പിആർ കൊടുത്താൽ കിട്ടുന്ന സ്നേഹമല്ല ഇതെന്നും ആദില.
ബിഗ് ബോസ് മലയാളം സീസൺ 7 ൽ ഏറ്റവും ജനപ്രീതിയുള്ള മത്സരാർഥികളിൽ രണ്ടു പേരായിരുന്നു ലെസ്ബിയൻ കപ്പിൾസായ ആദിലയും നൂറയും. ആദില 95-ാം ദിവസവും നൂറ 99-ാം ദിവസവുമാണ് ഹൗസിൽ നിന്നും എവിക്ടായത്. ആദില കൊച്ചിക്കാരിയും നൂറ കോഴിക്കോട് സ്വദേശിയുമാണ്. ഇപ്പോഴിതാ ബിഗ് ബോസിനു ശേഷം ജീവിതത്തിലും ബന്ധങ്ങളിലും വന്ന മാറ്റങ്ങളെക്കുറിച്ച് സംസാരിക്കുകയാണ് ആദില.'ബിഗ് ബോസും തകർന്ന ബന്ധങ്ങളും' എന്ന ക്യാപ്ഷനോടെയാണ് ആദില വീഡിയോ പങ്കുവെച്ചത്.
''ഞങ്ങളോടുള്ള ആളുകളുടെ സ്നേഹം കണ്ട് പലരും കമന്റ് ബോക്സിലും മറ്റും ചോദിക്കുന്നുണ്ടായിരുന്നു നിങ്ങൾ ഇപ്പോഴും പിആർ കൊടുക്കുന്നുണ്ടോ എന്ന്. ഇതൊരു ലവ് പിആർ എന്നൊക്കെ വേണമെങ്കിൽ പറയാം. പൈസ കൊടുത്താൽ കിട്ടുന്ന സ്നേഹമല്ല ഇത്. പൈസ കൊടുക്കുമ്പോൾ ജോലി ചെയ്യുന്നു, അത് അവിടെ തീരുന്നു. പക്ഷേ ഒന്നും കൊടുക്കാതെയും പ്രതീക്ഷിക്കാതെയും നമുക്ക് കിട്ടുന്ന സ്നേഹത്തിന്റെ വില എത്രത്തോളം ഉണ്ടെന്ന് എനിക്കിപ്പോൾ മനസിലാവുന്നുണ്ട്.
ജീവിതത്തിൽ നമുക്ക് കുറേപ്പേരുണ്ട് എന്നാണ് ബിഗ് ബോസിൽ നിന്ന് ഇറങ്ങിയ സമയത്ത് തോന്നിയിരുന്നത്. പക്ഷേ ബിഗ് ബോസ് ഹൗസിൽ വെച്ച് ഞാൻ എന്നോട് തന്നെ പറഞ്ഞിരുന്നു നമുക്ക് നമ്മൾ മാത്രമേ ഉണ്ടാവുകയുള്ളൂ എന്ന്. ഞാൻ ആ പറഞ്ഞത് എവിടെയൊക്കെയോ കറക്ട് ആയി. ക്യാമറാ റോളിങ് നിർത്തിയപ്പോൾ നമ്മളോടുള്ള പലരുടേയും അടുപ്പവും സ്നേഹവും എവിടെയോ നിന്നു. ആളുകൾ അങ്ങനെയാണ്. അങ്ങനെ കുറേ വേദനകൾ ഉള്ളിലുണ്ടായിരുന്നു. ഈ സമയം നമ്മളെ അറിയാത്ത ആൾക്കാർ നമ്മളോട് കാണിക്കുന്ന സ്നേഹവും കരുതലുമെല്ലാം ആ മുറിവുകളെ ഉണക്കാൻ സഹായിക്കും'', ആദില വീഡിയോയിൽ പറഞ്ഞു.
