നവാഗതനായ സിന്റോ സണ്ണി സംവിധാനം ചെയ്യുന്ന ചിത്രം
സൈജു കുറുപ്പ് ടൈറ്റില് കഥാപാത്രത്തെ അവതരിപ്പിക്കുന്ന പുതിയ ചിത്രമാണ് പാപ്പച്ചന് ഒളിവിലാണ്. ഇപ്പോഴിതാ ചിത്രത്തിലെ ഒരു ക്യാരക്റ്റര് പോസ്റ്റര് പുറത്തുവിട്ടിരിക്കുകയാണ് അണിയറക്കാര്. മാധ്യമപ്രവര്ത്തകന് ഹൈദര് അലി അവതരിപ്പിക്കുന്ന കഥാപാത്രത്തിന്റെ പോസ്റ്റര് ആണ് അണിയറക്കാര് അവതരിപ്പിച്ചിരിക്കുന്നത്. കുക്ക് അബു എന്നാണ് കഥാപാത്രത്തിന്റെ പേര്. സൈജു കുറുപ്പ് തന്നെയാണ് പോസ്റ്റര് സോഷ്യല് മീഡിയയിലൂടെ റിലീസ് ചെയ്തത്.
നവാഗതനായ സിന്റോ സണ്ണി സംവിധാനം ചെയ്യുന്ന ചിത്രത്തിന്റെ നിര്മ്മാണം തോമസ് തിരുവല്ല ഫിലിംസിൻ്റെ ബാനറിൽ തോമസ് തിരുവല്ലയാണ്. അജു വർഗീസ്, വിജയരാഘവൻ, ജഗദീഷ്, ജോണി ആൻ്റണി, ശിവജി ഗുരുവായൂർ, കോട്ടയം നസീർ, ജോളി ചിറയത്ത്, വീണ നായർ തുടങ്ങിയവരും അഭിനയിച്ചിരിക്കുന്നു. ബി കെ ഹരിനാരായണൻ, സിൻ്റോ സണ്ണി എന്നിവരുടെ വരികൾക്ക് ഓസേപ്പച്ചൻ ഈണം പകരുന്നു. ഛായാഗ്രഹണം ശ്രീജിത്ത് നായർ, എഡിറ്റർ രതിൻ രാധാകൃഷ്ണൻ, പ്രൊഡക്ഷൻ കൺട്രോളർ പ്രശാന്ത് നാരായണൻ, കല വിനോദ് പട്ടണക്കാടൻ, കോസ്റ്റ്യൂം ഡിസൈൻ സുജിത് മട്ടന്നൂർ, മേക്കപ്പ് മനോജ്, കിരൺ, ചീഫ് അസോസിയേറ്റ് ഡയറക്ടർ ബോബി സത്യശീലൻ, പ്രൊഡക്ഷൻ മാനേജർ ലിബിൻ വർഗീസ്, പ്രൊഡക്ഷൻ എക്സിക്യൂട്ടീവ് പ്രസാദ് നമ്പിയൻക്കാവ്, പി ആർ ഒ- മഞ്ജു ഗോപിനാഥ്, വാഴൂർ ജോസ്, മാര്ക്കറ്റിംഗ് സ്നേക്ക്പ്ലാന്റ്.
ജാനകി ജാനേ ആണ് സൈജു കുറുപ്പിന്റേതായി തിയറ്ററുകളിലെത്തിയ അവസാന ചിത്രം. അനീഷ് ഉപാസന രചനയും സംവിധാനവും നിര്വ്വഹിച്ച ചിത്രത്തില് ജാനകി എന്ന ടൈറ്റില് കഥാപാത്രത്തെ അവതരിപ്പിച്ചിരിക്കുന്നത് നവ്യ നായര് ആണ്. ഷറഫുദ്ദീൻ, ജോണി ആന്റണി, കോട്ടയം നസീർ, അനാർക്കലി, ജെയിംസ് ഏലിയ, പ്രമോദ് വെളിയനാട്, സ്മിനു സിജോ, ജോർജ്ജ് കോര തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
ALSO READ : 'രോമാഞ്ചം' സംവിധായകന് വിവാഹിതനായി, വധു സഹസംവിധായിക
