തുടര്ച്ചയായ രണ്ടാം വിജയം ലക്ഷ്യമിടുന്ന മുംബൈക്ക് മികച്ച തുടക്കം നല്കിയ ശേഷമാണ് യസ്തിക മടങ്ങിയത്. പുറത്താവുമ്പോള് 19 പന്തില് 23 റണ്സെടുത്തിരുന്നു താരം.
മുംബൈ: വനിതാ ഐപിഎല്ലില് റോയല് ചലഞ്ചേഴ്സ് ബാംഗ്ലൂരിനെതിരെ 156 റണ്സ് വിജയലക്ഷ്യവുമായി ബാറ്റിംഗിനെത്തിയ മുംബൈ ഇന്ത്യന്സിന് മികച്ച തുടക്കം. മുംബൈ ബ്രാബോണ് സ്റ്റേഡിയത്തില് ആറ് ഓവര് പിന്നിടുമ്പോള് ഒരു വിക്കറ്റ് നഷ്ടത്തില് 54 റണ്സെടുത്തിട്ടുണ്ട്. യസ്തിക ഭാട്ടിയയുടെ (23) വിക്കറ്റാണ് മുംബൈക്ക് നഷ്ടമായത്. പ്രീതി ബോസിനാണ് വിക്കറ്റ്. ഹെയ്ലി മാത്യൂസ് (31), നതാലി സ്കിവര് (0) എന്നിവരാണ് ക്രീസില്. നേരത്തെ, ടോസ് നേടി ബാറ്റിംഗിനെത്തിയ ആര്സിബിക്ക് വേണ്ടി റിച്ചാ ഘോഷ് 28 റണ്സ് നേടി. ഹെയ്ലി മാത്യൂസ് മുംബൈക്കായി മൂന്ന് വിക്കറ്റ് നേടി. അമേലിയ കെര്, സൈക ഇഷാഖ് എന്നിവര് രണ്ട് വിക്കറ്റ് വീതമുണ്ട്.
തുടര്ച്ചയായ രണ്ടാം വിജയം ലക്ഷ്യമിടുന്ന മുംബൈക്ക് മികച്ച തുടക്കം നല്കിയ ശേഷമാണ് യസ്തിക മടങ്ങിയത്. പുറത്താവുമ്പോള് 19 പന്തില് 23 റണ്സെടുത്തിരുന്നു താരം. ഇതില് നാല് ബൗണ്ടറികളുണ്ടായിരുന്നു. പ്രീതിയുടെ പന്തില് വിക്കറ്റിന് മുന്നില് കുടുങ്ങുകയായിരുന്നു താരം. ഹെയ്ലി ഇതുവരെ ഒരു സിക്സും നാല് ഫോറും നേടിയിട്ടുണ്ട്.
ഭേദപ്പെട്ട തുടക്കമാണ് ആര്സിബിക്ക് ലഭിച്ചത്. ഒന്നാം വിക്കറ്റില് മന്ദാന- സോഫി ഡിവൈന് (16) സഖ്യം 39 റണ്സാണ് കൂട്ടിചേര്ത്തത്. എന്നാല് അഞ്ചാം ഓവറില് സോഫിയെ പുറത്താക്കി സൈക മുംബൈക്ക് ബ്രേക്ക് ത്രൂ നല്കി. അതേ ഓവറില് ദിശ കശതിനെയും മടക്കി (0) സൈക മുംബൈയെ തകര്ച്ചയിലേക്ക് തള്ളിവിട്ടു. ആറാം ഓവര് എറിയാനെത്തിയ ഹെയ്ലിയും രണ്ട് വിക്കറ്റ് നേടി. മന്ദാനയെ ഇസി വോംഗിന്റെ കൈകളിലെത്തിച്ച ഹെയ്ലി തൊട്ടടുത്ത പന്തില് ഹീതര് നൈറ്റിനേയും (0) മടക്കി. ഇതോടെ നാലിന് 43 എന്ന നിലയിലേക്ക് വീണു ആര്സിബി.
എല്ലിസ് പെറി (13) റണ്ണൗട്ടാവുകയും ചെയ്തതുടെ പരിതാപകരമായി ആര്സിബിയുടെ അവസ്ഥ. എന്നാല് കനിക അഹൂജ (22), ശ്രേയങ്ക പാട്ടീല് (23), മേഗന് ഷട്ട് (20) എന്നിവര് ഭേദപ്പെട്ട പ്രകടനം പുറത്തെടുത്തോടെ ആര്സിബി സ്കോര് 150 കടന്നു. രേണുക സിംഗാണ് (2) പുറത്തായ മറ്റൊരു താരം. പ്രീതി ബോസ് (1) പുറത്താവാതെ നിന്നു. പൂജ വസ്ത്രകര്, നതാലി സ്കിവര് എന്നിവര് ഓരോ വിക്കറ്റും വീഴ്ത്തി. നേരത്തെ, മാറ്റമൊന്നുമില്ലാതെയാണ് മുംബൈ ഇറങ്ങിയത്. ആര്സിബി ഒരു മാറ്റം വരുത്തി. പേസര് രേണുക സിംഗ് ടീമിലെത്തി. ആശ ശേഭനയാണ് പുറത്തായത്.
റോയല് ചലഞ്ചേഴ്സ് ബാംഗ്ലൂര്: സ്മൃതി മന്ദാന, സോഫി ഡിവൈന്, എല്ലിസ് പെറി, ദിശ കശത്, റിച്ച ഘോഷ്, ഹീതര് നൈറ്റ്, കനിക അഹൂജ, രേണുക ഠാക്കൂര് സിംഗ്, മേഗന് ഷട്ട്, പ്രീതി ബോസ്.
മുംബൈ ഇന്ത്യന്സ്: യസ്തിക് ഭാട്ടിയ, ഹെയ്ലി മാത്യൂസ്, നതാലി സ്കിവര്, ഹര്മന്പ്രീത് കൗര്, അമേലിയ കെര്, പൂജ വസ്ത്രകര്, ഇസി വോംഗ്, അമന്ജോത് കൗര്, ഹുമൈറ കാസി, ജിന്ഡിമനി കലിത, സൈക ഇഷാഖ്.
തെംബ ബവൂമയെ ഒഴിവാക്കി! ദക്ഷിണാഫ്രിക്കന് ടി20 ടീമിനെ ഇനി എയ്ഡന് മാര്ക്രം നയിക്കും
