എന്നാല് ഗുവാഹത്തിയിലെ ബര്സപാര ക്രിക്കറ്റ് സ്റ്റേഡിയത്തില് നടക്കുന്ന ഇന്ത്യ-ദക്ഷിണാഫ്രിക്ക രണ്ടാം ടെസ്റ്റ് പകല് ടെസ്റ്റ് മത്സരമാണെങ്കിലും ആദ്യം ടീം ബ്രേക്കാവും ഉണ്ടാകുകയെന്ന് ബിസിസിഐ വ്യക്തമാക്കി.
ഗുവാഹത്തി: ഈ മാസം 22ന് ഗുവാഹത്തിയില് ആരംഭിക്കുന്ന ഇന്ത്യ-ദക്ഷിണാഫ്രിക്ക രണ്ടാം ടെസ്റ്റ് ഒരു അപൂര്വതക്ക് സാക്ഷ്യം വഹിക്കും. ടെസ്റ്റ് ക്രിക്കറ്റില് അപൂര്വമായി മാത്രം സംഭവിക്കാറുള്ള ലഞ്ചിന് മുമ്പുള്ള ടീ ബ്രേക്കിനാണ് ഗുവാഹത്തിയില് നടക്കുന്ന രണ്ടാം ടെസ്റ്റ് സാക്ഷ്യം വഹിക്കുക. സാധാരണഗതിയില് പകല് ടെസ്റ്റ് മത്സരങ്ങളില് ആദ്യം ലഞ്ച് ബ്രേക്കും പിന്നീട് ടീ ബ്രേക്കുമാണ് ഉണ്ടാകാറുള്ളത്. ഡേ നൈറ്റ് ടെസ്റ്റാണെങ്കില് ആദ്യം ടീം ബ്രേക്കും പിന്നീട് ഡിന്നര് ബ്രേക്കുമായിരിക്കും ഉണ്ടാകുക.
എന്നാല് ഗുവാഹത്തിയിലെ ബര്സപാര ക്രിക്കറ്റ് സ്റ്റേഡിയത്തില് നടക്കുന്ന ഇന്ത്യ-ദക്ഷിണാഫ്രിക്ക രണ്ടാം ടെസ്റ്റ് പകല് ടെസ്റ്റ് മത്സരമാണെങ്കിലും ആദ്യം ടീം ബ്രേക്കാവും ഉണ്ടാകുകയെന്ന് ബിസിസിഐ വ്യക്തമാക്കി. ഇന്ത്യയുടെ വടക്കു കിഴക്കന് സംസ്ഥാനങ്ങളില് സൂര്യാസ്തമയം നേരത്തെയായതിനാല് പ്ലേയിംഗ് കണ്ടീഷനില് മാറ്റം വരുത്തിയതിനാലാണിത്. ഇത് അനുസരിച്ച് ഇന്ത്യയില് സാധാരണ ടെസ്റ്റ് മത്സരങ്ങള് തുടങ്ങുന്ന സമയത്തിനും അര മണിക്കൂര് മുമ്പായിരിക്കും ഗുവാഹത്തി ടെസ്റ്റ് തുടങ്ങുക.
രാവിലെ 9 മുതല് 11 വരെയായിരിക്കും ഗുവാഹത്തി ടെസ്റ്റിലെ ആദ്യ സെഷന്. ഇതിനുശേഷമായിരിക്കും ടീ ബ്രേക്ക്. ആദ്യ സെഷനുശേഷം ടീ ബ്രേക്കായതുകൊണ്ട് തന്നെ 20 മിനിറ്റ് ഇടവേള മാത്രമായിരിക്കും ഉണ്ടാകുക. 11.20ന് വീണ്ടും മത്സരം തുടങ്ങുകയും 1.20ന് രണ്ടാം സെഷന് പൂര്ത്തിയാക്കുകയും ചെയ്യും. ഇതിനുശേഷമായിരിക്കും ലഞ്ച് ബ്രേക്ക്. 1.20 മുതല് രണ്ട് മണി വരെയായിരിക്കും ലഞ്ച് ബ്രേക്ക് ഇടവേള.
Related Articles
രണ്ട് മണിക്ക് വീണ്ടും തുടങ്ങുന്ന മത്സരം നാലു മണിയോടെ പൂര്ത്തിയാവും. ഗുവാഹത്തി വേദിയാവുന്ന ആദ്യ ടെസ്റ്റ് കൂടിയാകും ഇത്. വനിതാ ഏകദിന ലോകകപ്പ് മത്സരങ്ങള്ക്കും ഐപിഎല്ലില് രാജസ്ഥാന്റെ ഹോം മത്സരങ്ങള്ക്കും നേരത്തെ ഗുവാഹത്തി വേദിയായിട്ടുണ്ടെങ്കിലും ആദ്യമായിട്ടാണ് ടെസ്റ്റ് മത്സരത്തിന് വേദിയാവുന്നത്. വെള്ളിയാഴ്ച മുതല് കൊല്ക്കത്ത ഈഡന് ഗാര്ഡന്സിലാണ് ഇന്ത്യ-ദക്ഷിണാഫ്രിക്ക ആദ്യ ടെസ്റ്റ് തുടങ്ങുന്നത്. രണ്ട് ടെസ്റ്റുകളാണ് പരമ്പരയിലുള്ളത്.
