മോദിയല്ല, യഥാര്ത്ഥത്തില് രാജ്യം ഭരിക്കുന്നത് മോഹൻ ഭഗവത്: രാഹുൽ ഗാന്ധി
''കഴിഞ്ഞ അഞ്ചുവർഷമായി എനിക്ക് മോദിയെക്കുറിച്ച് അറിയാം. അദ്ദേഹമൊരു ഭീരുവാണ്. ആരെങ്കിലും നേർക്ക് നേരെ വന്നാൽ മോദി തിരിഞ്ഞോടും.'' മോദിയുടെ മുഖത്ത് ഭയമാണുള്ളതെന്നും രാഹുൽ ഗാന്ധി
ദില്ലി: ഇന്ത്യയുടെ ഭരിക്കുന്നത് മോദിയല്ല, ആർഎസ്എസ് മേധാവി മോഹൻ ഭഗവതാണെന്ന് കോൺഗ്രസ് അധ്യക്ഷൻ രാഹുൽ ഗാന്ധി. കോൺഗ്രസിന്റെ ന്യൂനപക്ഷ കൺവെൻഷനിൽ സംസാരിക്കുകയായിരുന്നു രാഹുൽ. രാജ്യം പിടിച്ചെടുക്കാനാണ് ആർഎസ് എസ് ശ്രമിക്കുന്നത്. പ്രധാനമന്ത്രി മോദി വെറും ഭീരുവാണെന്നും രാഹുൽ വിമർശനമുന്നയിച്ചു.
നരേന്ദ്രമോദിയുടെ വെറും മുഖം മാത്രമാണ് ഭരണത്തിലുള്ളത്. കാര്യങ്ങൾ നിയന്ത്രിക്കാനുള്ള റിമോട്ട് കൺട്രോൾ ആർഎസ്എസ് മേധാവി മോഹൻ ഭഗവതിന്റെ കയ്യിലാണ്. നാഗ്പൂരിലിരുന്ന് നിയന്ത്രിക്കാനാണ് അവർ ശ്രമിക്കുന്നത്. രാഹുൽ ഗാന്ധി പറഞ്ഞു. കഴിഞ്ഞ അഞ്ചുവർഷമായി എനിക്ക് മോദിയെക്കുറിച്ച് അറിയാം. അദ്ദേഹമൊരു ഭീരുവാണ്. ആരെങ്കിലും നേർക്ക് നേരെ വന്നാൽ മോദി തിരിഞ്ഞോടും. മോദിയുടെ മുഖത്ത് ഭയമാണുള്ളതെന്നും രാഹുൽ ഗാന്ധി കൂട്ടിച്ചേർത്തു. ജനങ്ങളെ ഭിന്നിപ്പിച്ച് ഭരിക്കാൻ കഴിയില്ലെന്ന് മോദിക്ക് അറിയാം. മോദിയുടെ ചിത്രം പൂർത്തിയായിരിക്കുന്നു എന്നായിരുന്നു രാഹുൽ ഗാന്ധിയുടെ വാക്കുകൾ.