IPL 2022: ലഖ്നൗവിനെതിരെ പഞ്ചാബിന് ടോസ്, ലഖ്നൗ ടീമില്‍ ഒരു മാറ്റം
അതേസമയം, ലഖ്നൗ ടീമില്‍ ഒരു മാറ്റമുണ്ട്. മനീഷ് പാണ്ഡെക്ക് പകരം പേസര്‍ ആവേശ് ഖാന്‍ ടീമില്‍ തിരിച്ചെത്തി. ആവേശ് ഖാന്‍ തിരിച്ചെത്തുമ്പോള്‍ പേസര്‍ മൊഹ്സിന്‍ ഖാന്‍ പുറത്തുപോകുമെന്നാണ് പ്രതീക്ഷിച്ചിരുന്നതെങ്കിലും അധികമായി ഒരു ബൗളറെ കൂടി ഉള്‍പ്പെടുത്താന്‍ ബാറ്ററായ മനീഷ് പാണ്ഡെയെ പുറത്തിരുത്തുകയായിരുന്നു.
പുനെ: ഐപിഎല്ലിൽ (IPL 2022) ലഖ്നൗ സൂപ്പര്‍ ജയന്‍റ്സിനെതിരെ ടോസ് നേടിയ പഞ്ചാബ് കിംഗ്സ്(Punjab Kings vs Lucknow Super Giants) ഫീല്‍ഡിംഗ് തെരഞ്ഞെടുത്തു. ചെന്നൈ സൂപ്പര്‍ കിംഗ്സിനെതിരെ കഴിഞ്ഞ മത്സരം ജയിച്ച ടീമില്‍ മാറ്റങ്ങങ്ങളൊന്നും ഇല്ലാതെയാണ് പഞ്ചാബ് ഇന്നിറങ്ങുന്നത്.
അതേസമയം, ലഖ്നൗ ടീമില്‍ ഒരു മാറ്റമുണ്ട്. മനീഷ് പാണ്ഡെക്ക് പകരം പേസര്‍ ആവേശ് ഖാന്‍ ടീമില്‍ തിരിച്ചെത്തി. ആവേശ് ഖാന്‍ തിരിച്ചെത്തുമ്പോള്‍ പേസര്‍ മൊഹ്സിന്‍ ഖാന്‍ പുറത്തുപോകുമെന്നാണ് പ്രതീക്ഷിച്ചിരുന്നതെങ്കിലും അധികമായി ഒരു ബൗളറെ കൂടി ഉള്‍പ്പെടുത്താന്‍ ബാറ്ററായ മനീഷ് പാണ്ഡെയെ പുറത്തിരുത്തുകയായിരുന്നു.
ഓപ്പണർമാർ നൽകുന്ന മികച്ച തുടക്കത്തിലാണ് നാലാം സ്ഥാനത്തുള്ള ലഖ്നൗവിന്‍റെ പ്രതീക്ഷ. റൺവേട്ടക്കാരിൽ രണ്ടാമതുള്ള രാഹുലിനെ തളയ്ക്കുക തന്നെയാകും പഞ്ചാബിന്‍റെ ഏറ്റവും വലിയ വെല്ലുവിളി. ജേസൺ ഹോൾഡർ, മാർക്കസ് സ്റ്റോയിനിസ്, ക്രുനാൽ പണ്ഡ്യ, ദീപക് ഹൂഡ ഓൾറൗണ്ടർമാരുടെ ഒരു നിരയുണ്ട് ലഖ്നൗവിന്.
അവസാന മത്സരത്തിൽ ചെന്നൈ സൂപ്പർ കിംഗ്സിനെ വീഴ്ത്തിയാണ് പഞ്ചാബ് വരുന്നത്. ഓപ്പണിംഗിൽ മായങ്കും ശിഖർ ധവാനും നൽകുന്ന തുടക്കം തന്നെയാണ് പ്രതീക്ഷ. ലിയാം ലിവിങ്സ്റ്റൺ, ജോണി ബെയ്ർസ്റ്റോ, ഭാനുക രജപക്സ എന്നീ പവർ ഹിറ്റർമാരുണ്ടെങ്കിലും ഫോമിൽ ആശങ്കയുണ്ട്. കാഗിസോ റബാഡ നയിക്കുന്ന ബൗളിംങ് യൂണിറ്റ് ഭദ്രം. ഡെത്ത് ഓവറുകളിൽ അർഷ്ദീപിന്‍റെ മിന്നും ഫോമും ലഖ്നൗ കരുതിയിരിക്കണം.
Lucknow Super Giants (Playing XI): Quinton de Kock(w), KL Rahul(c), Deepak Hooda, Marcus Stoinis, Ayush Badoni, Krunal Pandya, Jason Holder, Dushmantha Chameera, Ravi Bishnoi, Avesh Khan, Mohsin Khan.
Punjab Kings (Playing XI): Mayank Agarwal(c), Shikhar Dhawan, Bhanuka Rajapaksa, Jonny Bairstow, Liam Livingstone, Jitesh Sharma(w), Rishi Dhawan, Kagiso Rabada, Rahul Chahar, Sandeep Sharma, Arshdeep Singh.
