പ്രഭാതഭക്ഷണത്തിന് സോഫ്റ്റ് റവ ഇഡ്ഡലി ഉണ്ടാക്കിയാലോ...
രുചികരവും വ്യത്യസ്തവുമായ റവ ഇഡ്ഡലി എങ്ങനെയാണ് തയാറാക്കുന്നതെന്ന് നോക്കിയാലോ...
പ്രാതൽ ഏറെ പോഷക സമ്പുഷ്ടമായിരിക്കണം എന്ന് പൊതുവേ പറയാറുണ്ട്. ഇനി മുതൽ പ്രഭാതഭക്ഷണത്തിൽ റവ ഇഡ്ഡലി കൂടി ഉൾപ്പെടുത്തികൊള്ളൂ. രുചികരവും വ്യത്യസ്തവുമായ റവ ഇഡ്ഡലി എങ്ങനെയാണ് തയാറാക്കുന്നതെന്ന് നോക്കിയാലോ...
വേണ്ട ചേരുവകൾ...
റവ വറുത്തത് 1 കപ്പ്
പുളിയില്ലാത്ത തൈര് 1 കപ്പ്
സവാള (പൊടിയായി അരിഞ്ഞത്) 1 കപ്പ്
കാരറ്റ് പൊടിയായി അരിഞ്ഞത് 1 കപ്പ്
പച്ചമുളക് 2 എണ്ണം
ഉപ്പ് ആവശ്യത്തിന്
വെള്ളം ആവശ്യത്തിന്
തയ്യാറാക്കുന്ന വിധം...
ആദ്യം റവയും തൈരും കൂടി നല്ലത് പോലെ യോജിപ്പിച്ച് വയ്ക്കുക. 20 മിനിറ്റ് മാറ്റി വയ്ക്കണം. അതിനു ശേഷം ഈ കൂട്ടിലേക്ക് സവാള, കാരറ്റ്, പച്ചമുളക്, ഉപ്പ് എന്നിവ ചേർത്ത് കുഴയ്ക്കുക. വെള്ളം അല്പം ചേർത്ത് കൊടുക്കുക. ഇഡ്ഡലി മാവിനേക്കാളും ഒരല്പം കുറുകി ഇരിക്കണം. എണ്ണമയം പുരട്ടിയ ഇഡ്ഡലി തട്ടിൽ ഈ മാവ് ഒഴിച്ച് ആവിയിൽ വേവിച്ചെടുക്കുക. ചമ്മന്തിയോ സാമ്പാറോ ചേർത്ത് കഴിക്കാവുന്ന ഒരു ഹെൽത്തി ബ്രേക്ക്ഫാസ്റ്റാണ് ഇത്.
'പഴങ്കഞ്ഞിയിൽ ലൂബിക്ക ചമ്മന്തിയിട്ട് കുടിച്ചു നോക്കിയേ...'; ചിത്രം പങ്കുവച്ച് മുക്ത
