സ്പിന്നര് യുസ്വേന്ദ്ര ചാഹലും പേസര് ഭുവനേശ്വര് കുമാറും ഇന്ത്യയുടെ അന്തിമ ഇലവനില് തിരിച്ചെത്തിയിട്ടുണ്ട്. ഓസ്ട്രേലിയക്കെതിരായ അവസാന ടി20 കളിച്ച ടീമില് ശ്രീലങ്കയും രണ്ട് മാറ്റങ്ങള് വരുത്തി. തീക്ഷണക്കും കുശാല് മെന്ഡിസിനും പകരം ദിനേശ് ചണ്ടിമലും വാന്ഡെര്സേയും ലങ്കയുടെ അന്തിമ ഇലവനിലെത്തി.
ലഖ്നൗ: ഇന്ത്യക്കെതിരായ ടി20 പരമ്പരയിലെ ആദ്യ മത്സരത്തില്((India vs Sri Lanka, 1st T20I) ടോസ് നേടിയ ശ്രീലങ്ക ഫീല്ഡിംഗ് തെരഞ്ഞെടുത്തു. വെസ്റ്റ് ഇന്ഡീസിനെതിരെ അവസാന ടി20 കളിച്ച ടീമില് ആറ് മാറ്റങ്ങളുമായാണ് ഇന്ത്യ ഇന്നിറങ്ങുന്നത്. മലയാളി താരം സഞ്ജു സാംസണ്(Sanju Samson) വീണ്ടും ഇന്ത്യന് ടീമില് കളിക്കുമ്പോള് സ്പിന് ഓള് റൗണ്ടര് ദീപക് ഹൂഡ(Deepak Hooda) ടി20 ടീമില് അരങ്ങേറ്റം കുറിക്കുന്നു.
ബാറ്ററായാണ് സഞ്ജു ടീമില് ഇടം നേടിയത്. കഴിഞ്ഞ മത്തരത്തില് അരങ്ങേറിയ ഓപ്പണര് റുതുരാജ് ഗെയ്ക്വാദിന്റെ കൈയിന് നേരിയ പരിക്കുള്ളതിനാലാണ് ഒഴിവാക്കിയതെന്ന് ക്യാപ്റ്റന് രോഹിത് ശര്മ പറഞ്ഞു. രവീന്ദ്ര ജഡേജയും(Ravidnra Jadeja) ജസ്പ്രീത് ബുമ്രയും(Jasprit Bumrah) ഇന്ത്യന് ടീമില് തിരിച്ചെത്തിയപ്പോള് ഇഷാന് കിഷനെ ടീമില് നിലനിര്ത്തി.
സ്പിന്നര് യുസ്വേന്ദ്ര ചാഹലും പേസര് ഭുവനേശ്വര് കുമാറും ഇന്ത്യയുടെ അന്തിമ ഇലവനില് തിരിച്ചെത്തിയിട്ടുണ്ട്. ഓസ്ട്രേലിയക്കെതിരായ അവസാന ടി20 കളിച്ച ടീമില് ശ്രീലങ്കയും രണ്ട് മാറ്റങ്ങള് വരുത്തി. തീക്ഷണക്കും കുശാല് മെന്ഡിസിനും പകരം ദിനേശ് ചണ്ടിമലും വാന്ഡെര്സേയും ലങ്കയുടെ അന്തിമ ഇലവനിലെത്തി.
വെസ്റ്റ് ഇന്ഡീസിനെതിരായ ടി20 പരമ്പര തൂത്തുവാരിയാണ് ഇന്ത്യ ലങ്കക്കെതിരെ ഇറങ്ങുന്നത്. ശ്രീലങ്കയാകട്ടെ ഓസ്ട്രേലിക്കെതിരായ അഞ്ച് മത്സര ടി20 പരമ്പരയില് 4-1ന്റെ തോല്വി വഴങ്ങിയിരുന്നു. മുന് നായകന് വിരാട് കോലിക്കും റിഷഭ് പന്തിനും ഇന്ത്യ പരമ്പരയില് വിശ്രമം നല്കിയിരുന്നു.
India (Playing XI): Rohit Sharma(c), Ishan Kishan(w), Shreyas Iyer, Sanju Samson, Deepak Hooda, Ravindra Jadeja, Venkatesh Iyer, Harshal Patel, Bhuvneshwar Kumar, Jasprit Bumrah, Yuzvendra Chahal.
Sri Lanka (Playing XI): Pathum Nissanka, Kamil Mishara, Charith Asalanka, Dinesh Chandimal(w), Janith Liyanage, Dasun Shanaka(c), Chamika Karunaratne, Jeffrey Vandersay, Praveen Jayawickrama, Dushmantha Chameera, Lahiru Kumara.
