സംവിധായകന് അറ്റ്ലിയുടെയും നയന്താരയുടെയും ബോളിവുഡ് അരങ്ങേറ്റ ചിത്രം കൂടിയാണ് ജവാന്.
ഷാരൂഖ് ഖാനെ(Shah Rukh Khan) നായകനാക്കി ആറ്റ്ലി(Atlee) സംവിധാനം ചെയ്യുന്ന ചിത്രത്തിനായി ഏറെ പ്രതീക്ഷയോടെ കാത്തിരിക്കുകയാണ് സിനിമാസ്വാദകർ. അതുകൊണ്ട് തന്നെയാണ് ചിത്രവുമായി ബന്ധപ്പെട്ട് വരുന്ന വാർത്തകൾ ഇരുകയ്യും നീട്ടി പ്രേക്ഷകർ സ്വീകരിക്കുന്നത്. ഇപ്പോഴിതാ ചിത്രത്തിന്റെ ടൈറ്റിൽ പുറത്തുവിട്ടിരിക്കുകയാണ് അണിയറ പ്രവർത്തകർ. 'ജവാന്' എന്നാണ് ചിത്രത്തിന് പേരിട്ടിരിക്കുന്നത്(Jawan Movie).
ടൈറ്റിലിന്റെ ഔദ്യോഗിക പ്രഖ്യാപനം ഉടന് ഉണ്ടായേക്കുമെന്ന് പിങ്ക് വില്ല റിപ്പോർട്ട് ചെയ്യുന്നു. നയന്താരയാണ് ചിത്രത്തില് ഷാരൂഖിന്റെ നായികയായി എത്തുന്നത്. സംവിധായകന് അറ്റ്ലിയുടെയും നയന്താരയുടെയും ബോളിവുഡ് അരങ്ങേറ്റ ചിത്രം കൂടിയാണ് ജവാന്. കിംഗ് ഖാന് ചിത്രത്തില് അവതരിപ്പിക്കുന്നത് ഒരു 'റോ' (റിസര്ച്ച് ആന്ഡ് അനാലിസിസ് വിംഗ്) ഉദ്യോഗസ്ഥനെയാണെന്നായിരുന്നു ആദ്യം പുറന്നുതന്ന റിപ്പോര്ട്ടുകള്. കഥാപാത്രത്തിന് ഒന്നിലധികം അപ്പിയറന്സുകള് ഉണ്ടാവുമെന്നും വാര്ത്തകള് വന്നിരുന്നു. എന്നാല് അച്ഛനും മകനുമായി ഡബിള് റോളിലാണ് ഷാരൂഖ് എത്തുകയെന്നാണ് പുതിയ വിവരം.
Thalapathy Vijay : ഷാരൂഖ് ഖാൻ ചിത്രത്തിൽ വിജയിയും ? ആറ്റ്ലീയുടെ ബോളിവുഡ് ചിത്രം ഒരുങ്ങുന്നു
അതേസമയം, ജവാനിൽ വിജയ് ഒരു നിര്ണായക കഥാപാത്രമായി എത്താന് സാധ്യതയുണ്ടെന്ന് നേരത്തെ റിപ്പോർട്ടുകൾ വന്നിരുന്നു. നേരത്തെയും ഇത്തരത്തിൽ പ്രചാരണം നടന്നിരുന്നു. വിജയുടെ വമ്പന് ഹിറ്റുകളായ തെറി, മെര്സല്, ബിഗില് എന്നീ ചിത്രങ്ങള് സംവിധാനം ചെയ്തത് ആറ്റ്ലിയായിരുന്നു. അതുകൊണ്ട് തന്നെ വിജയ് ബോളിവുഡിൽ എത്താനും സാധ്യതയേറെയാണ്. സാന്യ മല്ഹോത്ര, സുനില് ഗ്രോവര് എന്നിവര്ക്കൊപ്പം പ്രിയാമണിയും ചിത്രത്തില് മറ്റു പ്രധാന കഥാപാത്രങ്ങളെ അവതരിപ്പിക്കുമെന്നാണ് വിവരം.
'കാപട്യം നിറഞ്ഞ ലോകത്തിൽ, അഭിനയിക്കാൻ അറിയാത്ത മനുഷ്യൻ': സുരേഷ് ഗോപിയെ പ്രശംസിച്ച് നിർമാതാവ്
അതേസമയം, സിദ്ധാര്ഥ് ആനന്ദ് സംവിധാനം ചെയ്യുന്ന 'പത്താന്' എന്ന ചിത്രത്തിനായുള്ള കാത്തിരിപ്പിലാണ് ബോളിവുഡ്. ദീപിക പദുക്കോണ്, ജോണ് എബ്രഹാം, ഡിംപിള് കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങി ഒട്ടേറെ താരങ്ങള് ചിത്രത്തില് അഭിനയിക്കുന്നു. ഒരു ആക്ഷൻ ത്രില്ലര് ചിത്രമായതിനാല് 'പത്താന്' തിയറ്ററുകളില് മുൻ കാലങ്ങളിലേതു പോലെ ഷാരൂഖ് ഖാന് ആര്പ്പുവിളികളുയരും എന്നാണ് പ്രതീക്ഷിക്കപ്പെടുന്നതും. 200 കോടി രൂപയ്ക്കാണ് ഷാരൂഖ് ചിത്രത്തിന്റെ ഡിജിറ്റല് റൈറ്റ്സ് ആമസോണ് സ്വന്തമാക്കിയതെന്ന് ബോളിവുഡ് ലൈഫ് റിപ്പോര്ട്ട് ചെയ്യുന്നു. ഇക്കാര്യത്തില് ഇതുവരെ ഔദ്യോഗിക സ്ഥിരീകരണം വന്നിട്ടില്ല. 2023 ജനുവരി 25ന് ചിത്രം പ്രേക്ഷകര്ക്ക് മുന്നിലെത്തും.
