നടനും മിമിക്രി കലാകാരനുമായ കണ്ണൻ സാഗറിനെ ബൈപാസ് ശസ്ത്രക്രിയയ്ക്കായി ആലുവ രാജഗിരി ആശുപത്രിയിൽ പ്രവേശിപ്പിച്ചു. സാമ്പത്തിക സഹായം അഭ്യർത്ഥിച്ചിരുന്ന അദ്ദേഹത്തിന്, 'മാ' സംഘടനയും രമേഷ് പിഷാരടി അടക്കമുള്ള സഹപ്രവർത്തകരും പിന്തുണയുമായി എത്തി.
തന്റെ രോഗാവസ്ഥയെ കുറിച്ച് വെളിപ്പെടുത്തി സഹായം അഭ്യര്ത്ഥിച്ച് നടനും മിമിക്രി ആര്ട്ടിസ്റ്റുമായ കണ്ണന് സാഗര് കഴിഞ്ഞ ദിവസം രംഗത്തെത്തിയിരുന്നു. ഹൃദയത്തില് ബ്ലോക്കായിരുന്നു. തന്നെക്കൊണ്ട് ഇപ്പോൾ താങ്ങാൻ പറ്റാത്ത അത്രയും തുക ചികിൽസക്കായി ആവുമെന്നും സംഘടനയിലും ചില സഹപ്രവർത്തകരേയും വിളിച്ച് തന്റെ നിസഹായാവസ്ഥ വെളിപ്പെടുത്തിതായും അദ്ദേഹം അറിയിച്ചിരുന്നു. ഇപ്പോളിതാ സർജറിക്കായി താൻ ആശുപത്രിയിൽ അഡ്മിറ്റ് ആയെന്ന വിവരം പങ്കുവെച്ചിരിക്കുകയാണ് കണ്ണൻ. തന്നെ സഹായിച്ചവരോടുള്ള നന്ദിയും അദ്ദേഹം അറിയിക്കുന്നുണ്ട്.
''ഞാനിപ്പോൾ ആലുവയിലെ രാജഗിരി ആശുപത്രിയിൽ അഡ്മിറ്റായിരിക്കുകയാണ്. സര്ജറി എനിക്ക് ആവശ്യമായിട്ടുണ്ട്. ആറാം തീയതിയാണ് ബൈപാസ് ചെയ്യുന്നത്. അതിന് വേണ്ടിയാണ് അഡ്മിറ്റായത്. ഫേസ്ബുക്ക് പോസ്റ്റിലൂടെയായി അസുഖത്തെക്കുറിച്ചും, എന്റെ വയ്യായ്മയെക്കുറിച്ചും ഞാന് പറഞ്ഞിരുന്നു. അതുകേട്ട് എന്ന സഹായിക്കാന് എന്റെ പ്രിയപ്പെട്ട സംഘടന 'മാ'യിലെ ഏറ്റവും പ്രിയപ്പെട്ട സഹോദരങ്ങള് അകമഴിഞ്ഞു സഹായിക്കാൻ ഓടിയെത്തി. അവരുടെയെല്ലാ അനുഗ്രഹം എനിക്കുണ്ട്. കെഎസ് പ്രസാദ് ചേട്ടനും നിരന്തരം വിളിക്കുകയും, കാര്യങ്ങള് അന്വേഷിക്കുകയും ചെയ്തിരുന്നു.
ഈ സര്ജറിക്ക് വേണ്ട കാര്യങ്ങളെല്ലാം ഒരുക്കി തന്നത് രമേഷ് പിഷാരടിച്ചേട്ടനാണ്. നല്ല തിരക്കിലാണ് അദ്ദേഹം. എങ്കിലും എന്റെ മെസേജ് കാണുകയും, എന്നെ സഹായിക്കാനായി മുന്നോട്ട് വരികയും ചെയ്തു. എല്ലാ കാര്യങ്ങളും ചെയ്ത് തന്നു. സ്നേഹം കൊണ്ടും, സാമ്പത്തികം കൊണ്ടും, അന്വേഷണം കൊണ്ടും ഒരുപാട് സ്നേഹിക്കുന്ന പ്രിയപ്പെട്ട സഹോദരീ സഹോദരങ്ങളോട് പറഞ്ഞാല് തീരാത്തത്ര നന്ദിയും, കടപ്പാടുണ്ട്. എനിക്കും കുടുംബത്തിനും വേണ്ടി എല്ലാവരും പ്രാര്ത്ഥിക്കുക'', എന്നാണ് കണ്ണൻ സാഗർ പറഞ്ഞത്.
Related Articles
''പ്രിയപ്പെട്ടവരുടെ പ്രാർത്ഥന ഉണ്ടാവണം ഞാൻ ആലുവ രാജഗിരി ഹോസ്പിറ്റലിൽ അഡ്മിറ്റായി, സ്നേഹവും സ്വാന്തനവും വാത്സല്യവും കൂടെ സാമ്പത്തികവും അല്ലാതെയും മനസ്സുനിറയെ നൽകി ചേർത്ത് പിടിക്കുന്ന പ്രിയ സോദരങ്ങളെ ഇക്കമാരെ ചേട്ടന്മാരെ സോദരിമാരെ കരുണാമയനായ ആ പ്രപഞ്ചശക്തി അനുഗ്രഹ വർഷം ചൊരിഞ്ഞു കാക്കുമാറാകട്ടെ'', എന്നും കണ്ണൻ സാഗർ കൂട്ടിച്ചേർത്തു.
