ലക്‌നൗവിൽ നടക്കുന്ന ഇന്ത്യ-വെസ്റ്റ് ഇന്‍ഡീസ് ആദ്യ ടി20 മത്സരത്തിൽ ടോസ് നേടിയ ഇന്ത്യ ബൗളിംഗ് തിരഞ്ഞെടുത്തു. സഞ്ജു സാംസൺ ഓപ്പണറായി ഇറങ്ങുമ്പോൾ നമൻ ദിർ അരങ്ങേറ്റം കുറിക്കും. മോശം ഫോമിനെ തുടർന്ന് രവി ബിഷ്ണോയിയെ ടീമിൽ നിന്ന് ഒഴിവാക്കി.
ലക്‌നൗ: ഇന്ത്യ - വെസ്റ്റ് ഇന്‍ഡീസ് ടി20 പരമ്പരയിലെ ആദ്യ മത്സരത്തിൽ ഇന്ത്യക്ക് ടോസ്. ക്യാപറ്റൻ ശ്രേയ്യസ് അയ്യർ ബൗളിംഗ് തിരഞ്ഞെടുത്തു. ഉത്തര്‍പ്രദേശിലെ ലക്നൗവിലെ ഏകനാ സ്‌റ്റേഡിയത്തിലാണ് മത്സരം. ഏകദിന പരമ്പരയ്ക്ക് പിന്നാലെ നമൻ ദിർ ഇന്ത്യക്ക് വേണ്ടി ഇന്ന് അരങ്ങേറ്റം കുറിക്കും. മലയാളി താരം സഞ്ജു സാംസണും ടീമിലുണ്ട്. വൈഭവ് സൂര്യവംശി ടീമിൽ ഉൾപ്പെട്ടില്ല. ഇതോടെ സഞ്ജു തന്നെ ഓപ്പണറായി അഭിഷേക് ശര്‍മയ്ക്ക് ഒപ്പം ഇറങ്ങുമെന്നുറപ്പായി. ഏഷ്യൻ ഗെയിംസിലെ മോശം പ്രകടനത്തെ തുടര്‍ന്ന് രവി ബിഷ്ണോയിക്കും ടീമിൽ സ്ഥാനം നഷ്ടമായി.
ഏഷ്യന്‍ ഗെയിംസില്‍ പാകിസ്ഥാനെ തോല്‍പിച്ച് സ്വര്‍ണം നേടിയ തിളക്കവുമായാണ് ശ്രേയസ് അയ്യരും സംഘവും വിന്‍ഡീസിനെ നേരിടുന്നത്. ഇന്ത്യക്കെതിരായ ഏകദിന പരമ്പര നഷ്ടമായതിന്റെ ക്ഷീണം തീര്‍ക്കുകയാണ് വിന്‍ഡീസിന്റെ ലക്ഷ്യം. ഏകനാ സ്റ്റേഡിയത്തിലെ പിച്ചുകള്‍ എപ്പോഴും ഒരു കൗതുകമുണര്‍ത്തുന്ന ഒന്നാണ്: 2023-ല്‍ ഇവിടെ നടന്ന അവസാനത്തെ ടി20 മത്സരത്തില്‍ 100 വിജയലക്ഷ്യം പിന്തുടരാന്‍ ഇന്ത്യക്ക് 19.5 ഓവറുകള്‍ വേണ്ടിവന്നിരുന്നു. 2026 ഐപിഎല്ലില്‍ പിച്ചുകളുടെ സ്വഭാവം രണ്ട് തരത്തിലായിരുന്നു. മറ്റ് മിക്ക സ്റ്റേഡിയങ്ങളിലെയും ബാറ്റിംഗിന് അനുകൂലമായ പിച്ചുകളില്‍ നിന്ന് വ്യത്യസ്തമായി, ആദ്യ പകുതിയില്‍ ലഖ്നൗവിലെ പിച്ചുകള്‍ പേസ് ബൗളര്‍മാരെ കാര്യമായി തുണയ്ക്കുന്നതായിരുന്നു.
പ്ലേയിംഗ് ഇലവൻ
ഇന്ത്യ - Abhishek Sharma, Sanju Samson(w), Ishan Kishan, Shreyas Iyer(c), Tilak Varma, Shivam Dube, Naman Dhir, Axar Patel, Arshdeep Singh, Kuldeep Yadav, Mayank Yadav
Related Articles
വെസ്റ്റ് ഇൻഡീസ് - Shai Hope(w/c), Kamil Pooran, Shimron Hetmyer, Rovman Powell, Sherfane Rutherford, Romario Shepherd, Matthew Forde, Roston Chase, Akeal Hosein, Shamar Springer, Shamar Joseph
