിക്കറ്റ് വീഴ്ത്തി. അന്ഷൂല് കാംബോജ്, ഹിമാന്ഷു ചൗഹാന് എന്നിവര്ക്ക് രണ്ട് വിക്കറ്റ് വീതമുണ്ട്. മറുപടി ബാറ്റിംഗ് ആരംഭിച്ച ഇന്ത്യ സി ആദ്യദിനം സ്റ്റെംപെടുക്കുമ്പോള് നാലിന് 91 എന്ന നിലയിലാണ്. ബാബ ഇന്ദ്രജിത് (15), അഭിഷേക് പോറല് (32) എന്നിവരാണ് ക്രീസില്. റിതുരാജ് ഗെയ്കവാദ് (5), സായ് സുദര്ശന് (7), ആര്യന് ജുയല് (12), രജത് പടിധാര് (13) എന്നിരാണ് പുറത്തായത്. അക്സര് പട്ടേല്, ഹര്ഷിത് റാണ എന്നിവര് രണ്ട് വിക്കറ്റ് വീതം വീഴ്ത്തി.
