രണ്ട് മത്സരങ്ങളുള്ള പരമ്പരയില് ആദ്യ ടെസ്റ്റാണ് ഇന്ന് ആരംഭിക്കുന്നത്. ടെസ്റ്റ് ക്യാപ്റ്റനാവാന് കവിഞ്ഞത് അഭിമാനമാണെന്ന് രോഹിത് ടോസിന് മുമ്പ് പറഞ്ഞു. 100-ാം ടെസ്റ്റ് കളിക്കുന്ന മുന് ക്യാപ്റ്റന് വിരാട് കോലിയേയും (Virat Kohli) രോഹിത് അഭിനന്ദിച്ചു.
മൊഹാലി: ശ്രീലങ്കയ്ക്കെതിരെ (IND vs SL) ആദ്യ ടെസ്റ്റില് ഇന്ത്യ ആദ്യം ബാറ്റ് ചെയ്തു. മൊഹാലിയില് ടോസ് നേടിയ ഇന്ത്യന് ക്യാപ്റ്റന് രോഹിത് ശര്മ (Rohit Sharma) ബാറ്റിംഗ് തിരഞ്ഞെടുക്കുകയായിരുന്നു. രണ്ട് മത്സരങ്ങളുള്ള പരമ്പരയില് ആദ്യ ടെസ്റ്റാണ് ഇന്ന് ആരംഭിക്കുന്നത്. ടെസ്റ്റ് ക്യാപ്റ്റനാവാന് കവിഞ്ഞത് അഭിമാനമാണെന്ന് രോഹിത് ടോസിന് മുമ്പ് പറഞ്ഞു. 100-ാം ടെസ്റ്റ് കളിക്കുന്ന മുന് ക്യാപ്റ്റന് വിരാട് കോലിയേയും (Virat Kohli) രോഹിത് അഭിനന്ദിച്ചു.
മൊഹാലിയിലെ സ്പിന്നര്മാരെ തുണയ്ക്കുന്ന പിച്ചില് മൂന്ന് സ്പിന്നര്മാരുമായിട്ടാണ് ഇന്ത്യ ഇറങ്ങുന്നത്. ആര് അശ്വിന്, രവീന്ദ്ര ജഡേജ, ജയന്ത് യാദവ് എന്നിവാരണ് ടീമിലെ സ്പിന്നര്മാര്. പേസര്മാരായ മുഹമ്മദ് ഷമി, ജസ്പ്രിത് ബുമ്ര എന്നിവരും ടീമിലെത്തി. മോശം ഫോമിനെ തുടര്ന്ന് ടീമില് നിന്ന് പുറത്തായ ചേതേശ്വര് പൂജാരയ്ക്ക് പകരം മൂന്നാം നമ്പറില് ഹനുമ വിഹാരി കളിക്കും.
അജിന്ക്യാ രഹാനെയുടെ സ്ഥാത്ത് ശ്രേയസ് അയ്യര് തിരിച്ചെത്തി. രോഹിത്, കോലി എന്നിവരെ കൂടാതെ മായങ്ക് അഗര്വാള്, റിഷഭ് പന്ത് എന്നിവരാണ് ടീമിലെ ബാറ്റര്മാര്.
ടീം ഇന്ത്യ: രോഹിത് ശര്മ, മായങ്ക് അഗര്വാള്, ഹനുമ വിഹാരി, വിരാട് കോലി, ശ്രേയസ് അയ്യര്, റിഷഭ് പന്ത്, രവീന്ദ്ര ജഡേജ, ആര് അശ്വിന്, മുഹമ്മദ് ഷമി, ജസ്പ്രീത് ബുമ്ര, ജയന്ത് യാദവ്.
ശ്രീലങ്ക: ദിമുത് കരുണാരത്നെ, ലാഹിരു തിരിമാനെ, പതും നിസ്സംഗ, ചരിത് അസലങ്ക, എയഞ്ചലോ മാത്യൂസ്, ധനഞ്ജയ ഡിസില്വ, നിരോഷന് ഡിക്ക്വെല്ല, സുരംഗ ലക്മല്, വിശ്വ ഫെര്ണാണ്ടോ, ലസിത് എംബുല്ഡെനിയ, ലാഹിരു കുമാര.
