ഏഷ്യാനെറ്റ് ന്യൂസ് ഓണ്ലൈനില് ഇത്തവണ വിഷു സ്പെഷ്യൽ റെസിപ്പികള്. 'വിഷുരുചി'യില് ഇന്ന് സരിത സുരേഷ് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വേണ്ട ചേരുവകൾ
1.മാങ്ങ (അധികം പുളിയില്ലാത്തത് ) രണ്ട് എണ്ണം
2.മഞ്ഞൾപ്പൊടി കാൽ ടീ സ്പൂൺ
മുളക് പൊടി ഒരു ടീ സ്പൂൺ
കടുക് ചതച്ചത് കാൽ ടീ സ്പൂൺ
പച്ച മുളക് രണ്ടെണ്ണം (അരിഞ്ഞത് )
ഉപ്പ് ആവശ്യത്തിന്
3.തേങ്ങ ചിരകിയത് കാൽ കപ്പ്
ജീരകം കാൽ ടീ സ്പൂൺ
4.തൈര് (അധികം പുളിയില്ലാത്തത് ) അര കപ്പ്
പാകം ചെയ്യുന്ന വിധം
ആദ്യം മാങ്ങ തൊലി ചെത്തി ചെറിയ കഷണങ്ങളായി അരിയുക. അതിലേക്ക് രണ്ടാമത്തെ ചേരുവകൾ ചേർത്ത് അര മണിക്കൂർ വയ്ക്കുക. തേങ്ങയും, ജീരകവും അരച്ചു ചേർക്കുക.അതിലേക്ക് തൈര് ചേർക്കുക. കടുക് വറുത്തിട്ട ശേഷം വിളമ്പുക.
