ടോസ് നഷ്ടമായി ക്രീസിലിറങ്ങിയ ഇന്ത്യക്ക് ആശിച്ച തുടക്കമാണ് ലഭിച്ചത്. നാന്ദ്രെ ബര്ഗര് എറിഞ്ഞ ഇന്നിംഗ്സിലെ ആദ്യ ഓവറില് രണ്ട് ബൗണ്ടറിയും വൈഡുകളും അടക്കം ഇന്ത്യ 14 റണ്സ് നേടി
റായ്പൂര്: ദക്ഷിണാഫ്രിക്കക്കെതിരായ ഏകദിന പരമ്പരയിലെ രണ്ടാം മത്സരത്തിൽ ടോസ് നഷ്ടമായി ആദ്യം ബാറ്റ് ചെയ്യുന്ന ഇന്ത്യക്ക് ഭേദപ്പെട്ട തുടക്കം. പവര് പ്ലേയില് ഓപ്പണര്മാരായ രോഹിത് ശര്മയുടെയും യശസ്വി ജയ്സ്വാളിന്റെയും വിക്കറ്റുകള് നഷ്ടമായ ഇന്ത്യ ഒടുവില് വിവരം ലഭിക്കുമ്പോള് 16 ഓവറില് രണ്ട് വിക്കറ്റ് നഷ്ടത്തില് 101 റണ്സെന്ന നിലയിലാണ്. 24 പന്തില് 21 റണ്സുമായി വിരാട് കോലിയും 29 പന്തില് 31 റൺസുമായി റുതുരാജ് ഗെയ്ക്വാദും ക്രീസില്.
ആശിച്ച തുടക്കം
ടോസ് നഷ്ടമായി ക്രീസിലിറങ്ങിയ ഇന്ത്യക്ക് ആശിച്ച തുടക്കമാണ് ലഭിച്ചത്. നാന്ദ്രെ ബര്ഗര് എറിഞ്ഞ ഇന്നിംഗ്സിലെ ആദ്യ ഓവറില് രണ്ട് ബൗണ്ടറിയും വൈഡുകളും അടക്കം ഇന്ത്യ 14 റണ്സ് നേടി. രണ്ടാം ഓവറില് ലുങ്കി എന്ഗിഡയും മൂന്ന് വൈഡെറിഞ്ഞെങ്കിലും ഇന്ത്യക്ക് 8 റണ്സെ നേടിനായുള്ളു. നാന്ദ്രെ ബര്ഗര് എറിഞ്ഞ അഞ്ചാം ഓവറില് തുടര്ച്ചയായി മൂന്ന് ബൗണ്ടറികള് നേടി രോഹിത് ശര്മ ടോപ് ഗിയറിലായി. എന്നാല് അതേ ഓവറിലെ അവസാന പന്തില് രോഹിത്തിനെ വിക്കറ്റിന് പിന്നില് ക്വിന്റണ് ഡി കോക്കിന്റെ കൈകളിലെത്തിച്ച ബര്ഗര് തിരിച്ചടിച്ചു. 8 പന്ത് നേരിട്ട രോഹിത് 14 റണ്സാണ് നേടിയത്. മൂന്നാം നമ്പറിലിറങ്ങിയ വിരാട് കോലി നേരിട്ട നാാലം പന്തില് എന്ഗിഡിക്കെതിരെ സിക്സ് അടിച്ചാണ് ഇന്നിംഗ്സ് തുടങ്ങിയത്. പിന്നാലെ നാന്ദ്രെ ബര്ഗറിനെതിരെ ജയ്സ്വാളും സിക്സ് അടിച്ചു. ആദ്യ ബൗളിംഗ് മാറ്റവുമായി എത്തിയ മാര്ക്കോ യാന്സനെ ബൗണ്ടറിയടിച്ചാണ് കോലി വരവേറ്റത്. എന്നാല് പവര് പ്ലേയിലെ അവസാന ഓവറില് ബൗണ്സറില് ജയ്സ്വാളിനെ കോര്ബിന് ബോഷിന്റെ കൈകളിലെത്തിച്ച് യാന്സന് രണ്ടാം പ്രഹരമേല്പ്പിച്ചു.
നേരത്തെ ടോസ് ജയിച്ച ദക്ഷിണാഫ്രിക്ക ഫീല്ഡിംഗ് തെരഞ്ഞെടുക്കുകയായിരുന്നു. ഏകദിനങ്ങളില് തുടര്ച്ചയായ ഇരുപതാം മത്സരത്തിലാണ് ഇന്ത്യക്ക് ടോസ് നഷ്ടമായത്. ആദ്യ മത്സരം കളിച്ച ടീമില് മാറ്റങ്ങളൊന്നുമില്ലാതെയാണ് ഇന്ത്യ രണ്ടാം ഏകദിനത്തിനിറങ്ങുന്നത്. അതേസമയം, കഴിഞ്ഞ മത്സരം തോറ്റ ടീമില് ദക്ഷിണാഫ്രിക്ക മൂന്ന് മാറ്റങ്ങള് വരുത്തി. ക്യാപ്റ്റനായി ടെംബാ ബാവുമ തിരിച്ചെത്തിയപ്പോള് കേശവ് മഹാരാജും ലുങ്കി എൻഗിഡിയും ദക്ഷിണാഫ്രിക്കയുടെ പ്ലേയിംഗ് ഇലവനിലെത്തി.
Related Articles
ദക്ഷിണാഫ്രിക്ക പ്ലേയിംഗ് ഇലവന്: ക്വിൻറൺ ഡി കോക്ക്, എയ്ഡൻ മാർക്രം, ടെംബ ബാവുമ(ക്യാപ്റ്റൻ), മാത്യു ബ്രീറ്റ്സ്കെ, ടോണി ഡി സോർസി, ഡെവാൾഡ് ബ്രെവിസ്, മാർക്കോ യാൻസെൻ, കോർബിൻ ബോഷ്, കേശവ് മഹാരാജ്, നാന്ദ്രെ ബർഗർ, ലുങ്കി എൻഗിഡി.
ഇന്ത്യ പ്ലേയിംഗ് ഇലവന്: യശസ്വി ജയ്സ്വാൾ, രോഹിത് ശർമ്മ, വിരാട് കോലി, റുതുരാജ് ഗെയ്ക്വാദ്, വാഷിംഗ്ടൺ സുന്ദർ, കെഎൽ രാഹുൽ (ക്യാപ്റ്റൻ), രവീന്ദ്ര ജഡേജ, ഹർഷിത് റാണ, കുൽദീപ് യാദവ്, അർഷ്ദീപ് സിംഗ്, പ്രസിദ്ധ് കൃഷ്ണ.
