ഓപ്പണർ ശിഖർ ധവാനും ഓള്റൗണ്ടർ ഹാർദിക് പാണ്ഡ്യയും ഏകദിന ടീമില് മടങ്ങിയെത്തിയപ്പോള് കോലിക്ക് പകരം ശ്രേയസ് അയ്യർ മൂന്നാം നമ്പറില് ബാറ്റ് ചെയ്യും.
ഓവല്: ഇംഗ്ലണ്ടിനെതിരെ ടി20 പരമ്പര വിജയത്തിന് പിന്നാലെ ഏകദിന പരമ്പര ജയത്തോടെ തുടങ്ങാന് ടീം ഇന്ത്യ(Team India) അല്പസമയത്തിനകം ഇറങ്ങും. ആദ്യ ഏകദിനത്തില്(ENG vs IND 1st ODI) ടോസ് നേടിയ ഇന്ത്യന് നായകന് രോഹിത് ശർമ്മ(Rohit Sharma) ബൗളിംഗ് തെരഞ്ഞെടുത്തു. പരിക്കേറ്റ വിരാട് കോലി(Virat Kohli) ഇന്ന് കളിക്കുന്നില്ല. ഓപ്പണർ ശിഖർ ധവാനും(Shikhar Dhawan) ഓള്റൗണ്ടർ ഹാർദിക് പാണ്ഡ്യയും(Hardik Pandya) ഏകദിന ടീമില് മടങ്ങിയെത്തിയപ്പോള് കോലിക്ക് പകരം ശ്രേയസ് അയ്യർ(Shreyas Iyer) മൂന്നാം നമ്പറില് ബാറ്റ് ചെയ്യും.
ഇന്ത്യ: Rohit Sharma(c), Shikhar Dhawan, Shreyas Iyer, Suryakumar Yadav, Rishabh Pant(w), Hardik Pandya, Ravindra Jadeja, Mohammed Shami, Jasprit Bumrah, Yuzvendra Chahal, Prasidh Krishna
ഇംഗ്ലണ്ട്: Jason Roy, Jonny Bairstow, Joe Root, Ben Stokes, Jos Buttler(w/c), Liam Livingstone, Moeen Ali, Craig Overton, David Willey, Brydon Carse, Reece Topley
ഓവലില് വൈകിട്ട് അഞ്ചരയ്ക്കാണ് ഇംഗ്ലണ്ട്-ഇന്ത്യ ആദ്യ ഏകദിനം തുടങ്ങുക. മത്സരം സോണി സ്പോര്ട്സ് നെറ്റ്വര്ക്കില് തല്സമയം കാണാം. പരമ്പരയില് മൂന്ന് ഏകദിനങ്ങളാണുള്ളത്. ടി20 പരമ്പര നേടിയ ആത്മവിശ്വാസത്തിലാണ് രോഹിത് ശര്മ്മയുടെ ടീം ഇന്ത്യ മൈതാനത്തെത്തുന്നത്. അതേസമയം പകരംവീട്ടാനുറച്ച് ഇംഗ്ലണ്ടും. അവസാന പത്ത് ഏകദിനത്തില് 9ലും ജയിച്ചാണ് ഇംഗ്ലണ്ട് ഇറങ്ങുന്നത്. ഇന്ത്യ പത്ത് കളിയില് ആറില് ജയിച്ചു.
