പ്രതീക്ഷിക്കാതെ കിട്ടിയ അവസരം ജീവതത്തിലെ ഏറ്റവും മനോഹര കാലമാക്കുകയാണ് സാമന്ത. വർക്കൗട്ട് വീഡിയോകളും മട്ടുപ്പാവിലെ കൃഷിയുടെ വിശേഷങ്ങളുമൊക്കെ താരം ആരാധകരുമായി പങ്കുവയ്ക്കാറുമുണ്ട്.
തെന്നിന്ത്യൻ താരം സാമന്ത റൂത് പ്രഭു കൃഷിയും പാചകവും യോഗയും ധ്യാനവുമൊക്കെയായി കൊവിഡ് കാലത്തും തിരക്കിലാണ്. പ്രതീക്ഷിക്കാതെ കിട്ടിയ അവസരം ജീവതത്തിലെ ഏറ്റവും മനോഹര കാലമാക്കുകയാണ് സാമന്ത. വർക്കൗട്ട് വീഡിയോകളും മട്ടുപ്പാവിലെ കൃഷിയുടെ വിശേഷങ്ങളുമൊക്കെ താരം ആരാധകരുമായി പങ്കുവയ്ക്കാറുമുണ്ട്.
ഇപ്പോഴിതാ തന്റെ പച്ചക്കറിത്തോട്ടത്തില് നിന്നുള്ള ചിത്രങ്ങളാണ് സാമന്ത ഇന്സ്റ്റഗ്രാമിലൂടെ പങ്കുവയ്ക്കുന്നത്. കൈ നിറയെ ക്യാരറ്റുമായി നില്ക്കുന്ന സാമന്തയെ ആണ് ചിത്രത്തില് കാണുന്നത്.
ഇനി കുറച്ചുദിവസം വീട്ടിൽ മുഴുവൻ ക്യാരറ്റ് കൊണ്ടുള്ള വിഭവങ്ങളായിരിക്കുമെന്നും താരം രസകരമായി അടിക്കുറുപ്പ് നല്കിയിട്ടുണ്ട്. ' ഈ ആഴ്ച്ചത്തെ മെനു... ക്യാരറ്റ് ജ്യൂസ്, ക്യാരറ്റ് പച്ചടി, ക്യാരറ്റ് ഹൽവ, ക്യാരറ്റ് ഫ്രൈ, ക്യാരറ്റ് പക്കോട, ക്യാരറ്റ് ഇഡ്ലി, ക്യാരറ്റ്സമോസ'- എന്നാണ് താരം കുറിച്ചത്.
മട്ടുപ്പാവിലെ കൃഷിയുടെ ചിത്രങ്ങളും വീഡിയോകളും ഇതിനുമുന്പും താരം പങ്കുവച്ചിട്ടുണ്ട്. 'GrowWithMe' എന്ന ഹാഷ്ടാഗോടെ താരം ഇവയൊക്കെ പങ്കുവയ്ക്കുന്നത്.
നടനും ഭർത്താവ് നാഗചൈതന്യയുടെ അച്ഛനുമായ നാഗാർജുനയ്ക്കും സാമന്തയുടെ പച്ചക്കറിത്തോട്ട പരിപാലനത്തിൽ പങ്കുണ്ട്. അടുത്തിടെയാണ് നാഗാർജുന സാമന്തയെ ഗ്രീൻ ഇന്ത്യാ ചലഞ്ചിൽ ടാഗ് ചെയ്തത്. തുടർന്ന് നാഗാർജുനയ്ക്കൊപ്പം ചെടികൾ നടുന്നതിന്റെ ചിത്രങ്ങളും സാമന്ത പങ്കുവച്ചിരുന്നു.
