ഏഷ്യാനെറ്റ് ന്യൂസ് ഓണ്ലൈനില് ഇത്തവണ വിഷു സ്പെഷ്യൽ റെസിപ്പികള്. 'വിഷുരുചി'യില് ഇന്ന് അനീഷ ഷിബിൻ തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വേണ്ട ചേരുവകൾ
ബീറ്റ്റൂട്ട് 2 എണ്ണം
തേങ്ങ ചിരകിയത് 1 കപ്പ്
പഞ്ചസാര 2 ടീസ്പൂൺ
തൈര് അര കപ്പ്
ജീരകം ആവശ്യത്തിന്
ഉപ്പ് ആവശ്യത്തിന്
വെളുത്തുളളി 2 അല്ലി
കടുക് ആവശ്യത്തിന്
കറിവേപ്പില ആവശ്യത്തിന്
എണ്ണ ആവശ്യത്തിന്
തയ്യാറാക്കുന്ന വിധം
ആദ്യം ബീറ്റ്റൂട്ട് നന്നായി വേവിച്ച് മാറ്റി വയ്ക്കുക. മിക്സിയുടെ ജാറിൽ ഒരു കപ്പ് തേങ്ങ ചിരകിയതും 2 ടീസ്പൂൺ പഞ്ചസാരയും കുറച്ച് ജീരകവും ഒരു അല്ലി വെളുത്തുള്ളിയും വേവിച്ച് വച്ചിരിക്കുന്ന ബീറ്റ് റൂട്ടും ഒരു നുള്ള് ഉപ്പും ചേർത്ത് നന്നായി അരച്ചെടുക്കുക . ശേഷം ഒരു പാനിൽ കുറച്ച് എണ്ണ ഒഴിച്ച് കടുക് പൊട്ടിച്ച് കറിവേപ്പില ഇട്ട ശേഷം അരച്ച് വച്ചിരിക്കുന്ന മിശ്രിതം ചേർത്ത് ഇളക്കി കൊടുക്കുക . ഇത് തണുത്തതിനു ശേഷം കുറച്ച് തൈര് ചേർത്ത് വിളമ്പാം. സ്വാദിഷ്ടമായ ബീറ്റ് റൂട്ട് പച്ചടി റെഡി!
Vishu 2025: വിഷുവിന് കിടിലന് രുചിയില് തയ്യാറാക്കാം ഇൻസ്റ്റന്റ് ഉണ്ണിയപ്പം; റെസിപ്പി
