Asianet News MalayalamAsianet News Malayalam

ബോളിവുഡിനോട് മുട്ടാന്‍ മറ്റാരെങ്കിലുമുണ്ടോ? ഈ വര്‍ഷം ഏറ്റവും ജനപ്രീതി നേടിയ 10 ഇന്ത്യന്‍ സിനിമകള്‍ ഇവയാണ്

ജനുവരി 1 നും നവംബര്‍ 6 നുമിടയില്‍ തിയറ്ററുകളില്‍ റിലീസ് ചെയ്യപ്പെട്ട ഇന്ത്യന്‍ സിനിമകളില്‍ നിന്ന്

imdb most popular indian movies of 2023 theatrical jawan pathaan jailer leo gadar 2 shah rukh khan thalapathy vijay rajinikanth nsn
Author
First Published Nov 30, 2023, 10:52 AM IST

ഒരുകാലത്ത് വിദേശ മാര്‍ക്കറ്റുകളില്‍ ഇന്ത്യന്‍ സിനിമയെന്നാല്‍ ബോളിവുഡ് മാത്രമായിരുന്നു. എന്നാല്‍ ഇന്ന് ആ സ്ഥിതി മാറി. ബജറ്റിലും കളക്ഷനിലും ആ​ഗോള റിലീസിലുമൊക്കെ ബോളിവുഡിനെ കവച്ചുവെക്കുന്ന തെന്നിന്ത്യന്‍ ചിത്രങ്ങള്‍ ഇറങ്ങുന്നുണ്ട്. കളക്ഷനില്‍ തമിഴ്, തെലുങ്ക്, കന്നഡ ചിത്രങ്ങള്‍ വലിയ നേട്ടമാണ് സമീപകാലത്ത് നേടിയിട്ടുള്ളത്. ഒടിടിയുടെ ഇക്കാലത്ത് ഭാഷയ്ക്ക് അതീതമായ ജനപ്രീതിയും സിനിമകള്‍ നേടുന്നുണ്ട്. ഇപ്പോഴിതാ ഈ വര്‍ഷം ജനപ്രീതിയില്‍ മുന്നിലുള്ള 10 ചിത്രങ്ങളുടെ ലിസ്റ്റ് അവതരിപ്പിച്ചിരിക്കുകയാണ് പ്രമുഖ ഓണ്‍ലൈന്‍ ഡേറ്റാ ബേസ് ആയ ഐഎംഡിബി. 

ജനുവരി 1 നും നവംബര്‍ 6 നുമിടയില്‍ തിയറ്ററുകളില്‍ റിലീസ് ചെയ്യപ്പെട്ട ഇന്ത്യന്‍ സിനിമകളാണ് പരി​ഗണിച്ചിരിക്കുന്നത്. അതില്‍ത്തന്നെ ഐഎംഡിബിയില്‍ അഞ്ചോ അതിലധികമോ യൂസര്‍ റേറ്റിം​ഗ് ഉള്ളതും ചുരുങ്ങിയത് 15,000 വോട്ടുകളെങ്കിലും നേടിയതുമായ ചിത്രങ്ങളേ പരി​ഗണിച്ചിട്ടുള്ളൂ. ബോളിവുഡ് ചിത്രങ്ങളുടെ ആധിപത്യം തന്നെയാണ് ലിസ്റ്റില്‍. എന്നാല്‍ തമിഴില്‍ നിന്നും രണ്ട് ചിത്രങ്ങള്‍ പട്ടികയില്‍ ഇടംപിടിച്ചിട്ടുണ്ട്.

ഈ വര്‍ഷം ഏറ്റവും ജനപ്രീതി നേടിയ ഇന്ത്യന്‍ ചിത്രങ്ങള്‍, ഐഎംഡിബി ലിസ്റ്റ്

1. ജവാന്‍

2. പഠാന്‍

3. റോക്കി ഓര്‍ റാണി കീ പ്രേം കഹാനി

4. ലിയോ

5. ഒഎംജി 2

6. ജയിലര്‍

7. ഗദര്‍ 2

8. ദി കേരള സ്റ്റോറി

9. തൂ ഝൂടീ മേം മക്കാര്‍

10. ഭോലാ

ഇന്ത്യന്‍ ബോക്സ് ഓഫീസിലും ഈ വര്‍ഷം ഏറ്റവുമധികം കളക്ഷന്‍ നേടിയ ചിത്രമാണ് പഠാന്‍. തുടര്‍ പരാജയങ്ങള്‍ക്കൊടുവില്‍ വര്‍ഷങ്ങളുടെ ഇടവേളയെടുത്ത ഷാരൂഖ് ഖാന്‍റെ തിരിച്ചുവരവ് ചിത്രമായിരുന്നു പഠാന്‍. പഠാന് ശേഷമെത്തിയ ജവാന്‍ അതിലുമധികം കളക്റ്റ് ചെയ്തു. രണ്ട് ചിത്രങ്ങളും 1000 കോടി ക്ലബ്ബില്‍ ഇടംപിടിച്ചിരുന്നു. 

ALSO READ : 'ഏരീസില്‍ 8 മണിക്ക് ടൈഗര്‍ 3, നേരെ ഡ്രൈവ് ചെയ്‍തത് അജന്തയിലേക്ക്'; ഒഴിവുദിനങ്ങളിലെ സന്തോഷത്തെക്കുറിച്ച് ജഗദീഷ്

ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം

Follow Us:
Download App:
  • android
  • ios