നിവിൻ പോളി നായകനാകുന്ന 'ഫാർമ' വെബ് സീരീസ് ജിയോ ഹോട്ട്സ്റ്റാറിൽ ഉടൻ സ്ട്രീമിംഗ് ആരംഭിക്കും. മരുന്ന് നിർമ്മാണ വ്യവസായത്തിലെ അധാർമ്മികത പ്രമേയമാക്കുന്ന സീരീസിൽ, ഒരു മെഡിക്കൽ റെപ്രസെന്റേറ്റീവിന്റെ കഥയാണ് പറയുന്നത്.
നിവിൻ പോളി പ്രധാന കഥാപാത്രമായെത്തുന്ന 'ഫാർമ' വെബ് സീരീസ് ജിയോ ഹോട്ട്സ്റ്റാറിലൂടെ സ്ട്രീമിങ്ങ് ആരംഭിക്കാനൊരുങ്ങുന്നു. ഇപ്പോഴിതാ വെബ് സീരീസിന്റെ സ്നീക്ക് പീക്ക് പുറത്തുവിട്ടിരിക്കുകയാണ് അണിയറപ്രവർത്തകർ. മരുന്ന് നിർമ്മാണ ബിസിനസിനെ കുറിച്ച് ചർച്ച ചെയ്യുന്ന വെബ് സീരീസിന് വേണ്ടി പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്.
തന്റെ ഇരുപതുകളില് ഒരു മെഡിക്കല് റെപ്രസന്റേറ്റീവ് ആയി ജോലി ആരംഭിക്കുന്ന കേന്ദ്ര കഥാപാത്രത്തിലൂടെ ഫാര്മസ്യൂട്ടിക്കല് ഇന്ഡസ്ട്രിയിലെ അധാര്മ്മികതയെക്കുറിച്ച് സംസാരിക്കുന്ന സിരീസ് ആണിത്. ഫാര്മയുടെ വേള്ഡ് പ്രീമിയര് ഇന്ത്യയുടെ അന്തര്ദേശീയ ചലച്ചിത്ര മേളയില് കഴിഞ്ഞ വർഷം നടന്നിരുന്നു.
പ്രമുഖ ബോളിവുഡ് താരം രജിത് കപൂര് ആണ് സിരീസില് പ്രധാന കഥാപാത്രത്തെ അവതരിപ്പിക്കുന്നുണ്ട്. ശ്യാമപ്രസാദിന്റെ അഗ്നിസാക്ഷിക്ക് ശേഷം മലയാളം പ്രേക്ഷകരുടെ മുന്നിലേക്ക് വീണ്ടുമെത്തുകയാണ് രജിത് കപൂര്. അഗ്നിസാക്ഷിയിലെ അഭിനയത്തിന് മികച്ച നടനുള്ള സംസ്ഥാന അവാര്ഡ് ലഭിച്ചിരുന്നു അദ്ദേഹത്തിന്. അഭിനന്ദന് രാമാനുജം ഛായാഗ്രഹണം നിര്വ്വഹിക്കുന്ന സിരീസിന് സംഗീതം പകരുന്നത് ജേക്സ് ബിജോയ് ആണ്. എഡിറ്റിംഗ് ശ്രീജിത് സാരംഗ്. ചില സര്പ്രൈസ് കാസ്റ്റിംഗും സിരീസില് ഉണ്ടാവുമെന്നാണ് അറിയുന്നത്.
Related Articles
